عنوان الموضوع : للخبيرات هذي حالتي اول مره ابوحها لأحد غير قلبي -لصحتك
مقدم من طرف منتديات نساء الجزائر

للخبيرات هذي حالتي اول مره ابوحها لأحد غير قلبي



السلام عليكم ورحمة الله وبركاته

أنا فتاة عمري 20 سنه ملتزمه ولله الحمد
بالماضي كنت اعيش حياة خياليه لمدة سنوات معينه
حققت ما كنت اطلبه من واقعي بهذا الخيال
لأني كنت دائم وحيده ولا احد يهتم بي لا من قريب ولا من بعيد
كنت في هذيك الفتره حلمي تكون عندي اخت اكبر مني
فحققتها بخيالي وكنت احبها كثير
واكتب خواطري عنها
يعني صارت كأنها حقيقيه وحتى نصائحها وشخصيتها مثل اي انسانه واقعيه
اتمنى تكونون فهمتوني زين
أنا تركت الخيال وكل مافيه من سنه
لكن اللحين صرت افتقدها و افكر فيها يا الله مدري وش صاير فيني
احس اني شوي بصير مثل المجنونه
تعبت نفسياً مرات احس بداخلي ابي اصرخ
ابي اتغير ماني عارفه
البيئه الي حولي للحين ماتغيرت
ونفسيتي مو كويسه ابداً
مدري عشاني متعوده اتكلم مع ناس غير خياليين واتعامل معاهم اثرت هذي على حالتي

طيب سؤالي اللحين موجه للمستشارات النفسيين والخبيرات

لو برجع مثل اول احقق ما اطلبه من واقعي المستحيل بخيالي
هل هو بيأثر علي مستقبلاً ولا

للعلم اني وحيده وانطوائيه من عمر

مرات تجيني حالات احس اني ابغى اتخلص من روحي بأي طريقه
اتمنى المرض او اي شئ ثاني احسس نفسي ان ماعاد عندي احد من الناس خلاص لأن بجد لو تشوفون كيف هي حالتي
إذا انا ولازلت موجوده بالدنيا الناس ماتذكر لي اسم ولا احد ملتفت علي
فكيف لو بموت بعدين طبعاً راح ينسوني ولا كأني كنت موجوده معاهم بالدنيا اصلاً

فأتمنى تردون على سؤالي خيالي هذا له تأثير سلبي ولا لا
واذا كان له تأثيرات سلبيه وش ممكن تكون

للعلم هذا الشئ سر من الأسرار الي بيني وبين نفسي و أول سر عندي ابوحه لكم من قلبي

اتمنى اشوف من ردودكم وخبراتكم مايسرني ويريحني

>>>>> ردود الأعضـــــــــــــــــــاء على الموضوع <<<<<
==================================


الله يعينك ياقلبي

حبيت ارفع موضوعك للاخوات ويارب يفيدونك

ادعي لي بالزوج الصالح


__________________________________________________ __________

ياحبيبتي اطلعي من خيالك للواقع وارضي بواقعك
إذا كان ماعندك اخت من امك وابوك ممكن تكون لك صديقه واخت ماولدتها امك ورب اخ لك لم تلده امك
يعني كوني صداقات حاولي تكسري حاجز الخجل وبأمكانك تستغلي نقطة اختك الخياليه في صالحك وتحاولي تقوي ثقتك بنفسك من خلالها سولفي كل شي بطلاقه وكأنك تسولفي مع اختك تكلمي وقولي كل اللي بقلبك وخلي لسانك ينطلق بالكلام وكأنه احد عندك بكذا تكوني قويتي شخصيتك لأنك تتكلمي ومافيه احد عندك ولااحد يحرجك ويقاطعك
بعدين تنتقلي لمرحلة تكوين صداقات حقيقيه بالمدرسه او بالجامعه او بأي مكان تكلمي مع البنات وخشي بعينهم طبعاً بكل ادب وتعرفي عليهم ونفس كلامك مع اختك الخياليه سويه مع صديقات حقيقيات
وانسي اختك الخياليه كل هذا لانك ماعندك صديقات تسولفي معهم وصدقيني بس يكون عندك صديقه بتختفي اختك الخياليه من حالها
وأنتي مافيك شي وكل بنت تكون وحيده وماعندها صديقات ممكن تمر في اللي مريتي فيه من خيال واصدقاء خياليين
ولكن العلاج هو الصداقه الحقيقيه تلقي اخت تسولفي معها وتشكي لها وتشكي لك وتكون قريبه منك

الله يوفقك ويرزقك اخت وصديقه تعينك على دينك ودنياك


__________________________________________________ __________

اختي في عندنا عضوه في المنتدى طبيبه نفسيه وماشاء الله شاطره بارك الله فيها ساعدتني في ابني اكثيرررررررررر راسليها على الخاص (( اسمها حنين الحب ))


__________________________________________________ __________

لاتجلسي لوحدك
اخرجي من خيالك بسرعة
لاتستسلمي لخيالك
الله يرزقك بالزوج الصالح الحنون


__________________________________________________ __________

انتي قادره واقوى من كذا بكثيررر خلي عزيمتك وارادتك اقوى وخليه تحدي بينك وبين نفسك وحاوولي تهزمين هالخيالات الل براسك