عنوان الموضوع : ابيه لكن هو ( اعمى ) فعلاً .. مالي احد استشيره غيركم ساعدوني يا اخواتي ..! -لصحتك
مقدم من طرف منتديات نساء الجزائر

ابيه لكن هو ( اعمى ) فعلاً .. مالي احد استشيره غيركم ساعدوني يا اخواتي ..!



السلام عليكم ورحمه الله وبركاته

انا ماعندي مشكله بمعنى الكلمه
لكن بمعنى اصح استشاره وخايفه اقرر واستعجل واندم ..

نبذه عني
عمري 22 سنه طالبه وجنوبيه



بنات انا مره انخطبت بس مو رسمي
لواحد يقرب لي.. مو متوظف ولو توظف ينفصل من وظيفته (يعني لاعاب ويبي وظيفه راحه يغيب بكيفه ويروح بكيفه وشهادته بس ثانوي)
وصار الحين خمس سنين واكثر وهو ما تقدم لي رسمي لين شلنا فكره انه يتزوجني ..
رغم ان الناس نتشرت عني وعنه اشاعه اننا مخطوبين حق بعض وانا ما انخطبت رسمي
وحرام عليهم ينشرون هالكلام ويقفلون نصيبي ..
وما صار احد يتقدم لي ابد لانهم يحسبوني مخطوبه
وكل ما احد قال بنخطب من بيت فلان .. قالوا بنته مخطوبه وكذآ ..

وقبل شهرين تقريبا حرمه كلمت امي تبيني لولدها بس اني مخطوبه ..
امي قالت لها: بنتي مو مخطوبه ولا شي واذا تبون تتقدمون حياكم
وترى حنا نشتري رجال ما يهمنا مال وممكن نساعدكم ونيسر عليكم ..

انا انبسطت حيييييييل حسيت السماء ما تشيلني من الفرحه مثلي مثل اي بنت
شوي دقت الحرمه على امي وقالت ترى بنخطب بنتكم رسمي بعد (خمسه سنين) ..!
تخيلو الخطبه بس بعد خمس سنين اجل والملكه والزواج بعد كم سنه يعني لما اعجز ؟

رفضنا الموضوع .. وقفلنا عليه
طبعا تخيلو فجاء نفرح وبعدها تخرب فرحتنا شعور صعب خصوصا اني اكبر بنت وامي منى عينها تشوفني عروس..


قسسسم بالله انا مابي عشششان نفسي بس عشان افرح امي واسكت الناس
الي كل همهم يخربون البيوت ..

واليوم زوجه اخوي تقول في انسان اعمى (يعني ما يشوف بالمره) تزوج من بنت وما توفق معاها والبنت ما تبيه بالمره رغم انها تدري انه اعمى ..وهو معلم وعنده راتب وبيت ومال وجميييل جدا والله رزقه بخير ونعمه وفاتحه بوجهه وامه طيبه حييييل .. تقدم لك بتوافقين ؟
انا سكت وما عرفت ارد
امي سالتني بتوافقين ؟
قالت يمه حلمي يتزوجني رجل داعي للخير او معاق بكرسي
ماني مثل البنات الي يدرون الجمال والطول
ابي واحد احن عليه واساعده واكون ايده ورجله .. بس يحطني بعيونه ويخاف علي




بنات وش تنصحوني اوافق اخذ الاعمى ولا انتظر الجاي ؟
ولو جاكم نصيب لواحد اعمى بتوافقون ..

>>>>> ردود الأعضـــــــــــــــــــاء على الموضوع <<<<<
==================================


يا خيـــــــتي الله يرزقك بالزوج الصالح ويكون يخاف الله فيكــي

وبخصوص انك تتزوجي عشان تسكتي الناس هذا مو هدف ، اول شي حطي في بالك انك راح تتزوجي عشان رضى الله ثم انها سنه الحياة وثم رضى والدتكـ...
لا توهقي نفسك توك صغيرة وكمان اذا شفتي ان هذا الاعمى بجد يستحق وان انفصاله من الاولى كان منها هي يعني مو منه ممكن يكون فقدانه لبصرة يجعله اما شي سلبي او ايجابي في تعايشة مع الناس فاول شي القضية ماهي انه رجل اعمى المهم كيف تعاملة مع النسوان وخصوصا انه دخل في تجربة

