عنوان الموضوع : هذه ضريبة حبي -لصحتك
مقدم من طرف منتديات نساء الجزائر

هذه ضريبة حبي



السلام عليكم ورحمة الله وبركاته
عزيزاتي العضوات اتمنى ان اجد لديكم الحل الشافي لجروحي وكياني ومعانلتي مع زوجي الغالي .
في البداية تزوجت من اكثر من سنة تقريبا من الشخص اللي حبيته واخترته عن اقتناع رغم انه مطلق وعنده ولد واهلي ما كانوا موافقين في البداية بس سبحان الله النصيب ما يعرف شي اسمه موافقين ولا لأ ،، المهم تم الزواج بسرعة لانه كان مستعيل ومحكوم بوقت ،، في بداية الزواج ما كان يخش عني شي لا كبيرة ولا صغيرة كل يقول لي كل اللي يفكر فيه وكل اللي فخاطره وانا بعد ما كنت اخش عنه شي يعني ما شي اسرار بينا ابد ،، بعد فترة قمت الاحظ انه تغير علي وايد من ناحية هالمواضيع يتكلم فكل المواضيع الا موضوع ولده ، كان عنده حكم من المحكمة بشوفة الولد كل يوم جمعة خمس ساعات كان يجيب الياهل عندي للبيت ونيلس ونلعب مرات نسير مدينة الالعاب وننبسط وبعدين يرد حق طليقته ،، المشكلة ان طليقته يوم يكون الياهل عندنا دوم تتصل وتسأل وتتخبر عن الولد هذا الشي صراحة يقهرني لانه ماله داعي ، بيني وبينكم ريلي ما ييي للبيت واشوفه الا يوم الجمعة لانه يداوم في مكان بعيد وما يروم ييي كا يوم من الدوام يعني ما اشوفه الا بالويك اند واكون وايد مشتاقة له ، تطورت المسألة وفيوم من الايام قالي ان الولد بيررقد عندنا الليلة ، استغربت وااااااااااااااااايد كييييييييف شو مستوي مستحيل اصلا طليقته كانت مانعتنه يشوف الولد لاكثر من سنة بتخليه يرقد بعيد عنها بهالسهولة وقلت له ليش ما خبرتني من وقت عسب اجهز شي حق الياهل ويستانس اكثر قالي ما كنت ادري ، وقام يجيبه كل جمعة وبنام الولد عندي بدون ما يقولي وصار لي على هذا الوضع اكثر من 6 شهور ويوم سالته كيف قمت تيوب الولد ؟ قام غير الموضوع على طول ، دريت بعدين من صديقة مقربة ان طليقته يوم درت انه عرس وما ييي الا في الويك اند قامت تطرش الولد عشان هي تظهر وتسير وترد على كيفها وبعد عشان تغايظ بريلي وما تخليه يتهنا معاي هذي اول مشكلة ، ثاني مشكلة اكتشفت ان بينهم مسجات مضمونها شي عادي بس ليش في بينهم اتصال اصلا هو ما طلقاها الا من كثر المشاكل اللي كانت بينهم ما كانت تحترمه ولا تقدره ودايما ابغي وابغي وخاطري لين ماكره شي اسمه زواج من وراها والحين يكلمها ليش ، انا الحمد لله بشهادة الجميع اجمل منها بمليون مرة بكل شي خلق دين جمال وكل شي وما في حد شافنا مع بعض الا ودعا لنا بالخير والتوفيق ليش قام يعاملني بهالطريقة يخش عني واااااااااااااااايد يا ترا شو السبب انا ما كنت اضربه على ايده قبل واقوله خبرني هو اللي كان يسولفلي بروحه والحين ليش لأ ؟؟؟؟ وبعد في اليوم اللي ييني فيه يجيبلي ولده معاه صح ان ولده بعده صغير عمره 3 سنوات بس حتى ولو انا ابا البس له ادلع عليه مشتاقة اسولف معاه خاطري نظهر مكان برونا نسولف نتسامر لين الفير وين اقدر اسوي كل هذا والولد عندي ، روجي ما يقصر معاي دايما ما اسمع منه الا كل كلمة طيبة يعاملني بحب وتقدير واحترام ودايما يدعيلي بالخير بس وين الغلط فيه ولا فيني انا احبه مووووووووووووووووووووووووووووووووووووووووووووووووو وت وما اروم اقول له لا تيب الولد هذا الاسبوع اخاف يفهمني غلط او اني ما احب ولده او يفسرها شي ثاني مادري ، حياتي صارت مملة لدرجة فظيعة على قد ما اكون فرحانه اني بشوفه واخيرا على قد ما انغم يوم اشوفه داش وولده معاه ،، الله يخليكم ساعدوني ابغي حل كيف اقدر افتح الموضوع مع زوجي من وين ابتدي شو اقوله انا ما ابغيه يكرهني ، مرات وايد افكر اني اطلق منه واعيش حياني بعيد عن كل الاوهام اللي تيي فراسي انه بيرد طليقته بس ارجع واستغفر الله واقوم اصلي عشان اهدي نفسيتي شوية ، يوم افضفض حق ربيعني تقولي هذي حياتش انت اللي اخترتيها محد غصبج عليها اللي وافقني عليه ، يعني هذي ضريبة حبي اني اعيش فكوابيس داما زوجي جدامي بس ما احسه لي ؟؟؟؟

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

بس بغيت أرفع الموضوع لج


__________________________________________________ __________

حبيبتي باين ان الحركه عنااااااد من طليقته ؟؟؟؟؟؟؟؟ ما اقدر افيدك اخاف نصيحتي تضرك لان انا نصايحي دايم انصح اي وحده بالنقاش ان شاء الله البنات يفيدونك


