عنوان الموضوع : الله يسعدكم سااعدوني وربي حاسة بناار في صدري من القهر..! -تم الاجابة
مقدم من طرف منتديات نساء الجزائر

الله يسعدكم سااعدوني وربي حاسة بناار في صدري من القهر..!



السلام عليكم ورحمة الله وبركاته

انا ترددت كثير في طرح مشكلتي بس وربي العظيم من القهر اللي فيني قلت لازم اطرحه عشان الاقي الحل عندكم لو بدعوة...

انا فتاة عمري 19 سنة.. انا من 3 شهور تقريبا تعرفت على شاب خلووق خلووق بمعنى الكلمة وبجد حبينا بعض والله العظيم من كثر ما يحبني يخاف علي من نسمة الهواء..
آآآممم انا عارفة راح تقولون اني تافه او شي ... بس بجد بجد بجد حبييته وتعلقت فيه .. وهو بصراحة مايبيلي الشر عشان كذا قالي بخلص دراسة واتوظف واجي اخطبك لانه هو الحين يدرس في الكلية بعدها الوظيفة ان شاء الله مضمونة
هو اكبر مني بخمس سنوات.. المهم في بداية علاقتنا انا كذبت عليه.. اعطيته الاسم الخطأ وعمري الخطأ وكل شي عني قلته له غللللطط بحكم اني بنت وخايفة على سمعتي ... بس لمن شفته جاد قلت اصارحه.. وبالفعل صارحته وقلتله ترى انا كذبت عليك وانا فلانة فلانة وقلتله كل شي عني صح.. ما اخبي عليكم او اكذب هو بجد زعل مني بس راضيته وتفهم موقفي .. هو ما شاء الله عليه مرررة متفهم.. وانا والله العظيم ما انكر اني مرررة احسس بضيقة من اللي جالسة اسويه اني اكلم شاب.. قبل يومين كنت جدا جدا جدا متضايقة لدرجة اني في غرفتي ابكي وما اعرف ايش السبب لمن قلت خليني اتصل عليه افضفضله وهو بصراحة مررة يهون علي لمن اكون متضايقة .. المهم قالي وش اللي مضايقك.؟؟ قلتله مادري بس يمكن حالنااننا نسوي شي غلط وعارفين ذبه ومع ذلك عادي مكملين .. بصراحة هو زي اللي انصدم ومادري وش اللي حصله .. قالي خلاص اللي تبينه بيصير بسس تأكدي اني بجد حبيتك وتعلقت فيك.. للمعلومية هو مررة فاقد حنان بحكم انه ولد وعيب يتدلع عند اهله.. وهو ايضا فقد امه قبل 3 شهور.. المهم بعد ماقالي اللي عنده قفل جواله .. وانا خلااص مت من البكا.. ابيه والله العظيم يا بنات اني لانوم زي الخلق ولا اكل ولا شرب حتى جلوس مع اهلي جسد بلا روح ولا عقل وبس دموعي على خدي وعذري عند اهلي اني تعبانة...
واليوم في الصباح اتصل عليه بالصدفة رد وجلست ابكييي واقوله لا تخليني والله انا الحين بظروف ونفسيتي زففت الله يكرمكم.. وابيه يوقف جمبي زي كل مرة يسندني فيها .. بسس بصراحة صدمت فيه
قالي يابنت الناس الله يستر عليك انتي روحي بطريقك وانا بطريقي .. قلتله لييش .؟؟ قالي انتي بجد بجد صحيتيني من غفلتي اني اكلمك ونسوي شي غلط واحنا مو عارفين ربي ايش كاتب لنا.. وانا لوابيلك الشر كان كملت معاك بس وربي احبك واخاف عليك وعلى سمعتك .. وقالي انا الحين بروح الكلية اكلمك لمن ارجع .. ولمممن وقتكم ذا وانا اتصل عليه وارسله مسجات وهو ولا يرد علي...
الله يخليكم والله مررررة حاسة بقههر وربي احبه احبه احبه ويعلم الله انه هو ولد ناس ويحبني تخيلو لدرجة انه لمن قالي خلاص الله يستر عليك ورب العباد انه كان يشهق في البكا

الله يريحكم ريحوني وقولولي ايش اسوي عشان يرجعلي ... والله حياتي بدونه ما تسوى ... وتكفى لا تزيدوني بردودكم والله اكتب ودمعي على خدي

>>>>> ردود الأعضـــــــــــــــــــاء على الموضوع <<<<<
==================================


يـــــــــــآقلبي فديتك والله ..

