عنوان الموضوع : من بداية زواجي ما تهنيت الطبيب يجيب
مقدم من طرف منتديات نساء الجزائر

من بداية زواجي ما تهنيت



السلام عليكم ورحمة الله وبركاته

بنات انا متزوجة وكم شهر وأدخل السنة الرابعه من زواجي
مشكلتي اني من بداية زواجي ما تهنيت
أنا متزوجة أخو زوجت أخوي صار ضروف لاخوي وسافر فترة طويلة وزوجتة الا هي حماتي جلست بالبيت أهلها يسمعون كلمتها وزوجي أصغر من خواته ولا عندة أخوان غير واحد يعني جمعته وسوالفه كل في بيت بنات
طبعا كانت حتى في ايام الخطوبة توصية بطرق مباشرة وغير مباشرة ,, أنا من النوع اللي بيني وبية يفضل بينا إذا انا قلت لاهلي اشوفها صح من باب انهم ينصحوني وهم ما يختلطوا باحد واذا حدا امنهم كلام ما ينشروه وما امن باهله لانهم العكس مو كلام حتى بتهم مرت اخوي تقول عليهم كذا

أنا لو بقول التفاصيل ما بخلص,,, باختصار
تزوجت من ثالث يوم أو من الاسبوع الاول بدت مشاكلي معهم وحياتي مقلوبة 100 درجة حتى مع زوجي وطبعا للامانه أنا كنت حاسة اني داخلة دنيا ثانية مااعرف شيء وحتى لو اهلي نصحوني ما كنت افهم أي شيء يصدر من اهل زوجي حتى لو بسيط انا اتحسس منه
حملت من بعد دورة وحدة من زواجي وسقط وهم الثاني والثالث لان نفسيتي كانت مرة ضايقة
شوي شوي بعد زواجنا في السنة الثانية حجيت وطلبت من الله يعدل الاحوال ويزوج حماواتي اللي حاطين حرتهم فيني
والله استجاب دعاءي بمجرد وصولي البلد انخطبت الاولى وبعدها الثانية والثالثة وانا حملت
الحمد لله حتى لو فية مشاكل مو مثل اول

اللي ابي اقولة ان كل شيء تعدل وصارت حياتي بفضل الله تمااام بس مشكلتي اني مو قادرة انسى اللي صار لي في بداية زواجي واتحسف لمرور سنتين لم القى الحياة الرومانسية فيهم أعامل زوجي وأهلة بكل خير وأحبهم وأسويلهم اي شيء يطلبوة منى
بس اذا جلست لحالي اتحسف على ذيك الايام الا سووولي تكلموا على طلعتي وهم احين يطلعوا
تكلموا على شكل لبسي واحين هم يلبسوا يعني كل شيء انتقدوني فية وشوهووة في عين زوجي هم احين يسووو لازواجهم وما خذيني قدوة في كل تصرفاتي
والله ينحرق قلبي انا ما ابقى اتعب نفسي وافكر وكل مرة احاول انسى ما اقدر واهلي يقولون لي لاتنسي الا صار لانج بترجعين للي صار
مو عارفه اهلي يقولون لا تعطيهم وجه ولا تنسي اللي سوالج
وانا مرات ما اطيعهم واعاملهم زيين ولا صار موقف مو زين منهم اتحسف قد شعر راسي وهذا كله من حماتي مرت اخوي وأنا جلست معاها وقلت الها على اللي بيصيربسببها وانا ما تبليتها زوجها بعيد عنها وملت فراغها بي انا حتى كلمتها تتركنا بحالنا والله يوم اللي تشوف وحده من خواتها تعملي موقف مو زين تكون جنبها ما تسكتها ولا تقول لها شيء تدخلت في طلعتنا من اول شهر من زواجنا طلعت معنا المطعم واي مكان اروحه زوجي لازم يطلعها ويانا والا عيالها اكثر طلعاتنا بهم


