عنوان الموضوع : ساعدوني -لصحتك
مقدم من طرف منتديات نساء الجزائر

ساعدوني



السلام عليكم ورحمة الله وبركاته
انا مشكلتي مع اهلي انا متزوجه ليه 7 شهور تعبت من اهلي وتدخلهم بحياتي بكل كبيره وصغيره لدرجة زوجي بدا يزعل اخر مره قلي انا من يوم ماتزوجت مااشوف احد من اهلي تدخل فينا بس اهلك بكل شي يتكلموا كان مالي شخصيه مكن تقولولي شخصيتك ضعيفه بالعكس لا شخصيتي قويه مع كل الناس الا اهلي لانهم امي وابوي مقدر اتكلم من واجبي اقول طيب وبس في بعض الاحيان لما اكون مره معصبه لانهم يكونوا تدخلوا بشي مره خاص واتكلم واقول هاذي حياتي على طول يطردوني من البيت ويجلسوا بالاسابيع مايكلموني مع اني انا بنتهم الوحيده البقيه عيال كانوا امي وابوي يدخلوا باخواني وزوجاتهم بس هاذولا عيال بس انا بنت الرجال مابيصبر دايم لادخلوا بيتي انتقادات بكل شي ويجرحون زوجي انا زوجي مره طيب وحنون مع اني تزوجته زواج تقليدي بس الفتره اللي قبل الزواج تعلقت فيه لحنيته وطيبته وغير كذا اللي محببني فيه حبه لاهله لامه وابوه وخوته واخوانه ابوه لاتعب مايضحك الا معه لانه مرح هو لانزل عند اهله قبل مايروح عند اصحابه يقول لاخواته ها فين اوديكم ويخليهم يرحون يقضون للبيت ولهم يعشيهم بمطاعم وانا اجلس عند عمي وعمتي الين مايجون لانهم كبار بالسن لانه عارف انه اخوانه حالهم حال نفسهم وعيالهم مايطلون على خواتهم يقولولهم نوديكم ولا نجيبكم وهما كبار مدرسات بس لسه ماجاء نصيبهم هذا كله كبره بعيني هذا اللي تامنين على نفسك معه اللي ماله خير باهله ماله خير بغيرهم اهلي من النوع اللي يحبوا المظاهر بشي فضيع قبل زواجي كان بيسويلي ابوي ملكه قتله خليها في البيت عايليه احلىواروق لاتلزم نفسك بمصاريف ماله داعي هذا انا ماني بخيله بالعكس تماما بس انا واقعيه واعرف ظهور اهلي ماابغى اسوي شبكه يتكلموا فيها الناس واظغط اهلي لانه مستحيل بسويها من مهري انا مهري كان 30 وانتوا عارفين الغلا اللي احنا فيه والذهب لوحد كيف غالي ابويه اصر غير يسوي شبكه وشبكه كبيره في قاعه كبيره ودقاقه وبوفيه ماخلا على قلبه كانها زواج صح كانت حلوه بس مصاريف ربي بيعاقبنا عليها المهم بعد الملكه كل ماجاء معه هديه بالشي الفلاني وكل ماجاء ابويه يقولوله مالها داعي فضاوه مايقوله مالها داعي كلفت على نفسك لا من اليوم الثاني القى كل الناس داريين ليه امي تحب تتباهى حتى قبل الملكه نجحت بالثانويه وجاء وجاب هديه واعطاها ابويه انا اخواني كلهم بمكان ثاني اللي موافقين على زواجي ماله الا ابويه يعطيه اياه جبلي ساعه جدا فخمه بعد الزواج شفت الضمان والفاتوره حقتها لقيتها ب 600 اوكيه ولما طلعت نتيجة القدرات برضوا جابلي هديه جوال ان 95 المطور وكل ماجاب شي الناس يدروا عنه وابوي ينتقدة ايش هالذوق مايعجبوه ابويه بطبعه منقور مايعجبه شي وكل الهداياء ماتعجبه انا اخواني ماكانوا موافقين على الزواج لانه هو اسمر شوي مو مره انا مره بيضه انا وواحد من اخواني بس وبقية اخواني كلهم سمر زيه بس مدري ليه يقوله عنه كذا حتى ابويه طلب شوفه مو الرجال يبغاني اشوفه ابويه ماكان مقتنع لانه اسمر حتى ابويه نفس التفكير لما شفته كان مره عادي سماره وانا مع حديث الرسول من ترضون دينه مو من ترضون .... انا كانت مالهوفه على الزواج بالعكس ابغى اكمل دراستي وقبله اتخطبت خمس مرة بس ماوفقت بس هذا كانت سمعته زي المسك والعيب الوحيد بالنسبه لاهلي انه اسمر اما انا عادي واستخرت 15 مره كنت مرتاحه فقلت لابويه اني ماعندي مانع وهذا مو عذر فوافق ابويه وتعرضة لقطيعه من كل اخواني وحريم اخواني يكلموني بالدس عنهم لانهم محبوبه عندهم حتى شبكتي وزواجي ما حظروها الا واحد قبل الشبكة اعتذرلي مرته عرفت تلين دماغه وغير كذا هو الرجال كان عارف بعد الملكه اخواني ليه رافضينه وكان عادي يقول انا همني انتي قبل الزواج بفترة شهر قلي كيف خلصتي قتله ايوه قال محد من اخوانك ساعدك بشي قتله لا وانا مو محتاجه خلاص خلصت بعدها بكم يوم طلع بنك التسليف له دق عليه قلي لانه تاخر عليه المهم قلي يحطونه بحسابي بكره قلي فيه بحسابك ميه قتله ايوه قال ارسيلي ابغاه لانزل الراتب احولها لكي قتله طيب ورحت بحولها عن طريق النت صرخت اول ماشفتي حسابي اعطني نص بنك التسليف 15 الف قال انا عارف انه الدنيا غلا ولاتضحكين انا شباب واعرف السوق واسعاره وحلفني انه محد يدي حتى اهلي قال خليها بينا ولما امي كانت تسالني من فين جبتي الفلوس كنت اقولها من اسهم ربحتها شوفتو هاذي قصتي وذحين بعد الزواج شي طبيعي انه الحاله تضيق شوي مع الزواج وديونه اهلي مو عاجبهم بيتي لادخلوا يقولوا مدري كيف عياشه فيه وهو يسمع يتريقوا على العفش قدامه وامي تدق بالهرج قدامه انه بيت بنت عمي احلى يعني صابر عنهم كثير تخيلوا لدرجت الكوي يدخلوا فيه يقولي جيبي شغاله تكوي وخليه يودي ثيابه الكواي فضيت شغه في العماره اللي ساكن فيها اخويه اللي علاقتي فيه حلوه والشغه غاليه ب 26 وابويه يبغاني اخذها قتله مقدر غاليه علينا اخويه غير راتبه اخويه فوق 15 راتبه يقدر واحنا 6 الاف فرق مقدر جلس يفاصل يقولي ليه فين تودن الراتب ويحسب ويقول هذا بنك وهذا بنك التسليف قتله وكمان جمعيه قال ايش لها داعي الجمعيه تدخل لابعد الحدود وامي لادخلت بيتي برضوا تدخل حتى بالخرجات والدخلات حتى لما بروح لوحده من اهل زوجي تقول مالها هي ماجاتك واذا ماتكلمني وعشان ماادور شقه ومطنشه كلامهم هي جالسه تدولي تكلم بنات خالتي وازواجهم يدورولي ولا كلموني انحرج بجد انا انجيت معهم تعبت سرت دايم اتعب الضغط واخر مره جاني هبوط بالسكر تعبت معهم انا عارفه طولت عليكم بس انا حبيت اقولكم كل شي عشان لما تشورون علي تشوروان وانتم عارفين الموضوع كله دلوني ايش اسوي معهم انا عندي لاكان فيه الحب مايهم اي شي ثاني ماتهمني المظاهر مع انه لما تزوج ولد عمي سوى جمعيه حط 6 الاف بيدي وقال سوي اللي تبغينه من اللي يسويها وزادت معي الفلوس رحت شريت فيها هديه لامه وابوه من دون مايدري وتفاجى لما شفها انا تفكيري غير وهما غير بس دلوني ايش اسوي.

