عنوان الموضوع : ظلم ابوي وزوجته الطبيب يجيب
مقدم من طرف منتديات نساء الجزائر

ظلم ابوي وزوجته



السلام عليكم ورحمة الله وبركاته
انا بصراحه شفت الموضيع وفكرت اتكلم عن الي بخاطري لان مو لاقيه احد يسمعني وانا ماعندي صديقات ولا اخوات ولا اخوان انا وحيدت امي
انا عمري 26 سنه ولحد الحين مافي احد تقدم لي واي احد يتقدم يعرف ان امي مطلقه يتراجع طيب انا شو ذنبي والله حتى خطابات كلمتهم بس مافي ولا وحده تخاف ربها كله كذب كنت اتمنى الاقي خطابه تساعدني ومستعده اعطيها الي تبغى بس ارتاح من ظلم ابوي وزوجته لي وربي تعبت والمصيبه حتى ابوي ما يعرف عني شي ويفضل اولاده الي من زوجته الثانيه حتى زوجته والله دايم ترمي كلام علي وتتكلم بامي واذا تكلمت اورديت عليها ابوي يزعل ويصرخ علي والله حتى اخوات ابوي يكرهوني ليه ما ادري والله وربي شاهد علي اني ما ظريتهم بشي ابد
والله تعبت من الوحده وحتى بنات خالتي كلهم تزوجو حتى الصغار وصارو ما يتكلمون معاي ابد ولا اعرف السبب مع ان ربي شاهد علي اني طيبه وما احب احد يزعل مني
والله تعبانه وحتى امي صارت تقولي انتي عنستي انتي بتجلسي بحلقي كل البنات تزوجو الا انتي وربي تجرحني بكلامها بس ما ابين
والله تعبت مرات اتفكر اني اكلم واحد او اطلع واروح مثل البنات بس استغفر ربي مع العلم ان طلعاتي برى البيت نادره
ادري طولت عليكم وسامحوني بس اتمنى احد يساعدني

>>>>> ردود الأعضـــــــــــــــــــاء على الموضوع <<<<<
==================================


الله يعيينك ويرزقك بأبن الحلال اللي يعوضك
من الواضح انك مو موظفه
يعني طول الوقت فاضيه انتي ممكن تقعدي مع خواتك خااااااصة لما يكون معاهن مشاكل يعني توقفي معاهن وتساعديهن ابوكي اكيد يحبك بس لأنك كبيره يشوف انه مو من الضروري يبينك انتي كوني دائما جنبه حتى المويه افتحيله بيدك العلبه
وانشاء الله هو بيحس بذا الأهتمام ويبادلك الحب
وعذريني على الأطاله


__________________________________________________ __________

الله يكون في عونك ويرزقك الزوج الصالح اللي يسعدك ...


__________________________________________________ __________

ربي يرزقك بالزوج الصالح لي راح يعوضك بكل شي انحرمتي منه


__________________________________________________ __________

ربي يعوضج ان شاء الله صدقيني ربي ماينسى احد بعدين 27 ماتعتبرين كبيره وايد ! لاتوسوسين اكثري من الدعاء والاستغفار وربي بيحقق لج ماتتمنين واككثثر ان شاء الله

استفيدي من وقت الفراغ اقري كتب تابعي برامج مفيده واذا حالتج الماديه كويسه اشتركي بنادي او سجلي بمعهد او دور تحفيظ منها تستفيدين وتتعرفين على ناس

موووفقه حبيبتي ربي يكتب لج اللي فيه الخير


__________________________________________________ __________

الله يفرج همك