عنوان الموضوع : اصبحت كالخادمة -تم الاجابة
مقدم من طرف منتديات نساء الجزائر

اصبحت كالخادمة



بسم الله الرحمن الرحيم
صباح\مساء الخيرات.....
خواااتي انا متضايقة جدا جدا والسبب اهل زوجي ليش اهل الزوج في الغالب يكونون متحاملين ع زوجة ولدهم حتى لو كانت طيبة ويضايقونها ويجرحونها بالكلام ويحرضون زوجها عليها ويجن جنونهم اذا شافوها هي وزوجها متفاهمين ويحبون بعض انا بالنسبه لي ورب البيت اني طيبه ولاهو مدح لنفسي ومن اول زواجي وانا حاطه في بالي شغلة وحده وهي اني اكسب اهل زوجي سمعت كلام ودق وجرح منهم وكنت صابرة واقول في نفسي يابنت الحلال اصبري بكرة احلى ومايندرى وش بيصر بكرة واسلي نفسي بهالكلام وصرت مستقدمة مو زوجه واقول بنفسي دام الاوضاع هادية يا بنت اصبري واحتسبي اجر الكرف وعشان زوجي كل شي يهون وصدق اني كنت من اغبى الكائنات ومالت علي حيطة كنت قايمه ببيت العايلة لوحدي ومااشتكي مع ان خوات زوجي موجودات بس كنت استحي أأمرهن بشي اصلا انا بتصرفي هذا ماعملت لنفسي قدر وسويت من نفسي خادمة بدون راتب وفي شهر رمضان حدث ولاحرج اقسم بالله شي ماتصدقونه المهم عدت الشهور ومن اتفه مشكله قاموا كلهم علي وصار كل شي فوق راسي نسوا كل شي قدمته لهم لاواحد وقف جنبي ياجعلي ما احتاج لهم يااارب وأخته تقول لزوجي هذي مافيها فايده ماتجيب عيال ودها اقرب زبالة احسن لك
وتخيلو الاسبوع اللي فات اخت زوجي عزمت صديقتها المهم لما راحت جت عند زوجي وقاعده تقوله ان صديقتهامعجبه فيه وتحلف وتقول ان لو كان عنده ثلاث زوجات وتقدم لها ماتتردد ابد ع الموافقه وكلام كثير يجرح اقسم بالله ان ابكي وادعي عليها بيخربون بيتي وبيتسببون بطلاقي انا ماانكر ان زوجي طيب بس من النوع اللي يسمع كلام اخواته والله انه ع كثر مايجرحوني عمري ماجرحتهم بكلمةيمكن اعصب واهاوش بس والله مااجرحت احد فيهم لان الجرح يبقى بالقلب
أمااانة معكم أمانه تحطون انفسكم مكاني وتشوف كل وحدة كيف تتصرف وطلبتكم مابي مشاهدات كثيرة ومافيه ولارد والله يفتح لكم ابواب الرزق والسعادة ويحفظكم,,,,,

>>>>> ردود الأعضـــــــــــــــــــاء على الموضوع <<<<<
==================================


اول شي السلام عليكم اختي انتي موجره بكل شي صار وثاني شي انتي نفسي بالضبط 11سنه وانا مع اهل زوجي نفس معانتك والله والله اطيب مني مافيه وجيتهم وانا صغيره قسم بالله صبرت صبر محد يصبره بس بعد 11سنه الله افرجلي وطلعت بيت لوحدي ومالي اسبوع طالعه بس وشو الحين صرت عندهم انا الغاليه اختي اتمنى ان اتعرف عليك وانتي باي منطقه وانشالله اكون لك الاخت وراح اسمعلك والله يوفقك وياخذ حقك من اهل زوجك عليك بالدعاء اخر اليل والله ماراح يخيب ضنك انشالله ارجع واقولك اتمنى ان اتعرف عليك احسك نفسي وطيبه مثلي


__________________________________________________ __________

والله ما اعرف شنو اقولك غير الله ايعينك يارب
الله ايحنن قلب زوجك عليك


__________________________________________________ __________

لاحول ولاقوة الابالله الله يفرج همك


__________________________________________________ __________

الله يعينك ويعاونك يارب ..مشاكل اهل الزوج ماتنتهي الافضل اذا عندكم امكانيه تطلعوا لحالكم وساعتها بتصيري الغاليه زي ماقالت اختنا الي فوق
واذا مافي امكانيه مالك الا الصبر والدعاء لله وكله مكتوب عنده سبحانه وتعالى وبالنسبه لاخت زوجك لاتسكتي ع كلامها حتى ماتتمادى اكثر..يعني حسسيها ان الموضوع ضايقك وشوفي ش بتسوي ..
الله يفرجها عليك وتغمضي عين وتفتحيها تلاقي حالك صرتي ببيت لوحدك متهنيه..
اميييييييييييييين يارب العالمين


__________________________________________________ __________

والله ماأدري ايش اقولك بس اعرفي شئ واحد وتأكدي منه ان الي عندالله مايضيع ابد
الله يحنن قلب زوجك عليك ويجعلك قرة عين له
ولاتنسي الدعاء في الثلث الاخير من الليل وادعي ان الله يكفيك شر كل من اراد بك السوء
الله يفرجها عليك وحاولي تكسبي زوجك في صفك بحبك واهتمامك له