عنوان الموضوع : كلن على همه سرى وانا على همي سريت .. -تم الاجابة
مقدم من طرف منتديات نساء الجزائر

كلن على همه سرى وانا على همي سريت ..



السلام عليكم

بنات انا مب عارفه من وين اكتب مشكلتي او شلون

لانهااا مب مشكله وحده هي عده مشاكل وانا صادتني حاله نفسيه وانهيار بكاء مستمر وضيقه وهم كبير على راسي



....

فالبدايه انا بنت والحمدلله ملتزمه بالصلاه والاذكار وقيام الليل والاستغفار وقراءه القران ومتأكده ان اذا الله اراد شي راح يصير وربي مايظلم عباده

يابنات عمري 20 سنه واحس اني مووو متوفقه في حياتي ابداااااااااا

احس اني منحوسه مادري ليش

كل مابغيت شي ماصار لي كل مافز قلبي على شي ماجاني

ابي اكمل دراستي ماحصل لي

ابي اشتغل محد راضي يشغلني .. لعبت فالواسطات وبعد ما اشتغلت

اشوف ناس يتوظفون بسرعه ويدرسون ويتخرجون وانا لا

احسدهم في داخلي بس اقول الله يوفقهم ويعطيني مما اعطاهم

لكن وررررررررربي هذا كله مو مهم عندي

المهم وعندي هالشي بالدنيا كلهاااااااااااااااااااااااااااااااااااااااا

اني اتزوج اللي احبه وهو مايدري عني وحتى اهله مايعرفوني ولا احنا نعرفهم

انا حاطه امل كبيييييييييييييير ان الله يجمع بينا بس شلون ؟؟

ومافي اي اتصال ولا اي معرفه

يابناااااااااااات انا بمووت من الحزن والقهر ماتخيل نفسي الا معاه

هالشاب شفته في مكان مره وحده (( وللعلم )) انا مغطيه وجهي

شلون راح يدري بي ؟؟؟؟؟؟؟؟؟؟؟؟؟؟

ادري اراده رب العالمين فوق الكل بس مادري هالشي محزني

لاتقولون اذا جاج نصيبج راح تنسينه .. انا اصلا مافي حد يخطبني واذا انخطبت مايصير نصيب من البدايه معني جمييييييييييييله وجسمي حلو وعائلتي معروفه وكل وحده فالحه تقولي لو عندي ولد مافرط فييييييج

انزين اللي عندهم عيال وينهم عني.. ولا هاي بس مجاملات


...

اليوم امي عورت قلبي بعد تقول لو بنبني دور ثاني بتكون الغرف الاساسيه حق اخوج عشان اذا تزوج

انزين هو توه 15 سنه واحنا اكبر منه البنات بالله عليكم الاحقيه حق من

قلت لها لا غرفتي بتكون نفسها ولا ليكون انا ضيفه عندكم

قالت اي ضيفه

اااااااااااااااااااااه بمووووووووووووووووووووووووووووووووووت

قلت لها لا انا مب ضيفه اذا تزوجت بعدين بكون ضيفه عندكم

خاطري مكسوووووور يابنات

يعني اقل شي يبيله 10 سنوات على مايتزوج شلون تقول جذي

.. لاحول ولاقوه الا بالله

بعد انا من النوع العصبي دايما اذا عصبت يقولون لي كلمه تقلل من قيمتي

بس والله مب قصدي هاي طبع فيني

اليوم اخوي قلل من قدري قالي انتي محد كلمج

قلت له صج انك قليل ادب

وحاطه في بالي ماراح اكلمه لين يعتذر لاني اشوفه قام يتمادى..

بنات تشوفون انا غلطانه ولا من الغلطان

والله العظيم ما اكذب عليكم دموعي ماتوقف كل ما احط راسي ع السرير

طولت عليكم بس مب من شي قليل فيني



ادعولي ربي يجمعني باللي احبه لاني ماقدر انساه

>>>>> ردود الأعضـــــــــــــــــــاء على الموضوع <<<<<
==================================


صباح الخير حبيبتي ~

والله لما شفت موضوعك ماقدرت اطلع وما اكتب لك رد


يابنات عمري 20 سنه واحس اني مووو متوفقه في حياتي ابداااااااااا


ياقلبي انتي لساتك صغيــره ,, وربي يعطيك طول العمر ان شااااااء الله

ادري اراده رب العالمين فوق الكل بس مادري هالشي محزني

لاتقولون اذا جاج نصيبج راح تنسينه .. انا اصلا مافي حد يخطبني واذا انخطبت مايصير نصيب من البدايه معني جمييييييييييييله وجسمي حلو وعائلتي معروفه وكل وحده فالحه تقولي لو عندي ولد مافرط فييييييج

