عنوان الموضوع : أنا محتارة ومحتاجة تساعدوني برأيكم.. الطبيب يجيب
مقدم من طرف منتديات نساء الجزائر

أنا محتارة ومحتاجة تساعدوني برأيكم..



السلام عليكم..
أنا عمري 21 سنه ونصف ..أنا من اسرة متدينة .. تقدم لي شاب متدين يشهد له مشايخنا أنه صاحب خلق ودين.. ويكبرني بسنه أو أقل .. تقدم ووافقنا في البداية ورأيته .. وحسيته عادي بالنسبه ليا .. المهم..
أسرتي مستواها المادي مرتفع.. وهو ,, والدته قالت في البداية أن عنده أرض ملكه سوف يبني عليها بيت(شقة) .. وبعدين وهم مع والدي عرف إن الارض دي ممكن يكون لأخواته فيها وبالتالي ممكن أضطر إني أسكن في الارضي على طول وهذا أمر غير طيب .. ووالدي حيران مش عارف يقوله ان البيت ميكنش لاخواته فيه حاجة ..طبعا ده مش من حقنا ..ولا يقوله أنه يبني الارضي ويسيبه ويجهز الدور الاول عوي وغالبا هو مش هيكون معاه مصاريف تكفي ,, ولا نقبل وخلاص خاصة أن مامته كانت قالت أن هي قالتله خد الارض تنفعك انت وأولادك ..ياترى نكلمهم في الموضوع ده عادي ولا مينفعش.. خاصة ان والدي اهم حاجة عنده انا في المستقبل..

أنا بصراحة بعد ما والدي طرح المشكلة دي متضايقة وقلقانه جدا .. خاصة أنه مش عاوز يقول رأيه وينفذه عشان منجيش في يوم ونلومه..

أنا قلقانه ومتردده.. الرسول قال إذا جاءكم من ترضون دينه وخلقه .. وهو كده بشهادة المشايخ .. كمان هو مش فقير ياعني حاله متوسط يكفينا جدا احنا الاتنين ولالرزاق بيد الله .. عشان كده أنا خايفة أفض الموضوع وأكون كده باعترض على قدر الله أو بتبطر زي ما بيقولوا .. وربنا يرزقني بعد كدة بشخص معندهوش أخلاق ولا مبيصليش أو غير كده من الحاجات اللي بنسمع عنها.

أنا مش عارفه وخايفة أقول لوالدي مش مشكله أن الشقه تكون في الارضي واتحمل انما مسؤليه القرار ده وبعدين اندم..

آسفه طولت عليكم بس انا فعلا حيرانه وده قرار مصيري ..وأنا مش ناويه اني ممكن اسيبه طالما حنعمل خطوبه يبقى ان شاء الله هكمل..

فرايكم أوافق عليه واتغاضى عن حكاية الشقة دي طالما انه عنده اخلاق ودين وكمان هيوفر لي بيت زي الناس كلها مش هيكون أقل غير انه في منطقه مش راقية شويه(ممكن تحسب عشوائية ..مش عارفة) وفي الدور الارضي..
ارجوكم قولولي رايكم انا تعبت من التفكير وامي نفسها تفرح بيا انا شايفه في عيونها كدة ووالدي كمان بس هو عايزلي افضل حاجة مش عايز حد افضل مني.. وده أكيد مش هيكون لان مفيش حد كامل..

أنا على فكره بصلي استخاره من أول ما الموضوع بدا من العشر الاواخر من رمضان وبدعي ربنا..
بس مع ذلك حيرانه ومحتاجه رأيكم لا تبخلوا علي.

وفي مشكله كمان ان الفترة من الخطوبه للزواج سنتين... ودي كتير بالنسبه للي والدي كان ناويه .. وهتكون مثلا سنه خطوبه مش هشوفه ولا هيشوفني ولا هكلمة .. وبعد سنه نكتب الكتاب وبمكن بعد اكتر من سنه مش عارفة..انتوا ايه رايكم .
هل اوافق طالما هو كويس رغم الحاجات اللي انا بقولها
وهل أصلا الحاجات دي اتغاضى عنها ومش مهمه ولا مهمه

،ا محتجاكو بجانبي أنا حيرانه.. وكمان أنا حاسه أن مامته بتحبني أوي وحريثه عليه أنها تاخدني وهي على فكره عرفاني من المسجد وأعتقد أنه كمان حريص عليه رغم انه ميعرفنيش ومشافنيش غير وقت ضغير ؟

ردوا عليا .. وانا آسفه طولت جدا عليكم .. لكن رأيكم يفرق معايا كتير

>>>>> ردود الأعضـــــــــــــــــــاء على الموضوع <<<<<
==================================


اختي الغالية برايي المهم يكون صاحب اخلاق ودين

ولباقي مومهم المهم الواحد يعيش سعيد بحياته

والله يسعدك ويخترلك الخير

تقبلي مروري اختي الطيبة


__________________________________________________ __________

للرفع،،،،،،،،،،،


__________________________________________________ __________

الله ييسر اللي في الخير ويقدمه


__________________________________________________ __________


__________________________________________________ __________