عنوان الموضوع : زوجي يمكن يطلقني ,, والسبب!!( اعطوني حل))
مقدم من طرف منتديات نساء الجزائر

زوجي يمكن يطلقني ,, والسبب!!( اعطوني حل))



السلام عليكم ورحمة الله وبركاته


والله يابنات متضايقه بالمره

السالفه انوه سلفتي اللي هي مرت اخو زوجي ترسل صدقات فلوس عن طريق حساب زوج اختي لوحده فقيره جدا قريبه من بيت اختي
واخذت رقم الحساب من اختي وانا عارفه بالموضوع وفرحت للفقيره وقلت الله يجزاها خير سلفتي لكن زوجي توه يعرف بالسالفه البارح
وصار يسب فيني وفي اختي وفي سلفتي لأنه مايحب مرت اخوه هذي من عمايلها مااحد يحبها حتى انا مااحبها لأنها استغفر الله منافقه وتدعي الألتزام وماتحترم احد
قاللي زوجي لاعاد ترسل فلوس عن طريق اختك والفقراء كثير ليش حبكت على هذي اللي عن طريق اختك يعني تبغى تسوي نفسها الكويسه وهي منافقه
وحلف بالله يطلقني لو يعرف انها ارسلت مره ثانيه فلوس يعني صدقه للفقيره على حساب اختي
ومدري ايش اسوي انا يعني حرام هذي وحده فقيره ماابغى اقطع رزقها وبنفس الوقت خايفه زوجي يزعل

دلوني وش اسوي الله يخليكم هل اخليها عادي ترسل على حساب زوج اختي او اقولها خلاص لاعاد ترسلي واقطع رزق هالفقيره اللي مالها ذنب؟

زوجي يابنات مو قصده بالعكس يحب الخير لكن مايحب تكون فيه علاقه بين اختي وسلفتي لأنها دائما تسوي مشاكل لكل الناس وياما شفنا منها لكنها قدام الناس تدعي الألتزام علشان تحبب الناس فيها

>>>>> ردود الأعضـــــــــــــــــــاء على الموضوع <<<<<
==================================


اسمعي اختي الوضع بسيط جداً...قولي لزوجك انا مابغا اقطع رزق الفقيرة ذي...واذا عندك استعداد انت ترسل صدقه على هالفقيرة انا بقول لسلفتي ماعاد تحول..انا اهم شي عندي ان الفقيرة ذي تجيها صدقه وبس..وهو فيه خير كثير لي ولك...وقولي له وكأنك تشاورينه..مو بطريقة امر..وبس ...لاتخليها تسوي بينك وبين زوجك مشكله..


__________________________________________________ __________

كلام الاخت حضرة جنابي هو الحل الصحيح والمنطقي
الله يجزاها خير
ويفرج كربتك


__________________________________________________ __________

اسمعي ابعدي عن الشر

وخليه خلاص خلي يمشي الي في رااسه وكلميها وقولي لها السالفه

وان شاء الله ينتهي الموضووع


__________________________________________________ __________

انا من رأيي انك تكلمي سلفتك وتقليلها لا ترسلها لان زوج اختك متضايق من ه السالفة لان الفلوس امانة ومحد عارف اش في الغيب وانا مش قادر اتحمل ه الامانة وانت حاولي تاخذين رقم حساب لقرايب او جيران
الفقيرة غير زوج اختي لان كذا راح نسببلهم احراج وانتي تعرفين الرجال حساس من اي شي من قرايب زوجتة ومن ه الكلام
وبكذا تحلين موضوعك من غير مايكون فيه اي احراج لزوجك ولك
وان شاء الله تكون عجبتك الفكرة
ووتكون حياتك سعيدة وبعيدة عن التوتر و
ومايكدرك شي ياقلبي

اموووووووووووووووووووووووووووووووه


__________________________________________________ __________

اختي حاولي تقولي لسلفتك اختي غيرت رقم الحساااااب
ولاترسلي عشان ماتضيع فلوسك عليك
وزوجك قوليله بحزززززم مو كل مره تسلم الجره
وكلمة الطلاق تنساها حتى في احلك الظروف
فكيف بسوالف وتفاهات مثل هاذي؟؟؟؟؟
يعني مو كلمه والطالعه رح اطلقك لو فعلت فلانه