عنوان الموضوع : مشكلتي بنتي
مقدم من طرف منتديات نساء الجزائر

مشكلتي بنتي



السلام عليكم اخواتي
بنتي عنيده وكتومه والايام هذي كثيره نوم وقليله اكل


وعمرها 5 سنوات بسن الروضه

ولا حضت عليها من ايام كلمات غريبه (جنسيه)علما اني حريصه كل الحرص على تعليمهم ان مو كل كلمه نسمعها نقولها

والكلمه الي انا ما اقولها وتسمعونها بره يعني غلط

وذا سالتها من وين سمعتيها تسكت وتطالعني بنظرات تقهرني ولا ترد علي


واخوها الي اكبر منها دايم يقول لي امي ترا اختي تقول كلام احنا ما نقوله بحكم هو ولد يطلع بره ويسمع بس الحمد لله ما مره سمعت منه شي

بس بنتي غير غير غير ليه ما ادري كيف اتعامل معها

>>>>> ردود الأعضـــــــــــــــــــاء على الموضوع <<<<<
==================================


عزيزتي هل بنتك تدرس بالروضة

هل عندكم اختلاط مع جيران او اهل بنفس العمارة

هل لك خرجات وتقعد بنتك مع ناس واطفال وتختلط وتسمع منهم شئ

هل لديك خادمة ؟؟؟؟؟

كم اخ لديها وهل اكبر منها وهل تجلس معهم ؟؟؟

لعلها تسمع من الروضة

ولعلها تسمع من اهل البيت
او من الشغالة

او من اخوانها حتى لو قالو لك ماقلنا لعلهم يسمعوا كلام بالمدرسة ويقولوه بينهم وبعدين بنتك سمعتهم وهم خافوا يقولوا لك

واذا هي تروح المدرسة يمكن من الارهاق والتعب تنام كثير وماتاكل كويس لان المدرسة تتعب وتسد الشهية تكون جاية وتعبانة وماتشتهي تاكل

ممكن مو كتومة بس ماهي عارفة تعبر لك او تشرح لك عن اي امر

انت حاولي تعرفي اكثر جلستها وين

حسب اجوبتك بتعرفي الاجابة
مدرسة .. اهل .. اخوان .. شغالة او سواق

حاولي تجيها بالحب والحنان وتعملي الموضوع حكاية ولاتستجوبيها كثير بالحب والعطف

شوي شوي وحاولي تفكري وتعرفي مع مين بتجلس وتشوفي

الله يهديها ويصلحها ويوفقها هي واولاد المسلمين

بالتوفيق


__________________________________________________ __________

حاولي تتقربين منها اكثر وعطيها الثقه وعوديها انكم صديقات
خليها تقول لك كل شي
لكن باسلوب
حلو
لعبي معاها وجلسي معاها كثير لما تكبر ان شاء الله رح تشوفينها علاقتها معك قويه
كلميها بهدوء ولاتصارخين عليها
الله يحفظها لك يارب


__________________________________________________ __________

غاليتي دآم البنوته توهآ صغيره
تقدرين تسيطرين عليهآأ وقولي لها يامآاآمآأآ
لاعاد تقولين كذا اذ ماسمعتك تقولينها بوديك للالعاب
وقولي لها ترى ربي مايحب هاالكلام اذ قلتيه
ترى بتدخلين النآأإر
والله يهديها بسم الله ويصلحها


__________________________________________________ __________

مني منك احط الفلفل بفمها عشان تتوب لانو هذي طفله لازم اول مره تفهميها عيب حسيتي انها ماردت عليك هدديها واذا بعد حسيتي انها مطنشه لا كذا ماراح تخاف منك لازم تكون اقل شي تخاف منك على طول حطي فلفل حار بفمها اقسم بالله ان امي كانت تحط الفلفل بفمي وانا صغيره مره وليومي هذا ما انسا ههههههههههههه بس اكيد لمن كبرت شوي صارت تاخد وتعطي معنا بالكلام واذا ماقدرتي تحكمي بنتك بهالعمر صعب تحكميها بعدين وكمان لازم تسالي عنها بالروضه وكيف سلوكها ترى بنات الحرام كثييييييييييييير انتبهي على بنتك ياقلبي ترى توها صغنطوووطه مره


__________________________________________________ __________

اول شيء ياحبيبتي لازم تعرفين من وين هالكلام
هالزمن صار يخووف لازم تتنتبهين هي مع مين وين تروح
روحي يوم فجأه للروضه تبعها وشوفي مع مين تجلس
بالروضه فيه اولاد وبنات ووساعات الاولاد يسوون اشياء اكبر منهم
يمكن قلة تربيه وقلة ادب .. المهم انتبهي عليها شوفي بالروضه وش يسوون
وش النشاطات مين معاها مين تلعب معاه ..
غير كذا مو كل وحده تحط بنتها بروضه وتخليها لوحدها
مو كل روضه محترمه .. انا والله اسمع اشياء يشيب الراس منها
بسبب الروضه لان فيه ناس ماتخاف الله .. يا اختي انتبهي كثير
وحاولي تخلينها تصارحك وماتخوفينها منك ابدا
قولي مع مين تلعبين وين تروحين مين يسولف معاك
اذا فيه احد يهاوشك او يكلمك او يقولك كلام مو زين مين اهو
ترى انا ماما وانا اكثر وحده تحبك ولاتخافين من احد
ماحد يقدر يسوي لك شيء وانا موجوده ..
يعني خليها تحس بالثقه فيك وبعدها بتشوفين باذن الله انها
راح تكلمك وتصارحك وان شاءالله مايكون فيه شيء يخوف
اما اذا كانت تسمع هالكلام من اطفال معاها تقدرين تقنعينها
ان هالكلام عيب وان ربنا مايحب هالكلام
عمر الشده او اضرب ماجابت نتيجه
التفاهم حلو خصوصا بهالسن الصغير ..
حتى بعدين مايصير شيء كبير وتخاف تقولك او تصارحك
والله يوفقك يارب ويهدي بنتك ويخليها لك ..