وللحين كذا بنكمل الثلاث سنين لازو يطلعون والا اذا طلعت لحالي ينكد علي ويخليني اتحسف على طلعتي ... من فترة قصيرة طلعهم معاي واحنا بالسيارة اتصل اخوي علية وقالة جب العيال بنطلع انا وامهم والله قال لاخوي ليش تاخذهم اخذ راحتك مع زوجتك استانسوا وسسو رومانسية لحالكم ,,, اهنية انا انقهرت من تزوجت واهم معي وانصحه واعلمة متى برتاح اذا هم احين معنا ما في فايدة ..عندة خوات خير الله بس ما يحب ويسمع كلام الا هاي اختة
احين زي ما قلت اوضاعي كلها اوكي حتى هي مرت اخوي خفت مو مثل اول,,, بس اني مو قاادرة انسى افضل ايام حياتي اللي صارت اتعس شي



شرايكم انتوا ,,, انا ما كتبت شو اللي صار معاي والمواقف اللي كانوا يعملوها لاني بمللكم بس حبيت اعطيكم نبذة وتنصحوني

صراحه انا اذا صارت مشكلة بيني وبين زوجي او اهلة ما ابي اقول لاهلي اهم ينصحوني بس ياخذوا على خاطرهم من اللي يزعلني ايا كان

واذا احد كدرني شلون افرق همي
وشلووووون انسى اللي صااااار لي

>>>>> ردود الأعضـــــــــــــــــــاء على الموضوع <<<<<
==================================


الله يعينك ويوفقك في حياتك

اصبري
وان شاء الله بعد الصبر فرج


__________________________________________________ __________

الله يصبرك يا اختي والله انا رايي خليكي معاهم رسمي و حاولي تنسين يعني لاتكوني زيي انا صارلي 10 سنين وماعم بقدر انسى اللي انعمل فيني حبيبتي هذي نصيحة انا ماقدرت اعملها بس اذا عملتيها ترتاحين كل واحد عايش بالطريقة اللي تريحه حاولي تنسين وتعيشي بسعادة لما يضايقوك هم بعد شوي يرجعو طبيعي بس انتي اللي تنحري حاولي تنسي وتطنشي قدماتقدري عشان هم مايفرحون انهم حروكي و زوجك حاولي تفهميه انك تحبين تكونو لحالكم لما تطلعون يعني بدون ولاد اخوكي او اختو الله يوفقج


__________________________________________________ __________

بصراحه عادي وقولي الحمدالله جرتنا عاشت مع زوجها واهله كأنه عبده لهم الى الان
تخيل حتى اكبرو عيالها وهم يعاملونه مثل الشغاله كرف لهم واذا قلت شي قالو عيالك
وتشتغلي لهم انسي والله معاك


__________________________________________________ __________

الله يعينك يااختي واضح من كلامك ان زوجك ضعيف الشخصية
اسمحيلي لا تزعلين
وان رائي اهله اهم من رايك
للاسف احيانا انا اعاني من هذه المشكله مع زوجي واهله
لكن يمكن السكنى مع اهل زوجك زاد الطين بله
حبيبتي ماادري وش اقولك
حاولي تتفاهمين مع زوجك ,يوم من الايام سوي عشاء رومانسي والبسي احلى ماعندك
وفهميه وجهت نظرك قولي الي بقلبك
طبعا باسلوب بحيث مايسبب مشاكل للجميع
حاولي تشغلين نفسك مثلا ادرسي , شوفي وظيفه , ادخلي دور تحفيظ قران اذا كان متواجد في منطقتك
ولاتنسين تدعين ربك فباب رحمته موجود ومفتوح دائما
ودايم قولي بينك وبين نفسك انا احسن من غيري
واحمدي ربك على نعمة الصحه والعافيه
ان شاء الله اكون ساعدتك
تحياتي


__________________________________________________ __________

الله يعينك اختي بس لا تنسي ان الله مع الصابرين
وانسي السنوات االلي طافت
وعيشي حياتك من جديد وحاولي تفهمي زوجك بكل الاحوال