عنوان الموضوع : ساعدونى ارجوكم محتاجة ارائكم وبسرعة الطبيب يجيب
مقدم من طرف منتديات نساء الجزائر

ساعدونى ارجوكم محتاجة ارائكم وبسرعة



السلام عليكم ورحمة الله وبركاته
ازيكم حبايبى كلكم يا رب تكونو بخير وفى تمام الصحة
وكل سنة وانتو طيبين
انا هدخل فى الموضوع من غير ما اطول عليكم وربنا يعينكم ويجازيكم عنا خير يا رب اللهم تقبل دعائى
انا اولا مطلقة وعندى ولد والحمد لله الاسبوع اللى فات اتقدملى شخص مطلق وعنده ولد وبنت هو محترم وكويس وبيصلى الحمد لله وبالنسبة لشغله هو بيشتغل شغلانة كويسة والعائد المادى كويس الحمد لله
انا شوفته مرة واحدة والحمد لله تقبلته وبعد كدة صليت صلاة الاستخارة بس انا مش حلمت بس نفسيتى مرتاحة وحاسة انه خير ان شاء الله
نيجى للمهم هو فى الحقيقة الخطوبة لسه مش تمت لان اخويا مسافر وجاى يوم الجمعة ان شاء الله ومينفعش اعمل حاجة من غيره هو ولى امرى ووالدى اتوفى من زمان
فا فى خلال الاسبوع اللى فات اخته كانت بتكلمنى على طول وبتطمن عليا وكدة وفى مرة طلبت منى انه يكلمنى قالتلى استئذنى من والدتك الاول لانه عاوز يسئلك كام سؤال المهم كلمته وفى خلال المكالمة كان هو بيحكيلى كل حاجة عنه وقالى انا عاوزك تكونى مقتنعة لان دة جواز مش يوم وليلة لا ده العمر كله ان شاء الله قولتله انا استخرت ربنا والحمد لله نفسيتى مرتاحة قالى تمام انا هحكيلك عن ظروفى وكدة علشان تبقى عارفة عنى كل حاجة وحكالى على كل حاجة وبعدين قالى انا هقولك على حاجة علشان اكون مش مخبى عليك حاجة قولتله اتفضل قالى انه زمان قبل ما يتجوز شرب سجاير وكان فيها حاجة( مخدرات) وقالى انها كانت مرتين بس ومكنش هو قاصد انه يشربهم لاهو كان واقف مع اصحابه واصحابه عزمو عليه وكدة يعنى فا انا معرفتش ارد عليه اقوله ايه قالى بصى انا كان ممكن مش اقولك حاجة ومش كنتى هتعرفى عن الموضوع دة حاجة خالص بس انا حبيت ابتدى معاك كل حاجة على صفحة بيضة فانا قولتله وحاليا قالى ابدا والله هى السجاير بس اللى بشربها قولتله احلف وكدة قالى من غير حلفان انا قولتلك انى مش بشرب حاجات من دى خالص ولا اى نوع منها هى المرتين دول بس ومفيش غيرهم وانتى بكرة تشوفى واكيد بيبان على الانسان اذا كان بيشرب ولا لاء انا دلوقتى مش عارفة اعمل ايه يا ترى انا مكبرة الموضوع ولا هو يستاهل لدرجة مثلا انى مش اكمل معاه بس انا صليت ودعيت ربى فى صلاتى وسجودى وقولتله يا رب لو خير ليا ولابنى اجعله من نصيبى ولو شر ابعده عنى يا رب وانا حاليا ما زلت متقبلاه وكل حاجة بس انا اتفاجئت بالموضوع ده وشغل تفكيرى انا مش عرفت امى بالكلام دة فضلت انها متعرفش بحيث انى لو كملت معاه يبقى منزلش من نظرها ولو مش كملت يبقى انا عادى وفى حاجة كمان هو ان شاء الله اذا ربنا اراد ان الموضوع دة يتم هيبقى يوم الجمعة الجاية دى هما متفقين انهم يزرونا الجمعة وانا حاليا مش بصلى فا مش عارفة اعمل ايه كان نفسى استخير مرة كمان علشان ابقى عملت اللى عليا وارتحت واذا كان فى حد يعرف دعاء مناسب فا ياريت تقولو وربنا يجازيها خير
ملحوظة انا قبل الشخص دة جالى عرسان كتير وكنت برفض لانهم مش كانو بيبقو مناسبين لابنى قبل ما يكونو مناسبين ليا شخصيا وانا حاليا ابنى عنده 5 سنين وماشاء الله عليه بدء يفهم ويعرف ولما الموضوع ده حصل قالى انا مش هاجى معاك يا ماما وقعد يعيط فا قعدت اتكلمت معاه وفهمته وكدة قولتله مينفعش نا مقدرش اعيش من غيرك ومين اللى هيخلى باله منى والكلام دة وسكت وحضنى بعد كدة وقالى حاضر اللى انتى عاوزاه فا انا خايفة افضل ارفض وابنى بيكبر وبعد كدة هيقولى مش هاجى معاكى هيقولى لامش تتجوزى اصلا وانا عندى 22 سنة ارجو انكم تكونو فهمتو وجهة نظرى ومستنية ارائكم وربنا يجازيكم خير وهطلب منكم معلش طلب صغير دعاء فى ظهر الغيب باصلاح حالى وكل من تدعى لها المثل معلش طولت عليكم انا عارفة اعزرونى بس كنت عاوزة احكلكم الموضوع بالظبط علشان تقدرو تفهموه وتقدرو تعطونى الحل المناسب
وكل سنة وانتو طيبين مرة تانية
وربنا يرزقنا جميعا حسن الخاتمة ان شاء الله
واللهم صلى وسلم وزد وبارك على سيد الخلق واشرف المرسلين سيدنا محمد ( صلى الله عليه وسلم )
والسلام عليكم ورحمة الله وبركاته

