زوجي وحياتي في خطر -تم الاجابة

[aksachli]

عنوان الموضوع : زوجي وحياتي في خطر -تم الاجابة
مقدم من طرف منتديات نساء الجزائر

زوجي وحياتي في خطر



:زوجي يكلم بنت وهو طيب ويحبني مره بس هذا عيبه
صارحته لما حس اني متضايقه
وأنكر وقالي انه يحبني ومستحيل يفكر بغيري وقالي لازم تثقين فيني وأنا واثق بنفسي
وسويت نفسي صدقته
وكنت أفتش جواله من وراه لأنه حاط رقم سري أعرفه وهو يدري إني
أعرفه
بس كان يمسح الصادر والوارد لرقمها بس انا كنت أعرف من السجل
أللي بالتطبيقات وما كان يعرف ذا الشي
أو مايدري إني أعرفه
فكنت أشوفه يدق عليها كثييير بس إهي ماترد
مادري ليش؟
كنت أتضايق بس ماأبين بماإنه ماكلمها وماغيرت معاملتي معاه يدري إني أحبه وهو مبسوووووووووط مره معي بس لاجيت أسولف معه أبينله إني ماأرضى بوحده تشاركني فيه واني أغار عليه
ومره شفته متصل فيها وردت وكلمها 20 دقيقه
يومها تضايقت مره ولاحظني وبدا يسأل اش فيك وقالي ترى البيت يصير كئيب اذا صرتي متضايقه وسألني الموضوع موضوع بنات قلتله إيه
فزعل وقال أنتي مو من حقك تشكين فيني واني أقدر أطلع رقم ثاني أو أقفل جوالي برقم ماتعرفيه اذا أنا ناوي خيانه وكان معصب وقالي جوالي ماأبيك تفتحيه عشان ترتااحي وطلع من البيت
قعدت أبكي وأستغفر لأن لي سنه وأول مره يصير بينا زعل المهم قعدت في البيت وأفكر بكلامه وإنه يقدر يخون برقم ثاني و.و.و
المهم وبعد ماغاب لمدة ساعتين تقريبا رجع
أنا دخلت المطبخ وشغلت نفسي بالتنضيف
فدخل عندي المطبخ وقال باقي زعلانه وجا ضمني وانا ماصدقت على الله
ضميته وبكيت
ودخلنا الغرفه وقالي لا تشكين فيني أنا كان لي علاقه قبل الزواج
وتركتها(يعني باقي مو معترف وأنا تأكدت انه بنت لا تقولون شكاكه)المهم أنا ماقدرت أقوله إني أعرف عن طريق السجل أخاف يقفل جواله
المهم فهمني إني غلطانه وانه مايسوي شي غلط ولا يكلم بنات
اضطررررررررررريت أسكت لأني حسيت اني مابيديني شي
لا تقولون أنا سلبيه بس أدري اني لو كبرتها بيسوي اللي براسه وبيطنشني ويمكن يهملني وتاخذه مني (على الأقل الحين يراعي شعوري
ومو معترف)
قالي أنا واثق من نفسي وانت بكيفك
قلتله خلاااص أنا ثقتي فيك من ثقتك بنفسك وما عاد أبشك فيك مو تقول واثق بفسك أنا معك
وتراضينا
وكنت أتابع جواله ماغير فيه شي
وشفته متصل عليها وهي ماترد..... تغيرت عليه وكان يسألني شفيك كنت أقوله تعبانه من الحمل ماكان يصدقني بس مايلقى عندي رد غير هذا
بس صرت ألمح له عن الخيانه وانها تجرح وهذا وأنا متضايقه وهو حاس ان فيني شي وكان خلاص بينام قلتله تعرف هذي الحركه قال إيش قلتله إن اي رقم صادر أو وارد تقدر تعرفه من السجل أذا كان ممسوح من الصادر
حسيت وجهه تغير وقال إيه أعرف ليش؟ قلتله بس أقولك يمكن ما تعرف
(فهمته اني كنت أعرف وانت تكذب علي)
وتركته ورحت أسهر مع خواته وانا أشوف ملامحه متغيره وسكرت اللمبات عليه وقلتله تصبح على خير وطلعت وهو يتقلب
وبعدين جيت البيت والمفروض إنه نايم وسوى نفسه نايم فقمت صليت وكنت أحسه يشوفني وانسدحت جنبه واأناظره وأقوله الله يهديك ويبعد عنك بنات الحرام واناأدري إنه يسمعني وبعدها قعدت أبكي
وانقلب على الشق الثاني وسو نفسه مايسمعني
وهو من النوع اللي نومه خفيف واذا نايم وأنا أتوه
إذا كنت تعبانه يصحى يسألني شفيك
وبعدين تركت الغرفه الين جا موعد قومته وسويت فطور وصحيته
وقام يضحك معي ويسولف كالعاده ولاكأنه صاير شي وانا عارفه انه ماقدر ينام
المهم داوم وهو بالدوام أرسلتله رساله
أحتاج أليك
أحتاجك كصديق أقول له مافي قلبي دون تردد أو خوف
أحتاجك كحبيب أرتمي بحضنه متى أحتجته
أحتاجك زوجا مخلصا ولا أرضى لي شريك
أحتاج من يقاسمني حزني قبل فرحي
أحتاج لمن أثق به ليعيد لي ثقتي بنفسي ومن حولي
أحتاجك أنت وأنت فقط بعد الله
بعدها أرسل
أبعتذر وارسل مع الشوق عذري
ياللي مكانك بين عيني وقلبي
أنا مقصر والضروف أجبرتني
وابيك تقبل اعتذاري وظرفي
والله ماني مهملك في حياتي
لكن حياتي كلها أتعبتني
وفهمت من كذا إنه فهم قصدي بس كبريائه يمنعه يعترف
وهو كان منكر أي علاقه وكان واثق بنفسه مره
فرضيت وحياتنا رجعت زي أول وأحسن
وانا باقي أتابع جواله
واكتشفت انه ماعاد يتصل فيها
لكن
هي تتصل فيه لكنه ماعاد يرد عليها
وترسله رسايل وهو مايرد
(أول كان يتصل فيها كثير وما ترد ويوم طنشها وحسيته يبي يتركها قامت هي تتصل وترسل الله يهديها أو ينتقم منها )
الين الحين هو مايرد عليها ولا يراسلها أعرف عن طريق السجل
بس المشكله أنا بسافر لأهلي سفره ضروريه وأخاف يضعف ويرجع يكلمها
بردو علي بردودكم وادعوالزوجي بالهدايه

