عنوان الموضوع : ابوي عقدني واختي تغار مني
مقدم من طرف منتديات نساء الجزائر

ابوي عقدني واختي تغار مني



ابوي عقدني**
كل ماسويت شي قالي انتي حساسه انتي شكاكه ياناس ماعمر احد قالي كذا**
السالفه هي انه
انا واخوي متغربين ندرس**
طبعا داخل المملكه بس بعيد عن اهلي بالشرق وحنا بالغرب عند عمامي بس مهما كان حولنا ناس كثير ف احنا نحس بغربه

المهم اذا جيت اعاتب ابوي ليه ماتتصل ليه ماتسال يقول لي امس انتي مكلمه امك وقبل امس شفتيني بالسكايب ، طييييب بس انا ابي اشوف المتصل ابوي احس بتقصير منه**
ع فكره انا اكبر اخواني وابوي يحبني كثير ومدلعني واذا كنت عنده مايقصر معي وياخذ رايي بكل شي بس بعد مارحت ادرس فترة اربع شهور ورجعت بفترة اجازه احس ابوي مو زي اول ابددددد انا عندي اخت اصغر مني بسنه قاعده بالبيت يوم رجعت شفت شي ثاني صراحه حيل انبهرت معقوله ذي اختي وذا ابوي كذا علاقتهم صايره قويه وحتى اسراره يقولها لها وانا سمعت **وحيل ابوي مهتم فيها وصايره هي كأنها راعية البيت مايستانس الا اذا كانت موجوده واحس ابوي صاير يتجاهل وجودي يعني موجوده والا ماكنت موجوده كلها واحد واحيان احسها تغار مني تخيلو لو ابوي جاب لي شي قالت وانا ليه ماتجيب لي ليه ماتعطيني زي ماتعطي فلانه اللي هي انا ، لدرجة انها تقارن نفسها فيني بكل شي ومافيه اي وجه مقارنه تبي تصير مثلي تبي ايوي يحبها مثل مايحبني انا ازعل على ابوي هي ماتزعل انا اعصب على ابوي هي ماتعصب احيان لساني جاف مع ابوي هي لا يصير لسانها عسل سبحان الله صرت اتضايق جدا لما اكون معهم حتى عزلت نفسي عنهم ماني قادره استحمل انا ماكنت افكر بالزواج ابدا لكن الحين تمنيته يجي بوقته عشان انسى واشغل نفسي بشي ثاني انصدمت وللحين وانا منصدمه وكل مااتصل على ابوي يقول تعرفين غلاك وووو الخ من هالكلام انتي حساسه وانتي شكاكه طيب انا اشوفك مقصر هذي مو حساسيه هذا عتاب بس مو راضي يفهمني**

السؤال اللي شاغل بالي جدا الحين معقوله ينقص غلاي عند ابوي بعد ماطلعت من البيت ؟**
مع ان امي مو كذا تتصل علي اكثر من ابوي وجوا البيت ماتبين لي غلاها عكس ابوي تماما**

حتى فكرت افصل من الجامعه وارجع البيت مره يألمني هالشعور وصرت ابكي من اتفه موضوع**
نفسيتي تعبانه جدا غربه ومافي اهتمام من ابوي**
واللله الكلام بداخلي كثير ومدري لمين افضفض يارب القى عندكم حل**

>>>>> ردود الأعضـــــــــــــــــــاء على الموضوع <<<<<
==================================


انت مكبرة الموضوع حبيبتي الاب عمره ما يفضل احد على الاخر الا في حالات
المريض حتى يشفى والغايب حتى يعود والصغير حتى يكبر
اخت ما تغار منك واذا كانت تحب تكون مثلك فذلك فخر لك لانك مثلها الي تقتدي به
واذا تقربت من ابوها فذلك حقها لماذا تتلذذين به وتستخسرينه فيها؟
تاكدي انك مكانتك في قلب ابوك محفوظه فلا تكبري الموضوع وتجعليه مشكلة في حين هو ليس كذلك


__________________________________________________ __________

حبيبتى الاب يحب ابناءه بالتساوى
ربما فى الفترة الاخيرة اقتربت منه اختك وهذا ليس غريبا على الاطلاق هذا حقها ان تكون مثلك فى الحب والغلاوة وايضا ان تطلب ما تطلبيه وهذا لايعنى على الاطلاق تغير مشاعر ابوك
وليس بالضرورة عندما تطلب الاخت محبة وشراء اشياء او مقارتة نفسها بك ان هذا غيرة ربما تعتبرك مثلها الاعلى
حبيبتى انتى لا تفكرى بترك الجامعة وان شاء الله تنجحى بتفوق


__________________________________________________ __________

انت اعرفي بطريقتك كسب قلب أباك وأختك من جديد ولا تفكرين بالمرة ترك الجامعة
الله يعينك ويوفقك في حياتك


__________________________________________________ __________

حبيبتى انتى لا تفكرى بترك الجامعة وان شاء الله تنجحى بتفوق


__________________________________________________ __________

أنتي حاطة مشكلة من ولا شي
اصبري أصبري مو تنفجرين ..
انا اقولك ,,ابوك والله ثم والله وأنا مااعرفكم أحلف لك بالله انه يحبك ..
بس أبوك من النوع اللي يتأقلم مع اللي عنده على طول .. يعني كنتي قبل أنتي اللي عنده وأنتي الكبيرة وكان يشاورك بكل شي طيب وقتها ماحسيتي بأختك كيف أحساسها ان أبوك كل شي لك ويشاورك بكل شي ومدلعك وهي لا .. يعني تعتقدين أبوك أول مايحب اختك ؟؟؟
طبعآ لا كلكن غلاكن واحد عنده ..
بس يوم رحتي صارت أختك عنده طول الوقت وغصب يبي يسولف ويحكي معها ويبي يقول لها أشياء لأنك طبيعي منتي موجودة يعني المسافة بعيده بينكم .. وصعبة كل شي يصير يبي يتصل ويقولك كل شي
حنا يالبنات رقيقات شوي وحساسات الرجال لا
يعني أبوك يحببك أكيد بس هو مايفكر مثل ماتفكرين ..
وياااويلك تفكرين تتركين الجامعه كأنك بزر لا ياحلوة كبري عقلك شوي ..
وبعدين خليهم يسولفون ويتساسرون طول هالسنين وأنتي المفضله عنده والباقي معطيهم خامس ..
خليه يعدل ..
والله اذا تخرجتي ورجعتي لبيتكم بالسلامة راح تعرفين أن تفكيرك غلط وراح يرجع أبوك الاول ..
أستهدي بالله .. ولاتوسوسين ..
وتبين تختبرينه اجلسي كم يوم أسبوع 10 ايام لاتكلمين وشوفي اذا مااتصل عليك ..
موفقة أن شاء الله ..