عنوان الموضوع : ساعدوني ارجوكم خصبوني على الزواج ... وهذي النهاية
مقدم من طرف منتديات نساء الجزائر

ساعدوني ارجوكم خصبوني على الزواج ... وهذي النهاية



السلام عليكم خواتي
ساعدوني ارجوكم ابغي الحل منكم
تعبت من التفكير ليل ونهار
ما بطول عليكم بالسالفة
تزوجت واحد ما احبه بس انجبرت عليه عشان امي ترضى عني
دست على مشاعري واحاسيسي عشان ارضي غيري
زوجي طيب وحنون ووسيم لابعد الحدود طبعا هذا كلام ربيعاتي عنه
بس انا ما اعامله باحترام اكرهه واااااااااااااااااااااااايد ما ادانيه
اقرف منه يوم يتقرب مني وهو ساكت وصابر ومتحمل وبالعكس يقولي غصب بتحبيني وانا ابغيج وانتي زوجتي ومرااات يعذبني ويخليني بالبيت ويقفل علي
ويوم يرد يتأسف ويتم يراضيني ومرات احسه مثل الطفل يجي يصيح جدامي يترجاني ارضى عنه واحبه ويقولي افهميني انا مالي غيرك ما ابغي الحرام انتي حلالي ليش تسوين فيني جيه ؟؟؟ احسه بشخصيتين
مرات طيب يلين مخي شوي عليه ومرات اكره الساعة اللي شفته فيها
حياتي مملة ما في شي اسويه ، ما يرفض لي طلب فلوس يعطيني سيارة وشرالي وبيت مسكني بافخم الشقق اللي بالديرة بس شو الفايدة
مرات وايد اقوله انت ما مليت مني ؟؟ انت لو فيك ذرة كرامه ما قبلت على نفسك زوجة مثلي ، طلقني انا ما احبك روح اتزوج وفكني ، ما تحلم اني فيوم رح احبك ، انت عارف اني انجبرت عليك شو تبغي تذلني بعد بالعيشة معاك وكل يوم تقريبا على هالحالة وهو يطلع ويخليني وفالاخر يرجع ولا جنه شي صاير

قبل ما اتزوج كنت احب موظف معاي في الدوام وتقدم لي بس اهلي ما وافقو عليه لانه مش من نفس جنسيتي وللحين احبه وقلبي متعلق به ووايد افكر فيه واقارن بينه وبين زوجي
تعبت من التفكير
صارلي سنة واربع شهور متزوجة وسبحان الله كل ما احمل يطيح الحمل بروحه واحمد الله انه طاح ما ابغي عيال منه بس هو يجبرني ما يخليني اخذ حبوب لانه محلفني على المصحف الشريف
ساعدوني محتاجتكم ومحتاجة دعاكم تكفون ساعدوني

>>>>> ردود الأعضـــــــــــــــــــاء على الموضوع <<<<<
==================================


السلام عليكم ليييييييش زوجك طيب وحنون وكل الرجوله فيه وامكانيات الزواج وما حبيتيه لييييش
تحبين واحد غييره عشان كذا ماتبينه طيب وش يظمن لك ان الي تحبيه راح يعاملك بالطيبه هاذي اذا تزوجك او وش يظمن لك ان الرجل الي تحبيه مايكرهك في عيشتك من غيره وشك بعد الزواج

والله امركم غرييب الله معطيك نعمه ومانتي راضيه فيها وترفسينها بيدينك ورجلينك وبالاخير انتي الندمانه الزواج ماهو بس حب وخلاص
ناس تتمنى ذره من زوجك بس ذررررره من صبره بس

اختي فكري لا تستعجلي احكمي عقلك وارضي زوجك يرضى عنك الله
الله ينير بصيرتك على حل


__________________________________________________ __________

ياااااااخسااااارته عليككككك وانتبهي المشاعر مو ملكك تجلسين تجرحين ولد الناس حرام عليك عالاقل حطي مشاعرك بقلبك مو تكوني صريح بزياده


__________________________________________________ __________

زوجك دره ليش ليش ليش هالتعامل معاه ليتي اخته ازوجه احححححخلى البنات اكيد زوجك ماينعاف


__________________________________________________ __________

اتمنى ترضي بزوجك وتحبينه لانه هوو قدرك وتتركين التفكر بالحب الأولي لأن مونصيبك خلاااص ارضي بقضاء الله وقدره واحمدي ربك غيرك مومحصل له زووج
الله المستعااان


__________________________________________________ __________

انتي تقدري تتقبليه بس انتي ماتبغي ومقنعه نفسك انك مجبوره عليه وانك ماتحبيه وانك باقي متعلقه باللي كنتي تحبيه بس السالفه كلهاا مايبيلهاا غير انك تقنعي نفسك انه خلاص صار زووجك وبيصير ابو عيالك رضيتي او لا وزيني علاقتك فيه واحترميه وشيليه بعيوونك قبل يقلب عليك ويخونك ويروح لغيرك ويخليك معلقه لامتزوجه ولامطلقه ولوو طلقك يعني بتجلسي ببيت اهلك ع طوول؟ لين متى ومن تبيين يااخذك وانتي مطلقه؟ يامتزووج وانتي الثانيه يعني شريكه مع وحده بزوجها او ارمل وعنده عيال والمطلوب تربي عياله وتحملي المشاكل اللي بتجيك ليش ماسويتي فيهم كذا والا لانهم مو عيالك وليش وليش سواء كنتي بقصد او بددون قصد والا بياخذك ولدد طايش سهر ولعب ومو حق مسؤوليه ولا تبين حبيبك يرجع يخطبك؟ اذا هوو رضى اهله مابيرضوون ولوو رضوو تحملي اللي بيجيك منهم مطلقه وموو زينه وفيها وفيهاا اذا ماقالو قدامك بيقولوو من وراك فكرري وحكمي عقلك واتركي المقارنه لان حبيبك ماعشتي معاه ولاراح تعرفيه زيييين الا اذا عاشرتيه ببيت واحد..
الله يوفقك ويهديك