عنوان الموضوع : لكم سأبوح ..!
مقدم من طرف منتديات نساء الجزائر

لكم سأبوح ..!



السـلام عليكم ..

حبيت أطرح مشكلتي هنا و يارب ألقى حل عندكم يريح قلبي وضميري ..

انا ياعزيزاتي تعرفت على شاب من 5 سنين وأموووووووت فيه وهوه يمووووت فيني خطبني قبل سنه ونص لكن ماما رفضت لأنو معاه السكر وماهو موظف وظيفة حكوميه منعتني منو ووعدتها اقطع علاقتي بيه للأبد وهوه لما عرف عن رأي ماما فيه انسحب من حياتي وسار مايرد على اتصالاتي نهاااااااائي تعبت ذيك الفتره كثييييييييييييييييييييييييييير وعانيت وصبرت واحتسبتها عند الله وقلت أكيد هذا الخير ليا وانقهرت اكثر انو استغنى عني بسهوله بعد فتره يمكن 6 شهور قابلتو ع النت وجا كلمني واعتذرلي عن الي سار منو وانو سابني عشان خايف عليا ومايبغاني اكسر كلام ماما وانو حس انو انسان ناقص لما عرف رأي ماما فيه انو معاه السكر مع انو مو ذنبو مرضو هذا ابتلاء من الله كلمتو يمكن مرتين ورجعت قلتلو آسفه مني قادره اسامحك وماابغى اكسر كلامي لماما وقطعت علاقتي بيه بعد 8 شهور من الي سار اتصل ع وحده من قريباتي وقالها انو اتوظف وانو مازال يبغاني ومتمسك فيني وحالف مايتزوج غيري لأخلاقي وديني الحمد لله وطلب يكلمني وللأسف كلمتو وجلس يبكي ويعتذر عن كل الي سار معاه وبجد كان في نبرتو الصدق لدرجة اعطاني رقم جوال امه وقلي كلميها وأسأليها انا كيف من غيرك وكيف انا ابغاكي وشاريكي عاتبتو كثثثيييييييييييير وكان يقلي قولي الي تبغيه انا استاهل كل كلمه عتاب منك مع انو كل الي سويتو خوف عليكي وقلي حيرجع يتقدم ثاني بعد الاختبارات ..
مشكلتي .. احبو وأحب ماما ومني عارفه ايش اسوي ومني عارفه كيف اوصل لماما موضوع الخطوبه تاني وهيا عارفه اني سبتو لاني وعدتها وحلفت واستغفر الله ربي يسامحني .. حتلوموني وتقولولي كيف سويتي كذا بس وربي غصبا عني بجد أحبه ومني متخيله اني اكون مع رجال غيره صح في حاجات فيه ماراح تتناسب مع عيلتي بس انا ابغاه ومقتنعه فيه وابغاه يكون ليا وماابغى غير الحلال وهوه رجال وربي ينشد بيه الظهر وقد مره سألتو ترضى انو اختك تسوي الي انته تسويه قلي وربي لو يحبها زي مااحبك حأرضى بس اهم شي مايقابلها وانا الحمد لله خلال 5 سنين دي عمري ماقابلتو ومهما اسوي معاه عمرو ماقلي كلمة تزعلني او تضايقني او قد قلل من قيمتي ويخاف عليا ويقدرني ويحترمني ولايتكلم معايا كلام غير سوي .. وربي اعشقه
انا ابغاه وماابغى افقد ثقة اهلي فيني وماابغى ربي يعاقبني تعبت وربي تعبت من التفكير مني عارفه الي بسويه صح والا غلط ومني عارفه فين الصح من الغلط قولولي وفيدوني ربي يفرج همكم ولا تلوموني وادعولي بالستتتتتتتتتتتتتتتتتتتتتتتتتتتتتتر في الدنيا والآخره وادعو لي ربي يفرج همي ويكتب لي الخير وييسرلي هوه ويغنيني بحلاله عن حرامه ..

أختكم ..

>>>>> ردود الأعضـــــــــــــــــــاء على الموضوع <<<<<
==================================


أكيد لازم تتمسكي براي أمك
لأن أمك لو زعلت من عنادك سوف تغضب
ورضا الله من رضا الوالدين
والله يعينك إصبري


__________________________________________________ __________

حبيبتي اولا لك مني اجمل تحيه ,,, بصراحه الشاب من وصفك ليه باين انه محترم ويخاف الله ,, دامه يحبك بجد ويخاف عليك هالكثر لا تفقديه ,, واذا انتى راضيه بمرضه تقدرين تقنعى امك باي ضريقه ,,امك من خوفها عليك رفضت بس اذا شافت انه بيسعدك اكثر من غيره اكيد بترضى هي ماتبي الا سعادتك ,, واذا بتتزوجين احد يحبك وتحبيه حياتك تفرق عن انك تزوجين واحد ماتعرفيه ,, اتوكلي على الله وصلي استخاره اذا ارتحتي له ادعي الله يخلى امك تقتنع .. اذا هو من نصيبك اكيد راح يجيك لا تشلين هم وريحي بالك ,, ربي يوفقك ويسعدك سوري طولت عليك


__________________________________________________ __________

اول شئ تعملينه يا الغالية صلي صلاة آلإستخارة بعدين صارحي امك بالحقيقة قوليلها هو كلم قريبتي فلانة و قاللها اني توضفت و ناوي يتقدملك من جديد واللي يصير اتأكدي هو في مصلحتك لانك استخرتي الله
وانشاء الله يقدم اللي فيه الخير حبيبتي
اللهم يسسر امرها وكتب لها الخير حيث كان


__________________________________________________ __________

الله يكتب لك كل خير


__________________________________________________ __________

حبيبتي الزوج والحبيب يتعوضون لكن الام مستحيل تتعوض
وانتي اكسبي رضا امك حتى ربي يوفقج بالاحسن منه
ولا تنسين انج حلفتي لها يمين وهذا كبير عند ربج
استغفري ربج واتكلي على الله واسمعي كلام امج

اتمنى لج الحياه السعيده وبالتوفيق