عنوان الموضوع : الفزعه يابنت حواء فيها موت وخراب ديار مجابة
مقدم من طرف منتديات نساء الجزائر

الفزعه يابنت حواء فيها موت وخراب ديار



السلام عليكم ورحمة الله وبركاته

بدون مقدمات وكثرة كلام الزبدة ان صديقتي واقعه فمشكلة وابي اساعدها بس من زود حبي لها وخوفي عليها مولاقية فرصة افكر والاقي حل مناسب فحبيت آخذ رايكم انا براسي فكرة بس قبل انفذها ابي آرائكم

تكفون يابنات متزوجات اوغير متزوجات اسمعوا السالفه وعطوني ارائكم الله ويفق كل من ترد علي وتنحسب لها صدقة لوجه الله


صديقتي ذي اعتبرها اختي اللي ماجابتها امي بنت حلااااااال صافية و واثقه فيها ثقة عمياء ومانخبي ش عن بعضنا ابد
السالفه ومافيها انها مرة قالتلي ..يافلانة انا ملاحظة شخص كل ماطلعت يلاحقني اول مرة قلت يمكن صدفة يمكن يغازل بس طالت السالفه وصار يلاحقها بكل مكان تحلف انه حتى اذا طلعت مع ابوها تشوفه ماشي وراهم وأي مكان تروح تلاقيه والاغرب من كذا انه دااايم متخفي ملثم ولابس نظارات سودة استغربت لما قالتلي بس ماحبيت اخوفها هديتها ونسيتها الموضوع

بعد فترة قالت يافلانة.. اليوم رحت السوق مع اهلي ويوم جيت اركب السياره شفته واقف قدام سيارتنا شوي الا دق جوالي رقم غريب مارديت دق ثاني مرة رديت وانا ساكته تقول وانا ارد عالجوال ناظرت عليه طلع هو نفسه الرجال اللي بالسياره يلاحقها تقول قالي كيفك ياقمر؟ وغمز بعينه تقول انا من الخرعه سكرت الخط وقفلت الجوال وهو يضحك ولاهمه وتم يلاحقهم للبيت

وصار يدق على جوالها ويرسل مسجات واخر مرة كانت معصبة وردت بهوااش قالت نعمممم قالها كيفك يافلانة ..... نطق اسمها ؟؟؟
قال انا اعرفك واعرف اسمك واعرف كل شي عنك وانا احبك تخيلوا قالها اسمه ومعلومات عنه بس اطنه كذاب .... هي هنا قفلت معها مرة خاافت وقالت لابوها وابوها تعرفون الرجال خاصة الشياب عصب عليها ومن وين تعرفينه وكيف يعرف اسمك ومن هالكلام وهي تحلف انها ماتدري عن شي صار ابوها يدق عليه من جوالها مايرد ويرسل مسج انه عارف ان اللي يدق ابوها..اخذ ابوها الجوال وباعه قلنا خلاص الحمدلله افتكينا منه وارتحنا

بعد اسبوعين اختها قالت يابنات في واحد يدق علي ويرسل مسجات شفنا الرقم طلع هو نفس الرقم سمعنا صوته نفس الشخص .......!
طنشناه مع شي يحير وماينسكت عنه بس اقنعتهم انه مع الوقت بيطفش ويتركهم

وسبحان الله جا نصيبها وتزوجت قبل فترة ونقلت مع زوجها لمنطقة ثانية على اساس بتحط جوال بعد زواجها وتكلمني منه وطبعا فقدنا بعض شوي عشان شهر العسل وكذا بس طال الانتظار بيوم حسيت قلبي نغزني وقلقت عليها دقيت على اختها قلت خليها تكلمني

كلمتني تدرون وش قالت.......... ؟؟

قالت تذكري الرجال اللي كان يلاحقني ؟ للحينه وراي وجاي للمدينة اللي انا فيها واكثر من مرة يشوفه زوجي ؟ تخيلووووووووووووا

والله يابنات انقهرت عليها ندمت اننا ماشفناله حل قبل تتزوج تدرون انه صار زوجها يشك فيها وهم توهم عرسان قام يسالها انتي كنتي تعرفين احد قبلي كنت تحبين احد ؟ تبيني والا لا ؟ حتى الجوال اللي طلعته صار ابن اللذين يدق عليه ويناديها باسمها ومرة زوجها سمعه ومن بعدها اخذ منها الجوال وصار يحاسبها على كل شي ماتروح ولاتجي ولاعندها جوال ولاتلفون ولانت ولاتكلم احد الا قدامه ويسكر عليها الباب وهي خاااااايفه هالملعون يخرب حياتها
والله يابنات اني اعرفها اكثر من نفسي مهي راعية سوالف ولاتعرف احد وهذا اللي محيرني من هالولد ووش يبي منها وليه يلاحقها اكيد يدري انها تزوجت طيب وش يبي فيها ........؟

فكرت آخذ رقمه وارسل عليه احد يهدده ...فكر آخذ رقمه والمعلومات اللي رسلها لها وابلغ الهيئة او الشرطة عنه بس مدري خايفه ازيد الطين بله وتكبر السالفه .. فكرت اكلم زوجها وافهمه السالفه لان هي خوافه وترتبك وماتعرف تتكلم اذا ارتبكت بس تبكي

والله يابنات مقهووورة عليه تكلمني وتبكي تقول انا خايفه وانا مالي بعد الله غيرك لاتخليني ويشهد الله اني مابخليها بس موعارف وش اسوي اخاف اسوي شي انا اشوفه صح تكبر السالفه وزوجها يدري وتصير مشاكل ...

