عنوان الموضوع : بداية حياتي مجابة
مقدم من طرف منتديات نساء الجزائر

بداية حياتي



السلام عليكم ورحمة الله وبركاته
انا عندي لكم مشكله من وانا صغيره مالقيت لي احد افضفض له واتمنى الاقي منكم الحل انا اهلي واهل امي يكرهوني حيل ويوم كنت صغيره مره تخانقت مع بنت خالي وغلبتها وصارت تبكي كان يصيروا كلهم ضدي وخالتي قالت لأمي بنتك هذي فيها مرض نفسي ان ماوديتيها لدكتور نفسي بتزيد حالتها النفسيه وغيرها قالت عني شجره خربانه ومافي امل ترجع تتعدل وهذا جزء بسيط من الي كانوا يسوونه فيني وغير كذا كنت كل في زاويه وبناتهم في زاويه كنت بالمره وحيده ماكانوا بناتهم يبغوني ويوم رحت المدرسه تعقدت صرت حاطه في بالي ان ما احد يبغيني وكل ساكته وبروحي حتى كثير صاروا مايحبوني المهم انعزلت عن اهل امي فتره انهم سبب كره الناس لي يوم صرت في متوسط صرت اروح لهم وصاروا عاديين معي بس انا اكرههم وبعدها تغيرت نفسيتي وياهم وصرت زينه معاهم وجيت على اول ثانوي انقلبوا بناتهم انقلاب فضيع علي حتى مره اول ماجينا لبيت اهلي جت بنت خالتي تسلم على امي وانا كنت وراها وانا من داخلي اول مابتسلم علي برحب فيها خلصت من السلام على امي وعطتني نظره شاذه وسفهتني ومشت بغت تجيني صاعقه حسيت ان وجودي غلط وغير كذا كانوا البنات الي كبري في هذا اليوم بينامون بيت وحده من خالاتي وانا اشوفهم وقلبي فيه الجمر والله يوم رجعت البيت وانا بالسرير ابكي بكاء الطفل من الحرقه واليوم الثاني ماسلمت من هواش امي ليه ماتصيرين زيهم عقل وثقل ومايبقى كلمه وقحه على لسانها ماتقولها لي صرت اكره نفسي حيل واحط ببالي ان وجودي في هالدنيا غلط وماله داعي واحرم نفسي من العزايم والمناسبات وكبرت المشاكل علي من اهلي الي معي بالبيت وكل كلمه قبيحه ووصخه ماتخطر على البال يوجهونها لي كرهت نفسي زياده وصرت اسيء لنفسي وان وجودي ماله داعي واني انخلقت لمصالح الناس بس ولازم قبل النوم صياح مو طبيعي كنت ما اتزين وكل وحيده كان ان مر علي اسبوع ماابكي فيه معجزه كنت ابكي في دورات المياه اكثر شي كنت ابي اضرر نفسي عشان احصل اهتمام غيري انا الحين صار فيني ضعف بصر والسبب هو انا وكنت مايبقى شي ما اضرب نفسي فيه وهذي السنوات اتبعتني وحده من خالاتي بفتنه انا ويا وحده من بناتهم وكرهوني زياده صبرت وسكت لأن في عندي احلام يقضه تغنيني عنهم وهذي السنه قللت روحاتي لهم بشكل فضيع لأني من اروح لهم احس بقهر بدون سبب وحتى في المدرسه انقهر على اقل شي البنات الي معي بالدوام يحسون من وجهي اني مهمومه والأسبوع الي راح يوم رحت لهم لوجه الله وصلة الرحم بس صحيح بعضهم قالوا لي من زمان عنك بس ضليت وحيده ورجعت مقهوره واحساس فيني اني وحيده بس عطيت نفسي جدول اني ما اروح لهم بالشهر اكثر من 3 ايام ...........وهذي قصتي معاهم
.................................................. ......
اجي لهذي الأيام
كل افكر بالموت بس اغلب وقتي احلام يقضه يعني ضايع مني وانا الحين بالكليه بس ما اقدر افارق احلام اليقضه حتى اذا مليت عشان ابغى احد يحس فيني ويغار علي بس مافيه وكل مابغيت انجز هم اروح لأحلام اليقضه وكل مايأذن اصلي وارجع وبعض الأحيان اذكر نفسي اني محاسبه على هالوقت لكن بدون فايده صرت اهرب من الواقع انا عمري 19 ووراي زواج واذا بتستغربون من افعال اهلي مني تراهم مو اهلي بس امي هذي هي ربتني من وانا صغيره حتى سمعتها يوم كان عمري 4سنوات كانت تتكلم اني مو بنتها بس انا حطيت كلمتها في بالي بالسنوات الي بعدها عشان كيذا مانسيت وفي اثباتات كثيره بس ما اقدر اقولها لأني بنكشف بس وضعي الحين صعب حيل ما ابغى منكم غير تثبتون لي اني فعلا لي اهميه بالمجتمع وان في ناس تحبني وان الإجابيات بتزيد اذا تركت احلام اليقضه لأني بأحلام اليقضه لقيت من يغار علي ويتدخل بخصوصياتي عشان مصلحتي بس اذا بضل معه واقعي بيضيع مني
الله يخليكم لاتملون مني بس هذا الكلام مكتوم بقلبي سنوات ويادوب حصلت لي احد افضفض له والي تلقى لي حل ايجابي بدعي لها
لأني دائما ادعي لكل من ساعدني بحياتي