>>>>> ردود الأعضـــــــــــــــــــاء على الموضوع <<<<<
==================================

ياحبيبتي صاحبة المشكله
زوجك يحبك واعتذر وخلاص
ادعي بس انه يبقى على عهده
وانتي مابيدك شيء تعمليه غير انك تستمري معاه باللطف والمعامله الحلوه
وحاولي تقللين من بعدك عنه وسفرك
واذا ماكان السفر ضروري يكون احسن لو ماتسافري
انتو لسه ببداية حياتكم ومحتاجين تكونوا جنب بعض عشان التفاهم والتقارب بينكم يكون اكبر
حاولي انك تبعدي عن جواله ترى هو مايخونك ومافيه بين زوجك وبين هذه البنت الا الكلام وبس
وانتي غاليه على زوجك وماممكن يفرط فيك
استغفري وادعي من الله يدوم الهدوء والسكينه ببيتكم


تحياتيييييييييييييييييييييييي

__________________________________________________ __________

الله يعينك حبيبتي وبالعكسسسسسسس ماشالله كافحتي وقدرتي وكسبتي
بس ليش ماتخلينه يغير رقمه ؟؟؟؟؟؟
عشان تفتكين منها
وانتي وقت سفرك لاتخلينه كل ساعه كلميه كل نص ساعه يكلمك
وانصحك لاتكلمين انتي دقي عليه وقولي كلمني
عشان الفواتير على نفسه <<<<<<<ويخاف من الفاتورة ويحد من انه يكلمها
واجلسي معه بالساعات
والله يعينك وعليك بالدعاء والاستغفار والتصدق

__________________________________________________ __________

واضح إن زوجك يحبك ومايقدر يبعد عنك والله يخليه لك يارب
لاتخلين له فرصة يروح لغيرك وموضوع السفرة حاولي قد ماتقدرين ماتسافرين
لأنه أحتمال كبير يرجع يكلمها بهالفترة
وإذا ضروري تسافرين بلطي له في الجوال كل شوي أتصلي وعطيه من كلام الشوق
والحب خليه يحس بقيمته عندك

وأنتي لازم تتدعين أن ربي يسخره لك ويبعد عنكم شر من فيه شر
والله يخليكم لبعض إن شاء الله

__________________________________________________ __________

اكسبي زوجك بمعاملتك له وابعدي عن جواله واالمراقبه لانك ماتستفيدي الا التعب النفسي
وعليك بكثره لاستغفار والمداومه على صلاه الليل وربي يهديه

__________________________________________________ __________

............والله ياحبيبتي مو انتي الوحيده اللي تعانين كللللللللللنا نعاني من هالمشكله.............
وحبيت اذكرك بشي مهم...لجيتي مسافره لأهلك....قولي <اللهم اني استودعتك سمع وبصر ولسان وقلب زوجي عن الحرااام يامن لاتضيع ودائعه>.وكرريها وكلما تذكرتي السالفه قوليها...وانتي براحتك تبين تقولينها وزوجك يسمع اولا.....
... وقوليها وانتي واثقه انو ربي بيحفظ وديعتك.......الله يهدي زوجك ويسخره لك اللهم آمين..
.....ادعيلي يااختي ان ربي يفرج همي ويكشف كربتي ويهدي زوجي.......