عنوان الموضوع : وش الحل اوافق او ارفض احترت الطبيب يجيب
مقدم من طرف منتديات نساء الجزائر

وش الحل اوافق او ارفض احترت



السلام عليكم


مشكلتي هي تكمن في وضعي بالمنزل


انا ابوي مريض يعني شبة معاق

وامي مريضه وراعيه مرض يعني كل يوم يوجعها شي << دعواتكم لها

ومرضها له فيها 10 سنوات

وبيتنا صار مفقتد للمسؤليه بعد طيحة ابوي

وصارت امي هي اللي تقوم فيه رغم مرضها

لين صرت اشوف بعيوني امي تذبل كل يوم


الخلاصه

انا عمري 27 تقدم لي شخص مناسب وموافق على كافه شروطي

هل اوافق عليه واعيش حياتي وافتك من العيشة اللي انا فيها


او اجلس مع امي واصير لها السند والعضيد

لاني فكرت بالعقل لو اتزوج من بيعاون امي على اخواني اللي كلهم شباب

وبعضهم مراهقين ولازم احد يقابلهم 24 ساعه

وش اسوي احترت


وانا اكلم الحين في راسي فكرة الرفض


والجماعه منتظرين مننا كلمة نعم او لا


ساعدوني تكفون

>>>>> ردود الأعضـــــــــــــــــــاء على الموضوع <<<<<
==================================


استخيري
وامك جيبو لها شغاله
وانت كل فتره مريهم وشوفي اوضاع اخوانك وخليك قريبه منهم مو تتزوجي على قولتك وافتك من هالعيشه لا
البنت اكثر رأفه ع اهلهها حتى بعد الزواج
واهلك ماتوقع بيخلوك دون زواج وهو مناسب


__________________________________________________ __________

كلام الاخت مشتاقله صحيح وهذا الراي الصح


جيبو شغاله للبيت وامك ترتاح وانتي زوريهم مرتين في الاسبوع وكذا راح تكون الأوضاع تمام


__________________________________________________ __________

السلام عليكم
أكيد والديك يبغون لك الستر والزواج .
إذا الشخص اللي تقدم لك ، صاحب دين وخلق ، وسمعته زينة ، لا ترفضينه ، وخصوصا لو كان يعيش في نفس مدينتكم ، ووضحي له انك لازم تكوني حول أمك باستمرار ، لأنها محتاجة لك ، ولو من الأفضل يكون سكنك معاه بعدين قريب من أهلك ، ولا تنسي انك لما يصير عندك بيت راح تكوني مسؤولة عن بيتك ، يعني لا تهتمي في أهلك بشكل مبالغ فيه على حساب بيتك وزوجك .
وإذا شفتي الشاب ما تقبل شروطك ، أو تردد في قبولها ، فالله يستر عليه ويعوضك ربي خير ، ويرزقك البر بوالديك ويعافيهم بحولة وقوته .
وأنصحك تصلي صلاة الاستخارة ، وتكثري من الاستغفار حتى يشرح ربي صدرك بالقبول أو الرفض .


__________________________________________________ __________

تزوجي وكلي ااامرهم لله فهو خالقهم وااسكني باالقرب منهم


__________________________________________________ __________

اكيد تزوجيه ياقلبي

لمتى بترفضي وبعدين فكري بالمستقبل امك وابوك مو دايمين لكِ الله يطول بأعمارهم

وقلتيها اخوانك شباب يعني تقدري تعيشي مع وحده من زوجاتهم والله مايعيشوكِ الا شغاله وبمشاكل

وافقي وجيبي شغاله لامك وخلي العريس ياخذ بيت قريب من بيت اهلك كل ماراح الشغل روحي عندهم وشوفي اش صار وايش ناقص واطبخي وكل شي

وخذي من الطبخ الي طبختيه لبيتك وحطيلهم شوي في الثلاجه لو جاعوا

يعني ماهي مشكله