>>>>> ردود الأعضـــــــــــــــــــاء على الموضوع <<<<<
==================================


و الله حبيت ارد عليكي و افيدك.. و انا اقراء شفت معاناتك و قلت لازم ارد.. استعرت العضويه بس
اقولك
1- كل انسان في الدنيا هذي خلق لهدف و هو عبادة الله و عماره الارض ..
2- مشكلتكي مع اهلك و اقارب امك .. ابغ اقولك انتي شابه 19 سنه لكي و ذكيه لدرجه انك و صلتي للكليه وتفوقتي على كل الصعاب الي و اجهتكي .. كوني واثقه من نفسك اكثر وسيبي الوحده
3- ثقفي نفسك بنفسك اقراي كتب التاريخ و النفس و الطب و اللغه من كل علم اقراي و اقطفي ثمره و شوفي الموضات و المكياج و سوالف البنات عشان اذا تكلموا فموضوع يكون عندك خلفيه و تتكلمي معاهم
4- و خليكي دائما واقفه بكل ثقه و لاتوريهم ان كلامهم ياثر فيكي و انتي وقفي عن جلد ذاتك و لومها و يوم فاجاي اهلك بطبخه غريبه تورينهم انك بنت زي اي بنت
5- ابحثي عن صديقه و فيه و اشتركي في جمعيات تحفيظ القران و شاركي في نشاطاتها و لو قدرتي تدخلى بعظ الاعمال التطوعيه .
و اتمني اني افدتك و لا خيبتك
دمتي بصحه و عافيه\


__________________________________________________ __________

يعمرى كل واحد عنده هدف وانتى الحمدلله
شابه جميله متعلمه كوني واثقه من نفسك الحياه
قدامك صلى حبيبتى من قلبك اقرى قران
اتحدى شيطان احلام اليقضه من تفكير ولااوهم
كلنا واحنا صغر ظربونا لين شبعنا الله يوفقك