حبيبتي انا بقولك شي ... حاولي تخلي موضوع الزواج على جنب

واشغلي نفسك مثلا بهوايه.. او اجلسي مع صديقاتك .. غيري جــو

لانه التفكير راح يتعبك ,,

قلت لها لا غرفتي بتكون نفسها ولا ليكون انا ضيفه عندكم

قالت اي ضيفه

حبيبتي اكيد امك ماتقصد هالشي .... تمزح معك


اليوم اخوي قلل من قدري قالي انتي محد كلمج

قلت له صج انك قليل ادب


الله يعينك حبيبتي ~

المهم انتي وسعي صدرك .. ولاتشغلي بالك


وربي يسعد ايــــامك ويجمعك مع من تحبيـــــن


__________________________________________________ __________

السلام عليكم
مل عساية ان أن أقلك الا ان على الله كل شيئ بسيط وسهل فلا تفقدي ثقتك بربك وفقكي الله


__________________________________________________ __________

حبيبتي ماحبيت اطلع من دون مااكتبلك شي

الله يصبرك ويكون في عونك وخلي املك بالله كبير ولا تقولي عن نفسك منحوسه
تقربي من الله واكثري من الدعاء وباذن الله تنحل كل مشاكلك

المهم خلي ثقتك بنفسك كبيره واشغلي نفسك

الله يوفقك .


__________________________________________________ __________

أكثر ما يعذب النفس ويشقيها .. هو التفكير بالغيب (ومن ضمنه الزواج )
لهذا نهانا الله ان يسأل المسلم عن الامور الغيبية المنهي عن السؤال عنها لانه بمجرد التفكير بها تعذيب وارهاق للعقل البشري لانها فوق طاقة هذا العقل المحدود

وانت حينما تشغلين نفسك بالتفكير بهذا الموضوع فانك :

تهدرين طاقة ونعمة منحك الله اياها لتشغليها في التفكير بالامور النافعة للانسان

تشغلين نفسك بالتفكير بشخص لاتعلمين عنه شيئا سوى مظهره ولكنك تجهلين أمورا كثيرة :
قد يكون ليس مكتوبا لي
قد يكون مصاب بمرض او سيصاب بمرض(لاسمح الله) واتعذب كثيرا معه في حياتي
قد يكون سيء الخلق او في المستقبل ستتغير اخلاقه وينتكس لذا فالله لم يرده لي
قد يكون زواجي في هذا الوقت ليس في صالحي
قد يكون ادخر لي ربي زوجا هو أفضل منه بآلاف المرات
قد يكون أهله غير ودودين فيعكرون صفو حياتنا الى ان تصل الى لحظة لاتطاق
وقد وقد وقد

عزيزتي هنالك الكثير من الامور الغيبية التي لو تجلت لنا لحمدنا الله ليلا ونهارا لانه لم يقدر الذي تمنيناه لانه في النهاية كان ما أراده ربي خيرا لنا ولكنه سبحانه يمتحن تقبل العبد للاقدار المفروضة عليه

أسأل الله لك حياة سعيدة


__________________________________________________ __________

كيفيك حبيبتي ان شاء الله بخير

يالغلا انتي باقي صغيره وكل بنت في عمرك راح تفكر نفس تفكيرك وهذا امر طبيعي


اول شئ تفائلي بالخير (تفائلوا بالخير تجدوه)

ومن ناحيه الزواج انتي باقي صغيره عليه يعني البنات اللي عمرهم 30 او 40 ماتزوجوا

شنو يقولون اذا هذا كلامك

والعصبيه خليها عنك ترى ماراح تنفعك بالعكس ترى راح تمرضك

حطي دفتر وكلما حسيتي انك متضايقه اكتبي فيه وبالطريقه هذي تقللين من العصبيه

وبكائك على المخده ماله لزمه افضل منه انك تجلسين على سجده وتدعين ربك

ومن ناحيه الشاب الي تبينه هو نصيب فوق كل شئ وانتي ماتدرين نصيبك مع مين

وماله داعي تحطين احلام وتعشمين نفسك على الفاضي على امل مقطوع

الموضوع كله بيدك اذا تبين تنسينه راح تنسينه بسهوله

واشغلي نفسك في اشياء مفيده او هوايه عندك تحبين تسوينها

وترى حتى المتزوجات مو مرتاحات يعني مافيه بيت خالي من المشاكل

وبعدين حبيبتي مو اي كلام تااخذينه بخاطرك

ولا تنسين ربي اذا احب ابتلاه