اسالي عنه اكثر وبيني انك ما عندك مانع من كونه اعمى ولكن الاهم خلقه

الله يوفقك بالخير وين ماكان....واخيرا استشيري من حولك واذا عزمتي استخيري الله وتوكلي لما ماجمعتيه من معلومات عنه

دعواتي لك بالتوفيق يالغلا


__________________________________________________ __________

حبيبتى صلي صلاه الاستخاره
وترا فيه كثير من البنات يتاخر نصبيهم
موتتزوجين علشان فلان وعلان بكرى بتصرين في بيته وشوفى نفسك تقدرين تعيشين مع اعمى
حتى لاتظلمينه ولايظلمك
اعررررررررررررررررررررررفي
كل عيوب ومميزات الزواج
هذا
واسال الله يكتبلك الخيره
ويوفقك ويستر عليك
وتراء الزواج مسؤليه
طيب ليش طلق مرته
اسلو عنه زين


__________________________________________________ __________

هل يستـحق تـضحي عشانه وتـتـزوجينه ؟؟ هل انتـي قادرة على تـحمل مسؤؤلياتـه ؟؟
اختـي ما عليكي من كلام الناس انتـي تـوك صغيرة ولا تـفكري الا بنفسك
الناس ما رح يجو يعيشو معاكي او ينفعوكي
كلام الناس وجع الراس
انظري الى الامام وشوفي حياتـك معاه تـخيليها
وبعدين قرري
لان بصراحة هذا القرار صعب مررة
وانا عن نفسي ما رح اضطر اتـزوج باعمى حتـى لو اعنس لاني اعرف نفسي مو قادرة
موفقه حبيبتـي


__________________________________________________ __________

حبيبتي انتي شوفي نتايج هالزواج وش بتكون وحطي كل الاحتمالات قدامك
وشوفي انتي تقدري تعيشي مع رجال اعمى وتنقص عليك اشياء اي بنت تحلم فيها
كأنك تتزيني له وتلبسي احلى لبس لجل يشوفك احلا وحده ويتغزل فيك

واستخيري واسألواااااااااااااا عنه زين ولاتستعجلي واذا علة الناس حتى لو تزوجتي احسن رجال مال وجمال واخلاق برضوا راح يطلعوا عيب ويتكلموا

""لا اله الا انت سبحانك اني كنت من الظالمين""


__________________________________________________ __________

انا عن نفسي اذا صار الرجال اخلاق وادب واحترام وسمعته طيبه بين الناس ويخاف الله ويصلي ويصوم وعندي ثقه انه راح يشيلني في عيونه ويقدر وغير كذا الله رزقه بوظيفه ومال وبيت والحمد لله
راح اوافق
هو اعمى صحيح بس مو معناه مو انسان ولا يستحق يزوج انسانه كامله بالعكس ماتدري يمكن تتوفقي معااه احسن من الكااامل
واذا استخرتي وارتحتي له واافقي
بس قبل توافقي انظري للموضوع من كل الجهات
زوجك مايسوق لاتقدري تطلعي معاه طلع الا معاكم السواق
وانتي هل تتقبلين الوضع طول عمرك ولا بس فترة عشان تسكتي الناس
لازم تقتنعين قبل توافقي عشان ماتتحسفين وتسمعينه كلام جارح بعد الزواج
لان بعد الزواج مالك حق تجرحي ولا تقولي له شي لان انتي اللي رضيتي فيه وعارفه شنو ناقصه
وقولي الحمد لله انه بس اعمي ترى الاعمى يشوف من داخل ويحس اكثر من اللي يشوفون
انتي شوفي نظره شرعيه اذا ارتحتي معاه اول نظر خلاص توكلي ع الله
ماعليك من البنات اللي يقولون لك لااا تزوجيه وانا استحاله اوافق لوكل بنت سوت كذا معناها اللي اعمى واصم ومشلول ماحد ييزوجهم لييييه حرررام هذا شي من عند الله