عنوان الموضوع : احب رجل متزوج اثنتين واكبر من بـ 18 سنه -تم الاجابة
مقدم من طرف منتديات نساء الجزائر

احب رجل متزوج اثنتين واكبر من بـ 18 سنه



خواتي السلام عليكم ورحمة الله وبركاته

بسم الله الرحمن الرحيم

ماعرف من وين ابتدي حديثي .. بس انا بقولكم قصة حياتي اللي بصراحه اعجب من الخيال

انا فتاه عمري 24 سنه متعلمه وموظفه وعلى قدر من الجمال

ف البدايه تزوجت وانا عمري 19 سنه من شاب يقرب لي من بعيد اكبر مني بـ 6 سنوات ولكن انا من داخلي ماكنت مقتنعه فيه ولا مالي عيني وتزوجته بس لرضا ابوي واعمامي لانه شافوا فيه الزوج الصالح لي وانا قلت لهم بعد ماقعدت معاه وشفته انا هذا الرجال ماحبيته ولا ابيه

قالوا لي الحب يجي من بعد الزواج والعشره وانا غصب عني وافقت ورضيت

المهم صار الزواج وياليته ماصار .. بعد اسبوع واحد من زواجي بدت المشاكل وكانت اكثر المشاكل اللي تصير لي مع زوجي بسبب الشغل والراتب

وبعد فتره انا زهقت ومليت من المجامله والكذب على زوجي بأني احبه وهذا الشي ماصار لاحبيته ولا كنت ابيه ولاكنت احس معاه بالزواج ولذته ومتعته زهقت مليت من الخداع والوهم اللي احطه فيه واحط نفسي فيه زهقت من الكذب عليه بأني احبه ومليت من اني اكذب على نفسي واوهم نفسي بالسعاده

ومرت ست شهور من زواجنا على هذا الحال كل اخر شهر وقت نزول الراتب تصير مشاكل واوصلت الى انه يمد ايه علي ويضربني قدام امه وزوجة اخوه وخواته وتشويه وجهي وملامحي واكثر ضربه كان على الوجه

المهم استمرت حياتي في عذاب لمدة 3 سنوات وبعدها فاض الكيل وخلعته لانه رفض يطلقني والحمد لله ربي خلصني منه

اللحين نجي لموضوعي المهم

انا قابلت رجال بالدوام وهو شغال معاي اكبر من بـ 18 سنه ومتزوج حرمتين .. وبصراحه انا في هاذي الفتره كنت امر في حاله نفسيه غير مستقره وهو كان وايد يوقف بجنبي ويساعدني ويشور علي وينصحني وقلت له سالفتي كلها وعرض علي الزواج

طبعا انتم بتستغربون مني لما اقولكم انه رجال كبير بهالعمر ومتزوج ثنتين انا شلون ممكن افكر اني ارتبط فيه

انا بعمري مافكرت اني اتزوج من رجال متزوج وكبير بالسن لكن حبيته من قلبي ولقيت فيه الرجال المسؤول القادر القوي الحنون الوافي والصادق هاذي الصفات كلها لقيتها فيه والاهم من هاي كله الاحترام والتقدير اللي يجيني منه هاي كله حببني فيه بغض النظر عن الشكل هو عادي جداً لكن بعيني اشوفه كامل والكمال لله ووضعه المادي الحمد لله مستور

انا طبعا صارحت امي وجدتي وعماتي بموضوع الرجال هذا ... ف البدايه لقيت معارضه قويه من جدتي خاصه امي قلبها على قلبي وتقول اللي ترتاحين له سويه وعماتي نفس امي اذا انا موافقه هم موافقين

لكن اللحين باقي ابوي واعمامي مايدرون عن شي والرجال يبي يجي يطلب ايدي وماعرف ابوي ايش بيكون راييه اخاف يتقدم الرجال وابوي يرفضه واسبب له احراج كبير واخاف افاتح ابوي ف الموضوع حاليا وياخذ عني فكره وممكن انه يمنعني من العمل والخروج من البيت

ماادري ياخواتي انا محتاره وايد

ابي منكم النصيحه ارشدوني

ولكم مني دعوه في ظهر الغيب

>>>>> ردود الأعضـــــــــــــــــــاء على الموضوع <<<<<
==================================