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته

اختي انتي مكبره الموضوع يعني اذا بتقصدي الدخان بس هاد مو مشكله
بس اذا الدخان الي من نوع ثاني الي هو الحشيش بنصحك كاخت انه تتاكدي من هل الموضوع وتتحققي وتسائلي لانه ادمان وبياثر كثير على الحياه الزوجيه انت لساتك صغيره 22 يعني الفرصه قدامك وردي صلي استخارة مرة تانيه لانه ربنا انشاء الله رح يختارلك الخير

الله يوفقك ويختارلك الافضل الك ولابنك

تحياتي لك


__________________________________________________ __________

وعليكم السلام ورحمة الله وبركاته
عزيزتي صاحبة المشكله
قرأت طرحك بتأني وركزت على عبارات كثيره انا اعتبرها مهمه جدا
حين رأيته ورآك ورضيت به هل علمت بوجهة نظره او رأيه فيك؟؟
بصراحه انا استغربت مما قاله لك حول تعاطيه المخدرات مره او مرتين وكانت في الماضي
لماذا ذكرها؟؟
بدأت احس انه يبحث عن ثغره لكي ترفضيه وخصوصا انه رفض ان يقسم بالله على تركه للمخدرات
لماذا لم يقسم ان كان صادقا؟؟
نقطه اخرى مهمه جدا في الموضوع عزيزتي
ابحثوا عن سبب طلاقه لزوجته الاولى
اسألوا عنه وتقصّوا عن سلوكياته فهذا زواج وحياة طويله عريضه وليس يوم او يومين
اتمنى ان يقوم اخوك بهذه المهمه وعلى الوجه الاكمل من البحث والسؤال ومعرفة كل صغيره وكبيره عن هذا الشخص قبل حسم الموقف

واعلمي انني دعوت لك بالخير قبل ان اكتب مشاركتي بكل مااملك من تعاطف وحب الخير للاخرين


تحياتي وتقديري


__________________________________________________ __________

مكبره الموضوع


__________________________________________________ __________

اختي الغالية مثل ماقالت اختي اول شئ تاكدي منه لان ياخذ المخدرات يومين ويوقف ماتدخل الراس

واعرف سبب الطلاق من زوجته الاولي

وردي استخيري مره ثانية وربي يقدم لج الخييييييييييييييير

يارب يوفقج ويسهل امورج

تقبلي مروري


__________________________________________________ __________

زي ماقالو الاخوات اسالوا عنه جيدا والله يرزقك بالزوج الصالح