طفلتي حرت بيها تبجي بس لحظة اعوفها -تم الاجابة
عنوان الموضوع : طفلتي حرت بيها تبجي بس لحظة اعوفها -تم الاجابة
مقدم من طرف منتديات نساء الجزائر
طفلتي حرت بيها تبجي بس لحظة اعوفها
السلام عليكم
الموضوع يبدي انه لي طفلة عمها تسعة شهور
اني متعلقة بيها ومن هلكد ما اربع وعشرين ساعة جنت لو اشيلة لو اكعد العبها او اوكلها او اغيرها حفاظاتها دائما اني بس تشوفني لحد حتة من هلكد ما اخاف عليها ما اكدر اعوفها بحدها لحظة حتة الدخول للحمام اكعدها بعربانتها واخلها ياية اخاف اذا مو يمها تبجي او توقع او تسوي فد شي بروحها
هو نوع من الوسواس عندي اعرف بس هسة اريد افصلها واكعدها بحدها تقوم تبجي امي رزلتني وقالتلي قتلج لاتخليها تتعلق بيج هلقد اني مجنت اكدر افصلها عني احس قلبي فارغ ويصير نصين وصراحة مجنت هفكر بهل موضوع الا لانه امي قالت هذه هتصير اتكالية ومتعرف تتصرف وشخصيتها ضعيفة لانه تحس اذا انتي مو يمها متعرف تسوي شي
وهذه صفات ماريدها بنتي اريد
اقعدها شوية بحدها تلعب
بس المشكلة حاولت راسا تبجي اذا ماتشوفني يمها
اكعدها بالارض اريدها تزحف هي تبدي تحاول تزحف وتقوم واخاف من هل حركة توقع بالقاع قلت اجيب بالغرفة حجلة تظل تفتر بالغرفة واليوم راح اجرب هذا الشي والله كريم
المشكلة ما تنعاف لحظة تبجي واني قلبي ينكسر ما اتحمل
هسة عوفوكم من هذا كلة اذا اريد اصلي او اغسل واريد اعوفها يم ابوها خمس دقايق لو قليل والله تضحك بس ورة شوية تسمع الصريخ وانجدوني اريد امي
لا بعدها ما تحجي اقصد يعني تفقدني
شنو حلولكم وية هل موضوع
اني ما اكدر اعوفها لحظة اخاف تأذي روحها وبنفس الوقت اريد تبقة بحدها ومتأذي نفسها
ولو اعرف اغلب الردود راح يلوموني لانه صوجي
بالنسبة للالعاب اني ما اريد تتعلم هواي العاب قدامها احب لعبة وحدة لانه اريد تعرف قيمة الشغلات مو تكسير وكل ساع اجيب لعبة وباللحظة تنكسر
واحب العاب بدون صوت او صوت خفيف والعاب بيها ذكاء لهذا جبتلها مكعبات احسها تنمي قدرتها
بس شنو الحل لمشكلتي يا ترى ؟
>>>>> ردود الأعضـــــــــــــــــــاء على الموضوع <<<<<
==================================
اختي خليها تتعود غيابك حتى لو تبكي م يخالف عادي لتعود وعشان متبجي اذا شافت احد غريب
__________________________________________________ __________
عادي خليها تبكي شوي
حاولي تتركيها مع العابها
الله يقدرك وتربيه التربيه الصالحه
__________________________________________________ __________
بألعابها وبتلعب مع أطفال مثلها ، وشي طبيعي قلب الأم ما يقدر يتحمل دموع الضنى الله يعينك
والله يخليكم لبعض ، وشكلها بتطلع حنونه تتعلق باللي تحبهم الله يحفظها لكم.
__________________________________________________ __________
السلام عليكم ورحمة الله وبكاته
ياعزيزتي هذه مشكله كبيره انت راح تجنين ثمارها ولوحدك بس اذا ماعالجتيها باسرع وقت ممكن
وراح انطيج العلاج السريع والمريح حتى ولو على حساب عواطفج
حبيبتي سجليها بحضانه قريبه من بيتكم .. على الاقل شهرين ثلاثه بس .. وكل يوم وديها كم ساعه .. ابدي وياها بساعه ساعتين وبعدين زيدي عدد ساعات تواجدها بالحضانه
ماكو غير حل .. وهذا الحل مجرب ونافع .. ولكن اختاري حضانه زينه ونظيفه .. ويكون عندهم اهتمام بالاطفال
ربي يحفظلك بنتك ويجعلها من البنات الصالحات السعيدات
تحياتييييييييييييي
__________________________________________________ __________
رد مع اقتباس
