تعبت من اهل زوجي -لصحتك
عنوان الموضوع : تعبت من اهل زوجي -لصحتك
مقدم من طرف منتديات نساء الجزائر
تعبت من اهل زوجي
راح ابدا على طووول
اهل زوجي ساكنين بعيد عن الرياض ودااايم داااااااايم يجون عندي بالرياض ويطولون بالاخص خاااالتي
هي طيبه بس تجينا وتطول وانا اتضايق ان احد يجيني فبيتي ويطول عندي وفوووق هذا كله يكلموني اخوات زوجي ويقولون ياااا حلو حظك امي طيبه معاك..
بس يابنات اهل زوجي اللي يشوف حركاتهم يقول ماعندهم مستشفيات يعني العذر حقهم حنا بنروح الرياض عندنا موعد
لو يجي اي احد منهم صداع يحجزون ويجون على بيتي وزوجي كثير يتضايق من زيارات اهله الكثيره .. وكمان اذا جاتني خالتي تجلس تعزم كل اللي تعرفهم وتحرجني البيت كله صديقاتها وتقول لزوجي انا اجتماعيه مااعيش من غير ناس ,,
ايش اقول لها هالغثيثه ؟؟
والله انها ماتستحي ولاتقدر مشكلتها كمان ان غرفتي عندها تقولون غرفتها تمون وانا اقفل غرفتي قدامها عشان تفهم بس اول ماادخل الغرفه تدخل وراي وتتميلح كانها ام زوج مثاليه
قولوا لي ايش الحل انا دايم اطنشها بس هي قووويه ومسيطره على عيالها كلهم
وتصلح اللي براسها
والله اني خلاص تعبت نفسيا وجسديا منهم
ابيها تروح من عندي ايش اصلح؟؟؟؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
ياقلبي حاولي لاتتضايقين لانها ماهمها ولا درت عنك فلاتبينين قدامها انك متضايقه ودام زوجك بعدمتضايق خليه يلمحلها انه وده ياخذراحته في بيته او يحاول ياخذاجازه تطلعون وتسافرون وتتمشون لحالكم ووسعي صدرك وانا اختك والله يسعدك
__________________________________________________ __________
الله يكون بعونك يالغلا
حبيبتي ...سايري امورك وحاولي لاتطلع منك الله تجي من ولدهم
لكن انتي لا انتبهي على هالشي
ودامك تقولي مسيطره على عيالها بتغير زوجك من ناحيتك
زي ماتتميلح اتميلحي انتي كمان
وخلي زوجك كل ماحاولوا يجوك يصرفهم مره بتروحوا الشرقيه
ومره صرفي نفسك عند اهلك
واذا جوا البنات معاها اكرفيهم معاك بالبيت مويتستتوا وانتي اللي تشتغلي
والله يكوووووون بعونك
__________________________________________________ __________
اختي الغالية لاتظهري نفسج مضايقه والله تسويلج مشاكل
يلا خليهااا على الله
واستحميلهااا كم يوم ويعدي
وربي يوفقج ويسهل امورج
__________________________________________________ __________
ياقلبي حاسه فيك انا بالمدينه وكل ربعنا بالرياض وصاير بيتي فندق لاي احد ومثلك يجون ويطولون . والكرف لنا انا لمن يجون ويكون في شغاله اعديها بس لمن يجون في وقت تكون الشغاله مو موجوده اكره عمري وادخل الغرفه في الليل عند زوجي وارص ذا الشكاوي . بس عيب تطلع مننا
مالنا الا الصبر وش نسوي الله يكون بعوني وعونك
__________________________________________________ __________
حبيبتي دام انها مو راعية مشاكل عاد تحمليها
كلنا والله نعاني من هالشي
شوفيني انا وربي انهم محاربيني ومحرضين زوجي علي حتى صرت اكرههم ولا اجتمع فيهم اطنشهم رغم اني ماقصرت معهم في شي وفالنهايه انكروني حسبي الله عليهم الله ينصرني فيهم يااااارب
رد مع اقتباس
