بيتي بيخترب والسبب ... الطبيب يجيب
عنوان الموضوع : بيتي بيخترب والسبب ... الطبيب يجيب
مقدم من طرف منتديات نساء الجزائر
بيتي بيخترب والسبب ...
السلام عليكم ورحمة الله وبركاته
كيفكم خواتي ان شاء الله طيبين
خواتي مشكلتي انا مااحب اخواني ولا اكرههم
وماعندي خوات غير وحده اكبر مني بكثير
وماهي بنفس المنطقه الي انا فيها
المهم امي انسانه كبيره بالعمر وتعبانه بالمره
عندها سكر وضغط وهشاشه في العظام اسئل الله العلي القدير
ان ينزل عليها لباس الصحه والعافيه ويخليها لي
انا بالمره متعلقه في امي وهي متعلقه فيني واحبها كثير
توني متزوجه بس مااحس اني سعيده
تفكيري كله باأمي
من تزوجت وانا كل شو عند امي طفش زوجي مني بس ايش بيدي
مايحس باأمي الا انااعرف لامرضت مايوديها
للمستشفيات ولا يعرف لعلاجاتها الااناوالله ان ايام زواجي
باقي عروس البيت مليان عند اهلي وامي تاخذ علاجها انتهي الي انا مسويته لها
واخذت من علاج قديم عندها منتهي تاريخه
مادرى عنها الا انا لما رجعت من السفر انا
خلاص ماعاد قدرت اتحمل تكلمت عليهم كلهم الى متى متكلين عليه
اخواني متكلين عليه في كل شي وكل واحد همه زوجته وعياله
امي محتاجه من يخدمهافي البيت ويقوم بهازوجي تضايق من روحاتي كل شوي
لأهلي حتى اهله تضايقو ايش بيدي امي تحسرني وانا ماابي اقوله عن اخواني شي مهما كان الزوج ماينضمن في اي لحظه يمكن يتخلى عني
المهم زوجات اخواني كل وحده شايفه نفسها
تمشكلت معاهم اكثر من مره مافاد
وفيه وحده منهم معنا بنفس البيت لو تموت امي ماتدري عنها
حتى الوجبه مايهون عليها تطلع لأمي صحن او تطلع وتسئلها كلت ولا لا احياناً اجي من بيتي وأمي تاكل خبز وشاي أو رزبدون
شي من أمس ماتقدر تسوي شي لنفسها
ماتسوي غير لما يكون ابوي فيه والقومه عليها بذيك القيمه وابوي الله يهديه ماهو سائل عنها حتى هو تهمه زوجته الثانيه اكثر من امي حتى الشغاله عندها وامي في حاجتها
انا بصراحه تعبت نفسيتي وانا حامل وماغير اضغط على نفسي
تعرفون الحمل كيف متعب
افكر بالطلاق اكثر من مره بس اتندم بعدها ماابي اتطلق
حتى زوجي احبه بس شايله هم امي بيتي
بيخترب والسبب انانية اخواني وزوجاتهم
هم مايبغون بيوتهم تخترب وانا عادي وانا حياتي
كلها امي ماابغى امي تتعب ولاتتنكد
ايش اسوي عطوني حل تكفون
زوجي طفش مني وانا عند اهلي لي 4ايام تعبانه
والله ماسئل عني ولايدري عني
>>>>> ردود الأعضـــــــــــــــــــاء على الموضوع <<<<<
==================================
صحيح الام ماتتعوض ولا حد يملي الفراغ اللي تتركه كلمي اخوانك اما يهتمون فيها او يجيبون
لها شغالة تجلس معها وتطبخ لها وتهتم بعلاجها واذا يرضى زوجك تاخذينها عندك يكون افضل
__________________________________________________ __________
اختي والله حاسه فيك وبمعناتك طيب خلي ابوك يجتمع باخوانك يجيبون لها شغاله او كل واحد يتكفل برعايته اسبوع كامل يعني كل اسبوع واحد والله يعطيه الصحه والعافيه يارب ويعينك ححبيتي
__________________________________________________ __________
السلام عليكم اختي العزيزة انا من رايي بيتك وزوجك اهم شي بحياتك وحتى امك ماتقبل تطلقين علشانها اكيد بس انت حاولي ترضين زوجك وتكسبية هو واهلة بحيث مايتضايق يوم تروحين لاهلج وانت وشطارتك انا نفس حالتك بس امي وحدها بالبيت اكمل كل التزاماتي في بيتي واتجاه زوجي وبيسمحلي اروح اساعد امي بس موكثير مرة اومرتين بالاسبوع..واللة يكون بعونك يااختي انا حاسة معاناتك
__________________________________________________ __________
عزيزتي
أعجبني فيكِ برك لوالدتك و معاونتك لها
وإحسانك لها وعطفك عليها تقبل الله عملك و أثابك
من خير الدنيا و الأخرة ...
بالنسبة لوالدتك أن كانت ظروفكم المادية تسمح أن تحضروا لها شغاله
تشرف عليها و تخدمها يكون افضل
وهذا بعد ان تتفقي مع اخوانك لتجميع مبلغ لراتب هذة الشغاله
على الاقل وقت حملك او يومين بالاسبوع
بــ النسبه لزوجك حاولي بالتي هي أحسن أن تتحاوري معه في
الموضوع لتصلوا إلى نقاط تفاهم وإتفاق فيما بينكم ,
والمفروض زوجكِ يعلم بظروفك وظروف والدتك
فيتوجب علية ان يقدر ظروفك ...
والدتك حالياً في أمس الحاجة لكِ فالوقت قد حان لكي تبريها
وتردي لها الجميل ...
او احضري والدتك عندك لتقومي بــ خدمتها عن قريب فــ هذا افضل
عليكِ بالدعاء والاستغفار
أسأل الله تعالى أن يسر أمرك ويشفي والدتك عن القريب العاجل
تحيتـــــــي ,,,
----------------
__________________________________________________ __________
حبيبتي بر بوالدتك من اعظم الامور لكن عندك بيت وزوج لهم حق عليك اكثر من والدتك لازم تشوفي اخوانك وتتفقوا على مراعاتها بالمعروف الله يهدي زوجك وتحمل معك ويشافي والدتك
رد مع اقتباس
