الله يسعدكم احتاج وقفتكم نفسيتي تحطمت الطبيب يجيب
عنوان الموضوع : الله يسعدكم احتاج وقفتكم نفسيتي تحطمت الطبيب يجيب
مقدم من طرف منتديات نساء الجزائر
الله يسعدكم احتاج وقفتكم نفسيتي تحطمت
السلام عليكم ورحمة الله وبركاته
انا قبل شهر دخلت 23 سنه ،
اعاني من سوء الحظ والنصيب بالزواج
تقدم لي من قبل 4 رجال واحد انا رفضته لان مطلق
وانا كنت صغيره والثاني لعدم التوافق الفكري بيننا
لكن بعد مده عرفت ان الرفض حتى جى من قبلهم
يعني من الطرفين ، على كل حال حمدت ربي وشكرته
وقلت ان مو نصيبي ولا رزقي والله يوفقهم ، ويوفقني
بس المشكله يا جماعه ان واحد منهم طول معاي بالنظره الشرعيه
وتكلم معاي بتفاصيل كثيره على اساس انه موافق ومرتاح لي
بس بنص النظره الشرعيه امه قالت لأهلي ان طولوا واحنا نبي نمشي
بصراحه يوم طلعت انصدمت من ردة فعل امه
وعرفت ان الظاهر ماعجبتها وبعد يومين رفضني الولد
يمكن لان امه ماقتنعت فيني ،
عموما خواتي يوم الاثنين بهالاسبوع جاني عريس
ودخلنا نظره شرعيه وطبعا وانا اتناقش معاه
قالي لا تستحين وهذي حياه مستقبليه وانا مرتاح
واشوف فيك كل المواصفات اللي ابيها
قعدت وتكلمت معاه بعفويه وبكل التفاصيل
وهو كان سلسل بالنقاش ويأيدني بكل شي اطلبه وقال ماعنده مانع
عموما بنات اللحين صار لهم يومين ماردوا واليوم ثالث
وانا جالسه على اعصابي
يعني دامه مو مقتنع فيني ليش يطول معاي
وبالنهايه يجرح شعوري
دام ماعجبته يقدر يصرفني بعد ربع ساعه
اما يطول معاي ويعطيني امل وكلام بالمقابله
وبعدين انصدم بالرفض ؟؟
حتى اهلي يسألوني وشصار معك بالمقابله
ويوم قلت لهم كلامه قالوا لا خير ان شاء الله ، الله يوفقك
والله صرت انحرج من اهلي كم واحد رفضني
برغم ان شكلي مقبول ، وكل من حولي تزوجوا
والله نفسيتي تحطمت وفقدت ثقتي بنفسي ،
من امس وانا ابكي لان وربي من كلامه معي
وهو مرتاح ويقولي مابيك تلبسين كذا وكذا
حسسني بموافقته والى اليوم ماردوا خبر
اختي تقول يمكن اليوم يردون او يسألون
بس من تجربتي السابقه فقدت الامل وكرهت شكلي ونفسي
احس ان مالي حظ بهالدنيا كل شي اتمناه ماحصل عليه
برغم ان اصلي واقرأ قرآن وادعيه واتقرب من ربي
ومقتنعه بنصيبي ورزقي لكن تعرفون احس ان القطار بدأ يفوتني
واحس ان بصير عانس لان كذا بنت بالعائله للحين ماتزوجت
رفضهم المتكرر لي سبب لي عقده نفسيه وحطمني بالقوه
بنات تكفون ادري راح تقولون اذا لك نصيب بتاخذينه
بس اتمنى تحسون فيني يعني تدخلون نظره شرعيه
والرجال مايخليك تقومين ويقولك قعدي ومن نبرته يحسسك بموافقته
وبعدين يكشت فيك ،
رجاء مابي وحده تقول مو غصب يقبلون فيك وبشكلك
انا ماجبرتهم بس مو من حقه يجلسني ويطول معي
حسسني اني لعبه ولا سلعه يقضي وقته معي او جاي يلعب
على كل حال مابي اطول واسفه على الاطالة لكن ردوا علي لو بكلمه ...
تخفف علي ضيقتي وادعوا لي بالفرج
وادعوا يمكن اليوم يردون والله يحقق مرادي
والله العظيم بنات ضايقه فيني الدنيا
احس الابواب مسدده بوجهي ومالي حظ
والله لا يحرمكم الاجر ويوفق كل محرومه ويرزقها
كما تنبغي ويحقق مرادها ،
نسألكم الدعاء ، محتاجه دعائكم تكفون بنات
>>>>> ردود الأعضـــــــــــــــــــاء على الموضوع <<<<<
==================================
اسأل الله ان يوفقك باللي يسعدك
اختي النظره الشرعيه معروف انه ماطول فيها يعني اهم شي يشوفك انك بعافيه مايحتاج يدخل معك بتفاصيل
اتمنى لك التوفيق ورديلنا عنك خبر ياعسل
__________________________________________________ __________
حبيبتي لساعك صغيرة مومهم اذا ماتزوجتي الحين المهم انك تتزوجي الرجل المناسيب لك واللي يسعدك يمكن مافيهم خير لك انتي حصني نفسك واول ما جيك خاطب استخيري الله قبل الشوفة الشرعية ولا تتسرعين قومي الليل وادعي ربي بانه يجيبل اللي يسعدك ويفرح قلبك عاجل غير اجل يارب
__________________________________________________ __________
أميره بدنيتي ،
إحنا يختلف عنكم أنا بالبحرين
والنظره الشرعيه مو بس شوفه
الا بعد تحاور ونقاش ببعض التفاصيل
وعموما مشكوره يالغلا على مرورك
ربي يسعدك ، واذا جانا خبر طيب
ابشركم بأذن الله ، لا تنسينا من دعائك
__________________________________________________ __________
اختي جيجي ،
مشكوره على مرورك ووقفتك هنا
من جد أسعدني كلامك ، وطلتك
الله يكتب اللي فيه الخير
بس والله نفسيتي بالنازل والله كريم فديتك
__________________________________________________ __________
حاسه فيك والله يعينك
وش تقول اللي اكبر منك بكثير ومحد دق بابهم وش تقووووول
الله يرزقنا الزوج الصالح
رد مع اقتباس