انا نفس كلام امج يالغلا اذا انتي مرتاحه وموافقه وش لج في راي الكل..هذا من باب اللي بيخلي مسؤوليته طبعا عشان بعدين ماترجعين وتقولين انتم السبب مثل المره الاولى..اسفه لاني صريحه..امج وعماتج كنهم يقولون بالطقاق حياتج وعيشيها باللي يريضيج..ياحبيبتي خلي اللي يتكلم مجنون اللي يستمع عاقل..اسفه مره ثانيه..بس لازم اكون وياج صريحه دامج طلبتي مني اعطيج رايي..ياغلاهم انتي اول مره مريتي بتجربه يفترض تخليج واعيه اكثر للمرات الجايات ولا تكونين متسرعه عند اول رجال عطاج شويت اهتمام رحتي بخرايطها..الرجال بطبعهم مكارين نصييييييحه مو بعيد يكون استغل ظروفج وصار يمثل انه الحمل الوديع وبعد ما تصيرين ملكه يطلع لج الوجه الثاني...ياكثر منو عايش بهالطريقه..لو فيه خير كان وفى لزوجته الاولى...صدقييييني اللي يعدد مايحب الا نفسه...لو فيه خير كان بين مع اول زوجه تزوجها..لاتتسرعين وترجعين تندمين..ترى ممكن يتقدم وابوج راح يكون رده مثل غيره سلبي بيقول بالطقاق وانا شكو اختيارها وخليها تجرب بنفسها..والله حرام..من رايي تتروين شوي لاتستعجلين..انتي مو بحاجته ولا حاجة غيره انتي تصرفين على نفسج بذمتج هو شنو سوالج؟؟؟خليج صريحه مع نفسج قبل اي احد..عطاج من الرخيص واايد صح؟؟مجرد كلام وحركات لعب عليج فيها...انتي فرصه بالنسبه له..اصغر منه ولا عندج اولاد..والاهم عندج راتب تصرفين على نفسج..يعني وناسه وبدون تكليف..اقسم بالله اتكلم وانا قلبي محترق عليج....اصحييييي ترى ماسوالج شي انتي كنتي تمرين بازمه نفسيه للظروف اللي مريتي فيها وهو استغل هالشي..لو اي رجال غيره سوى اللي سواه كنتي راح تميلين له لانج بالمختصر المفيد كنتي محتاجه تحسين انج الى الان بنت مرغوب فيها وان فيه رجال خاطره يرتبط فيج...اقسم بالله كلمتج مثل اي وحده من خواتي الصجيات..واني خايفه عليج..لاتصيرين سهله وتسمحين لاي رجل يستغلج لامن قريب ولا بعيد..انتي تستاهلين فرصه احسن من هالفرصه اوما رجال شايب لا وبعد عنده حرمتين..انتي صاحيه؟؟انتي بوعيج؟؟انتي وين بتكونين بينهم؟؟؟يابنتي هذا اناني وراح يبهذلج اكثر من الاولاني وانتي حررره بكييييفج عقلج براسج تعرفين خلاااااصج...وقبل كل شي عشان مانظلمه استخيري...ترى زمانا من جد يخوف..وانتي مو ناقصه ضربه ثانيه براسج..موفقه وربي ان شاء الله يرزقج من واسع رزقه.


__________________________________________________ __________

بصى حبيبتى احنا كلنا هنا اخوات ننصح بعض هذه نصيحه من اختك لك ف الله اذا اقتنعتى بها فالحمد والشكر لله اول شئ انه متزوج اتنين وانتى راح تكونى الثالثه انتى عارفه ايش لون تكونى الثالثه يعنى ممكن بعد ما تتزوجيه يكون بعديكى واحده رابعه هذا الرجال ما بيحب هو يحب يتزوج ويعدد ف الزوجات
تانى شى انتى حسيتى منه الحنيه اللى انتى مفتقداها ف البيت حسيتى فيه حنيه الاب والاخ يعنى انا اعتقد واسفه ع هالكلمه انك مو قريبه من ابوك واخواتك ما تحكى وتسولفى معهم عشان هيك انتى حسيتيها ف هالرجالاللى يمثل عليك الحنيه هذا الرجال لو حنين وفيه الخير كان دام مع زوجته الاولى وما اتزوج عليها اصبرى يا اختى لا تضيعى نفسك للمره التانيه وربنا يرزقك بالزوج الصالح اللهم اميييين