>>>>> ردود الأعضـــــــــــــــــــاء على الموضوع <<<<<
==================================


قولي لا مك لا تدخلين في حياتي انا مستانسه ماتهمني المضاهر واذا كنتي منحرجه اسمعي وسكتي وسوي الي في راسك وقولي لزوجك خلهم يتكلمون انا احبك ومقدرهشعورك وماديتك مارح اهلي يثرون علي بس انا محترمه ابي وامي مابي ارد عليهم اهم شي انا وانت مايكون بينا شي والفلوس ماتهمن الي يهمني انت والدنيا ماتسوي بدونك


__________________________________________________ __________

حبيبتى اى حاجة تدور بينك وبين زوجك حتى ولو مشكلة صغيرة مش لازم تحكى لاهلك وكل ميسئلوكى قوليلهم عايشه حياة كويسة وهادئه لانى انتى كدة هتخسرى جوزك وانتى لسه فى اول السلم موفقة


__________________________________________________ __________

هلا وغلا ..~~


وعليكم السلام والرحمه..~~


كيفك غلاتي ان شاء الله مرتاحه..~~؟؟


.~~

شوفي غلاتي صح اهلك تدخلو بأشياء كثيره ماتعنيهم.. لكن مهما كان عطي فبالك هذولي اهلكــ جنتك وناركــ..~~

بكرا لو لاسمح الله والله لايقوله صارت مشكله بينك وبين زوجك..!! وين بتروحين له؟؟ ومين بتشكين له؟.!!

يعني هم سندك بالحياة.. ومهما كان مالك غنى عنهم.. هم جنتك ونارك..!!! يعني مهما يصير ومهما يصير لااااااااااتدخلين بأي مشكله مع اهلك..!! ماتدرين الايام اللي جايه وش يصير فيها..!!