__________________________________________________ __________

والله ياعيوني كلنا مرينا تقريبا بمثل حالتك يوم كنا صغار ضرب وتحقير واهانات وهذا من جهل اهلنا بااساليب التربيه الصحيحه
عشان كذا انا ابيك تنسين كلامهم وتجريحهم لك وبقوة ثقتك بنفسك انتي ماشاء الله واضح انك ذكيه وفيك نقاط ايجابيه ومتعلمه يعني انتي احسن من غيرك من البنات قدرتي تكملين تعليمك وتوصلين للكليه رغم الظروف
واذا على كلمه حاسه اني وحيده واالله كثيرر يحسون بهالاحساس
ياعيوني الراحه والسعاده موجوده بقرب الله
اتمنى انك تجربي هالطريقه وربي راح تريحك شوفي لك ليله من الليالي بالليل افرشي سجادتك واتكلمي بصوت منخفض وقولي كل شئ بقلبك لله سبحانه اشكي وابكي اللين تحسين انك فرغتي كل همومك وابكي صدقيني ربي قريب منك ويسمعك وهو موجود كل يوم في سماء الدنيا يطلب منا اننا ندعيه ونسأله حتى يعطينا مانريد
لا تشكي لناس والله مابينفعونك بشئ هو سبحانه عالم فيك وبحالك من غير ماتشكي وهو ارحم الراحمين لو تقفلت بوجهك كل الابواب تلاقين بابه مفتوح بفضل رحمته علينا بس احنا اللي مفرطين بحقه ومقصرين ونسينا ااننا نشكي له قبل مانشكي لناس
جربي دايم هذي الطريق اذا حسيتي انك متضايقه وخلك واثقه انه ربي قاعد يسمعك بأنصات وانه بيساعدك بهمك واطلبي منه الفرج وربي ماراح تندمين
استغفري الله كثيرر باليوم على ذنوبك وصدقيني كلنا نعيش بهموم ومشاكل وهذا هو حال الحياه
وفيه غيرك مشاكله اكبر من مشكلتك بكثيررر ومع هذا صابر
يعني قول الحمد لله على كل حال
وان شاء الله ربي راح يزوجك انسان ينسيك كل همك وتندمين على كل لحظه من حياتك حزنتي فيها
نصيحتي لك عيشي شبابك وعمرك هذا العمر عمر الشباب جميل مايتعووض ابدا اذا راح
لا تهتمي بكلام اهلك او جماعتك وتخربي حياتك ومتعتها بسببهم ترى الدنيا ماتسوى عند الله جناح بعوضه من حقارتها
اشغلي نفسك بالقران وحاولي تتعرفين على بنات كويسات يملون عليك حياتك ويشاركونك اهتماماتك
انا والله حابه اخفف عنك في اي شئ واساعدك لاني حاسه فيك
وانتبهي على نفسك من الانحراف والرفقه السئه وخليك ذكيه والدنيا دار ابتلاءات وكلنا عندنا هموم لا تفكرين انه بس انتي اللي كذا
(طنش عش تنتعش )خلي هذا هو شعارك مع كلام اهلك والناس اللي حولك وخذي كلامهم الايجابي فيك وبس والباقي ارميه وراء ظهرك ولا تهتمي فيه ابدا وعيشي شبابك ولا تهتمين لكلامهم

الل يفرج همك ويسعد قلبك ويحنن اهلك عليك ويرزقك الزوج الصالح عاجلا غير اجلا يارب

اسفه على الاطاله قلبي معاك
دعواتك لي بالفرج والتوفيق والستر بدنيا والاخره


__________________________________________________ __________

البنات ماقصرومعاك واناحبيت اقولك اصابع يدك موسوى ابحثي عن صديقه قوي شخصيتك لاتهملين نفسك عشان هالبنات هم مبسوطين ومرتاحين وانتي جالسه تعذبين بنفسك


__________________________________________________ __________

المشاركة الأصلية كتبت بواسطة مشكلتي
و الله حبيت ارد عليكي و افيدك.. و انا اقراء شفت معاناتك و قلت لازم ارد.. استعرت العضويه بس
اقولك
1- كل انسان في الدنيا هذي خلق لهدف و هو عبادة الله و عماره الارض ..
2- مشكلتكي مع اهلك و اقارب امك .. ابغ اقولك انتي شابه 19 سنه لكي و ذكيه لدرجه انك و صلتي للكليه وتفوقتي على كل الصعاب الي و اجهتكي .. كوني واثقه من نفسك اكثر وسيبي الوحده
3- ثقفي نفسك بنفسك اقراي كتب التاريخ و النفس و الطب و اللغه من كل علم اقراي و اقطفي ثمره و شوفي الموضات و المكياج و سوالف البنات عشان اذا تكلموا فموضوع يكون عندك خلفيه و تتكلمي معاهم
4- و خليكي دائما واقفه بكل ثقه و لاتوريهم ان كلامهم ياثر فيكي و انتي وقفي عن جلد ذاتك و لومها و يوم فاجاي اهلك بطبخه غريبه تورينهم انك بنت زي اي بنت
5- ابحثي عن صديقه و فيه و اشتركي في جمعيات تحفيظ القران و شاركي في نشاطاتها و لو قدرتي تدخلى بعظ الاعمال التطوعيه .
و اتمني اني افدتك و لا خيبتك
دمتي بصحه و عافيه\

تسلمين ياقلبي على الأفاده والكلام الطيب
الله يبعد عنك كل شر ويبعد عنك شر الحساد