ماادري شنو اقول حبيبتي بس هو وضح لك قال ان هذا طريق خطأ

ترى هذا نعمه من ربي انك صحيتي وصحي من غفلتكم

صدقيني شهر شهرين وراح تنسيه

وكثري خرجاتك للناس اقرأئي بالنت حاولي لاتفتكريه ابدا

انا مااقدر اقول ارجعي له لان هذا طريق خطأ

صدقيني صدقيني كذا ولا كذا بيتركك لو بعد سنييييين

مااظن فيه زواج بالحب الا ناااااااادرا جدا نادرا

وانتي ادعي الله يعلق قلبك فيه وصدقيني بتلقي الله اقرب لك من حبيبك

الله يوفقك ويعينك ويساعدك يارب ويبعدك عن هالطريق ويارب يزول هالحب من قلبك فجأه ولا يارب الله يزوجك منو عاجلا غير اجل ويهنيك ويسعدك معاه بطريق الحلال يارب


__________________________________________________ __________

الله يعينك


__________________________________________________ __________

قالتها لك وحده من الأخوات
( هو تاركك تاركك , لو مو الحين بعدين )

والله وعن تجربه
حتى لو يمووووت فيك , بتنتهي علاقتكم
لا تتعبين نفسك

مارح أقولك حرام , لأنك عارفه هالشي
ومارح أقولك هو لعاب , لان الواضح أنه مو كذا
بس بقولك انسيه , لانه بينساك وبتلاقينه عايش حياته بالطول والعرض

كذا الرجال .. لو حب لين الراس ان جا وقت النسيان تلاقينه ما يقصر ما شاء الله
وكأن اللي بينكم كان شي عابر !

بتتعبين , وبتحاولين ترجعين له كذا مره
بس هو بيصدك وبتلاقين نفسك لحالك وضعيفة , اي شي يكسرك
بس فترة بتلاقين نفسك صرتي أقوى وما عاد يأثر فيك هالانسان
وحتى بعد ما تتعدين هالأزمه بتظلين تحنين له
بس لا تعطين نفسك مجال
دايم فكري بـ أهلك , ولو كملت علاقتكم وعرفوا !

دايم تذكري " ما بني على باطل فهو باطل "
يعني لا تنتظرين نهاية حلوة حتى لو كان حب صادق

والله يقدرك وتنسينه وتعيشين سعيدة بدونه


__________________________________________________ __________

لعب بنفسيتج صح عرف شلون تكوني لعبة بايده الحين مسوي عليج ان ما يبي يكمل العلاقة وكل واحد يروح بطريج والله يستر عليج وين الي راح يتخرج ويتوظف بعيد يطلبك لزواج خلاص نسي كل شي بلحظة وانتي قعده اتقولي خلاص انا احبك ولا تبتعد عني انا ابيك صدقيني اهوه مايرد عليك علشان تتمسكي فية ولما يطلب يشوفك راح اتقولين اوكي وتواعدية وياخذ الي يبة هذا هوه تفكيرهم انتبيهي اتركيه انتي وانسيه وشغلي نفسك باي شي اخر غير التلفونات والرفجة الاحرام


__________________________________________________ __________

المشاركة الأصلية كتبت بواسطة أحمر جوري
لعب بنفسيتج صح عرف شلون تكوني لعبة بايده الحين مسوي عليج ان ما يبي يكمل العلاقة وكل واحد يروح بطريج والله يستر عليج وين الي راح يتخرج ويتوظف بعيد يطلبك لزواج خلاص نسي كل شي بلحظة وانتي قعده اتقولي خلاص انا احبك ولا تبتعد عني انا ابيك صدقيني اهوه مايرد عليك علشان تتمسكي فية ولما يطلب يشوفك راح اتقولين اوكي وتواعدية وياخذ الي يبة هذا هوه تفكيرهم انتبيهي اتركيه انتي وانسيه وشغلي نفسك باي شي اخر غير التلفونات والرفجة الاحرام

والله كلام اختي هوه الصدق ياما سمعنامثل حكايتكم والله ان اللي قالته اختي هوه اللي بيصيربس الله يرزقك بالزوج الصالح اللي يستاهلك هالانسااااان اتركيه حتي لوتذبحين عمرك بالبكاء عليه ولاتموتي من البكاء على شي اغلى منه وانتي فاهمه قصدي