انا مابيها تكذب على زوجها بأي شي وبنفس الوقت انا وهي خايفين انه يوم يطيح بيده لانه لوطاح بيده ذبحه ورماه للكلاب وفالحالتين هي التعبانه

خايفه عليها من هالخسيس يخرب حياتها او تعيش طول عمرها بالشك

الله يوفقكم يابنات حواء ويعطي كل وحده ماتتمنى وش الحل انصحوني؟

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممم *.*
والله فعلا الغلط انه ما لقيتو حل قبل لا تتزوج الاخت
انا اقول لج انصحيها والحين وبسرعة انه تخبر ريلها بكل شي
وتخبره انه هي خبرت ابوها من قبل وما تصرف بس اخذ جوالها
وان شاء الله ريلها هو بيتصرف
واذا ريلها يبا يتأكد يسأل ابوها
وانتي لا تاخذين رقمه ولا تهددينه ولا شي
( والظاهر انه احد مسلط هالريال على ربيعتج !! والله اعلم ولا شلون بيعرف كل شي عنها )
موفقة

استغفر الله الذي لا اله الا هو الحي القيوم واتوب اليه


__________________________________________________ __________

اكيد احد معطيه معلومات عنها ولا كيف بيعرف
وتاني شي انتي لو تبين تساعدينها خذي رقمه واعطيه الهيئه
وقوليلهم بألسالفه وهم يتصرفوون بالأمر وهي تحاول تقول لزوجها انها ماتعرفه
ومن هألكلام لما يقتنع
لان لو محد تصرف بألامر راح يبقى يلاحقها ويكبر شك زوجها فيها وبكذا تحصل مشاكل
مالها اول ولاتالي
والله يكون بعووونها ويسعدها ويحفظها يارب


__________________________________________________ __________

و الله يا اختي هي مشكلة كبيرة.......الله يلعن هالشب الي نغص عليها حياتها باين انو واحد ما بيستحي...........انا ازعلت عليها كثير.........
ادا فيه طريقة او شخص يمكن يدور على هذا الشاب انتي قلتي انو عطاها كل المعلومات عليه من قبل...اذا لقيتوه هو نفس الشخص و المعلومات صح .....تخلي واح من اخوانها او ابوها يتكلم معاه او يبلغ عليه,,,,عشان الي قاعد يسويه فيه خراب بيوت..........
الله يستر عليها و يحميها و يدوم المحبة بيناتكم


__________________________________________________ __________

والله بالفعل قصتها غريبة يعني حتى بعد ماتزوجت وانتقلت لمكان آخر يلاحقها مدري هو من الانس ولا من الجن لكن مالها إلا الدعاء تسأل الله بصدق وتلح عليه أن يكفيها شر كل ذي شر وأن يهدي زوجها ويصلحه لها فلن ينجيها مماهي فيه إلا الله


__________________________________________________ __________

السلاااام عليكم اختي شوفيييي يعني لو تبين تحسبيها صح الرجاللل يمكن من معاااارفها او احد الحسااااد مسلطه عليهاااا عشان يخرب حياااتها اول شي من غييير يدري زوجها ولا ابوها تعطين الرقم الهيئه من غير ذكر اسمك او انك صديقتها وهم يتصرفون بسريه تاااامه خلاص يقبضون عليه ويشوفون سالفته
اذا مانحلت بهالطريق نجي للثانيه انها تعلم زوجها بكل شي بحظور ابيها لازم ابوها يكون فيه عشان الجو يكون هادي ومقنع وهم بدورهم لازم الاثنييين مع بعض حتى مايتهور زوجها وينهال عليه بالضرب يراقبونه حتى يكفشونه ويودونه اقرب مخفر شرطه ويشفون وش ساالفته وتبان الحقيقه
واعذريني ياختي تفجررر راسي وانا ادور على حل يرضي الطرفين بس مافيه غيرر المواجهه لانه شرررف اذا شك في شرفهااا وش يبقى للبنت
الله يكون بعونها ويصبرها اللهم سدد خطاها واجعل من يريد بها شر ان ترد كيده في نحررره
قاااااااااااااهررررررررني انا لو اشوفه بشارع قطعته اربا اربا (يعنني قوييه )