__________________________________________________ __________

الله يكتب لك اللي فيه الخير ان شاء الله


__________________________________________________ __________

المشاركة الأصلية كتبت بواسطة « حـرgف من الرgحـ »
انا نفس كلام امج يالغلا اذا انتي مرتاحه وموافقه وش لج في راي الكل..هذا من باب اللي بيخلي مسؤوليته طبعا عشان بعدين ماترجعين وتقولين انتم السبب مثل المره الاولى..اسفه لاني صريحه..امج وعماتج كنهم يقولون بالطقاق حياتج وعيشيها باللي يريضيج..ياحبيبتي خلي اللي يتكلم مجنون اللي يستمع عاقل..اسفه مره ثانيه..بس لازم اكون وياج صريحه دامج طلبتي مني اعطيج رايي..ياغلاهم انتي اول مره مريتي بتجربه يفترض تخليج واعيه اكثر للمرات الجايات ولا تكونين متسرعه عند اول رجال عطاج شويت اهتمام رحتي بخرايطها..الرجال بطبعهم مكارين نصييييييحه مو بعيد يكون استغل ظروفج وصار يمثل انه الحمل الوديع وبعد ما تصيرين ملكه يطلع لج الوجه الثاني...ياكثر منو عايش بهالطريقه..لو فيه خير كان وفى لزوجته الاولى...صدقييييني اللي يعدد مايحب الا نفسه...لو فيه خير كان بين مع اول زوجه تزوجها..لاتتسرعين وترجعين تندمين..ترى ممكن يتقدم وابوج راح يكون رده مثل غيره سلبي بيقول بالطقاق وانا شكو اختيارها وخليها تجرب بنفسها..والله حرام..من رايي تتروين شوي لاتستعجلين..انتي مو بحاجته ولا حاجة غيره انتي تصرفين على نفسج بذمتج هو شنو سوالج؟؟؟خليج صريحه مع نفسج قبل اي احد..عطاج من الرخيص واايد صح؟؟مجرد كلام وحركات لعب عليج فيها...انتي فرصه بالنسبه له..اصغر منه ولا عندج اولاد..والاهم عندج راتب تصرفين على نفسج..يعني وناسه وبدون تكليف..اقسم بالله اتكلم وانا قلبي محترق عليج....اصحييييي ترى ماسوالج شي انتي كنتي تمرين بازمه نفسيه للظروف اللي مريتي فيها وهو استغل هالشي..لو اي رجال غيره سوى اللي سواه كنتي راح تميلين له لانج بالمختصر المفيد كنتي محتاجه تحسين انج الى الان بنت مرغوب فيها وان فيه رجال خاطره يرتبط فيج...اقسم بالله كلمتج مثل اي وحده من خواتي الصجيات..واني خايفه عليج..لاتصيرين سهله وتسمحين لاي رجل يستغلج لامن قريب ولا بعيد..انتي تستاهلين فرصه احسن من هالفرصه اوما رجال شايب لا وبعد عنده حرمتين..انتي صاحيه؟؟انتي بوعيج؟؟انتي وين بتكونين بينهم؟؟؟يابنتي هذا اناني وراح يبهذلج اكثر من الاولاني وانتي حررره بكييييفج عقلج براسج تعرفين خلاااااصج...وقبل كل شي عشان مانظلمه استخيري...ترى زمانا من جد يخوف..وانتي مو ناقصه ضربه ثانيه براسج..موفقه وربي ان شاء الله يرزقج من واسع رزقه.

الله الله عليج يالغاليه حروف
ماخليتي شيء بنفسي اقوله وماقلتيه
من اول ماعرضت المشكله وانا نفسي اكون اول من يجاوب ولكن راسي مصدع بعيد عنكم ومريضه وكان نفسي اقول حاجات كثيره
ولكن انت الان ماخليتي شيىء بنفسي اقوله الا وقلتيه
كأني كنت املي عليج وأنت تكتبين
الله يسعدك ياعمري

وانت يالغاليه صاحبة المشكله
خبطتين بالراس توجع
ترى انت مو ناقصه مصيبه ثانيه
ولايلدغ المؤمن من جحر مرتين

دعواتي لك يالغاليه

تحياتي وتقديري


__________________________________________________ __________

يعني تبي تصيري الزوجه 3

اختي الغالية فكري زين وسوي بالج فارق السن

واحسن شئ تصلي استخااارة

وربي يوفقج بحياتج