__________________________________________________ __________

انا مع خويتج حبوبه هي قالت لج هاذي حياتج ومحد غصبج عليها وانتبهوا يا بنات الزواج مو لعبه تقولون ودنا نتزوج سواء مطلق سواء كبير سواء مو حلو و... كل هاذي الاشياء لازم حاسبين لها حساب بلمستقبل زين يعني مو تاخذين مطلق وتغارين من طليقته او متزوج وتغارين من زوجته او موحلو والناس يعايرونج فيه و...الاخ يعني فكرو اللف مره قبل الاقدام ع الخطوه المهمه

المووهيم نرجع لمحور حديثنآ حبيبتي انآ ماشوف فيه مشكله جآيده يعني عشان قآم يخبي عليج اسراره متضايقه ولا عشان قام يجيب ولده
من نسبه لابتعاده عنج يمكن مسويه لككم شي ترا ان كيدهن عظيم هل حريم انتبهي ورقي حالج وزوجج وسوي حرمل كل جمعه وشغلي القران في بيتج اغلب الوقت عشان اذا في اي شي يزول ويتعقم بيتج
ومن نسبه لولده صار له 6 شهور ينام عندج كل جمعه شمعنه الحين تحجيتي !! انا برأيي اسكتي علي هذه الموضوع عشان اكيد لو قلتي له شي بيفكر انج تكرهين ولده الي من لحمه ودمه ويقول مع نفسه هذي اكيد باجر ماراح تخلي عيالي يتربون سوا وماتحب ولدي و.. الف فكره تجي بمخه وتتغير معاملته معاج انتي بس ادعي بكل صلاة انو اذا بنية طليقته اي شي يبعدها عنكم ويجعل كيدها بنحرها وتلتهي بولدها اصلا بكل اسبوع مره تشوفينه لهذه الولد 7 -1=6 ايام بلاسبوع تكشخي لزوجك وتدلعي وسوي الي تبينه فيه ماعدا يوم واحد ماراح يضر حبوبه سوي الي تبين بهذي الايام وايام الله وايده واكسبي ود هل ياهل عشان لا يكرهج واذا يقولج حبج علميه يناديج ماما عشان ابوه ينبسط بنفس الوقت حركه خطيره لو مثلاً جبتي له لعبه او شوكلا او اي شي وراح عند امه وسئلته من جابها وقال ماما الثانيه جابتها لي طلقيته بتموت قهر هههههههههههههههههه حركه نذله شوي بس حلوه ( ينبسط زوجك وتنقهر طليقته من هل حركه وتحاول تخفف زياراته ولدها عشان الولد لا يتعلق فيج ويناديج ماما ) بس اهم شي دللي الولد ولا تقصرين معاه

ومن نسبه للكوابيس الي ممكن يرجع زوجته انتي اجلسي معاه بعد مايروووق يعني بعد الاكل وكلميه بطريقه حلوه وهدوء واسئليه وقولي انج متضايقه من المكالمات الزايده والمسجات من حقها تطمن علي الولد بس مو كل ساعه تدق انا بعد لي مشاعري واغار عليك وقطي لج جم دمعه ( الدموع سلاح المرأه) وشوفي شنو رده واذا كان رده حلو وقال مآبي اردهآ ولا عندي نيه ارجعهآ و... استقلي الفرصه وقولي له عيل ليش قمت ماتسولف معاي نفس قبل بس كل شي ينقال بطريقه حلوه لا تنسين

واهم شي احمدي ربج ليل ونهار انو زوجج طيب معااج ومايمد يده ولا يتعاطه ولايخوونج بمكالمات والي قاعد يكلمها طليقته وعشان ولده احمدي ربج حبيبتي انتي احسن بواايد من غيرج
ويارب تدوم المحبه بينكم ويسسعدج ويسسخر قلبه لج
مووفقه خيتووو


__________________________________________________ __________

ليكي يا اختي بظن انك مكبره الموضوع بس
اول شي اعتبري هالولد ابنك
بمعنى لو كان ابنك شو كنتي راح تاخديه لبيت اهلك لحتى تطلعي مع زوجك او تقعدي معه على رواق
اكيد لا
تاني شي بالنسبه لانه مايقلك شي عن طليقته بظن لانه خايف لتزعلي وبيني وبينك اكيد راح تزعلي نحنا بنات ونفهم على بعضنا
انا نصيحتي الك حاولي تبعدي هالافكار عنك لانها مالها داعي
وادا بدك تقعدي على رواق مع زوجك في الكن غرفه وفيك تجيبي العاب وتسهري انتي وياه و وولده بظن هيك راح تخليه مايشوف غيرك
صدقيني بحالتك مفتاح زوجك هو ابنه اعتبري هاد الطفل هو القنطره لسعادتك انتي وزوجك وتفنني بمرورها
اكيد فهمتيني
الله يسعدكم يااارب


__________________________________________________ __________

والله اختي ماشوف فيها شي اذاولده نام عند ابوه مره فالاسبوع من حقه يحس بحنان ابوه
واذا على الطلعات خلي عنده شغاله تهتم فيه لين ترجعون
ونظمي نوم الطفل وعشيه بدري على تسع وهونايم وسولفي بعدين مع زوجك على راحتكم
اما على طليقته ماظن قصدها شي كل همها ولدها ماينحرم من ابوه ويتعقد خصوصا لما بدا يكبر ويفهم
انتي كنت عارفه من قبل ان عنده ولد ولازم تقدرين هذا الشي وطالما طيب معك ويعاملك زين انتي بعد لاتقصرين
مع ولده منها اجر لك ورضا زوجك عليك والله يوفقك ويسعدكم