وفوق هذا .. رضاء الله من رضاء الوالدين..!! يعني لاتزعلينهم لو يحرقونك ...!! لاتزعلين..!!

..~~

اما بالنسبه لانهم يتدخلون بنحاول نشوف حل والله يكون بعونكـ ويقدرني اساعدكـ..~~


شوفي غلاتي حطي فبالك اللي تبين تدورين حل عشان تتعاملين معه هووو(امكــ وابوكــ) يعني مو اي احد.!!

عشان كذا راح نلغي حل المواجهه بالصد..!!! يعني لو غيرهم بقول لك صديهم ولايهمونك..!!
وهذولي مالهم دخل بحياتك..!! لكن هذولي اهلك..!! فصبعه هالحل معهم..!!

مالك الا تستخدمين الحلول الوديه..!!

والتعامل الطيب اللين..!!


وترا ((الكلام اللين يغلب الحق البين)) حطيها براسك واحسبيها صح..!!

شوفي مالك الاتروحين مره ومعك هديه لامكــ.!! بحكم انها اقرب لك من ابوك واذا تشوفين العكس روحي للطرف الثاني..!!

المهم روحي لها ومايكون فيه احد عندها فالبيت.!! وجيبي لها هديه صغيره بس حلوه ..! او مثلا حلى او اي شي..!! وروحي عندها وافتحي معها الحوار..~

..~~

بنحاول نحط نقاط رئيسيه تمشين عليها عشان ان شاء الله يكوون الحوار له نتيجه مو ((سقيم))..!!

_ ابتدئي الحوار معها بألطف الكلمات وارق العبارات وانتي تتكلمين حطي فبالك امك تبيك تكونين احسن الناس مو بس اكبر همها المظاهر..~~
_ خلي بين كل جمله والثانيه امي حبيبتي وياعمري ؛؛استخدمي قاموس الكلام الحلو؛؛..~~
_طبعن فالبدايه كل كلامك بيني لها فيه انك تحبينها وانها لو وش ماسوت ماراح تقولين شي.. وانها لها الفضل بووجودك بعد الله.. وانها تعبت بتربيتك واللحين جا دورك تحنين لها وتكونين لها الام..!!!

اهم شي استخدمي الاسلوب الحلو..~~
_ وانتي تتكلمين لاتخلين عيونك بعيونها.!! لانها راح تاخذ كلامك من باب التحدي ..!!
_تكلمي بإنكسار وسكينه وهدوووء وحيااااااااء وبالغي حبتين واهم شي منزله راسك شوووي وعيونك ع الارض..!!
_حطي فبالك اجواء الحوار لها الدور الكبييييييييييير انها تساعدك او لا..!!
_وبعدها ابدي فهميها انو زوجك يتضايق والا انتي عادي وقولي مهما كان يحق له..!! لو اهله يسوون كذا معي ماتحملت..!!
_حافظي على مسار الحوار واجواءه ومهما تغير المسار حاولي ترجعينه للهدوء والحب والجوي العاطفي بين ام وبنتها..!!
_وحطي براسها انك راح تتقبلين اي شي تقوله لك.!! بس انتي ماعدتي صغيره وكبرتي وصارت لك حياتك..!!
وانك مسؤله من زوج .. واذا تحمل مره او مرتين بكرا بيطفشش منك .!!

..~

ابعدي عن اسلوب المقاطعه والزعل..!! ترا هالشي راح يكون له اثر بنظرةزوجك لك ..! ولو ماكانت اللحين بكرا تبين..!! ومهما كان بيحط فباله انك زعلانه مع اهلك..!!! حاولي تكبرين بعينه.!! وتبينين له انك مو راضيه عن اي شي صاااار ابدا ابداا..!! بس بنفس الوقت امك وماتقدرين تعصينها..!!وهو ان شاء الله انه بيقدر..!!


..~~


الله يهدي اهلكـ ويردهم لصوابهم..~~~

..~~

دعواتي القلبيه لك بالتوفيق والسعاده مع زوجكـــ..~~

اعذريني هذا اللي قدرت اساعدك فيه..! اتمنى يفيدك لو بالقليل..!!~~

..~~
واسفه ع الاطاله..~~


__________________________________________________ __________

يا اختي حاولي انك تفعلي ما قالته الاخت طفوليه وفي نفس الوقت حاولي اذا قال اهلك شئ امام زوجك يغضبه ان تتقربي منه اكثر وتحاولي ان تشعريه انك سعيده معه وانه مش مقصر في شئ
لكن لا تتحدثي معه عن اهلك بشئ سيئ لكن افهميه انهم يفعلون ذلك من باب حبهم لك وانهم يعتقدون ان ساعدتك في ذلك وانك لابد الا تزعليهم لانهم اهلك وحاولي الا يسمع زوجك هذا الكلام كأن تحاولي تغير الموضوع بأي طريقه اذا بدأو في هذا الكلام
وربنا معكي ويسعدك يا رب


__________________________________________________ __________

الله يصبرك يارب