عنوان الموضوع : صدمتني الحياة -لصحتك
مقدم من طرف منتديات نساء الجزائر

صدمتني الحياة



حابة احكي عن قصتي انا شايفتها انو صدمة كبيرة وحابة اعرف ارائكم فيها
انا بنت عمري 23 سنة تجوزت من 9 اشهر
وكانت الحفلة كتير حلوة وكنت طايرة من الفرح والسعادة ويومتها رقصت ما قعدت والضحكي ما فارقة تمي وعريسي كان نفس الشي والناس كلها انبسطت بعرسي وقالو اني كنت حلوة كتير وفستاني حلو وصالة العرس والترتيبات حلو المهم بلا طولة سيرة بعد عرسي توفى ابن اخت زوجي وبسبب هل الشي انقطع شهر العسل ورجعنا قضيناها بالعزاء وكان المفروض نسافر تاجلت السفرة وانا وقتها تعبت كتير ونحفت ومين مايشوفني يقول خطي هل العرسان ما راحت غير عليهم بالعزاء وحس كل الناس عم تطلع في وانا كنت على طول عم ابكي على هل الطفل وعلى حالي وعلى هل الحظ الحلو فترة كانت صعبة كتير كتير والاصعب كنت نام بمكان وعريسي ينام بمكان تاني هدا جنن اكتر وكان صعب كتير ينام بعيد عني كنت بحاجة اقله تعذبت كتير وكنت ابكي ليل مع نهار وامي تواسيني بس ما كان في اي كلام بالدنيا يمكن يواسيني بعدها سافرنا وطبعا الناس كلها ما بعرفها والجو فرق علي ورجع زوجي ع الشغله وانا ضل بالبيت بعدين اجتنا العزايم من الاصحاب وهيك قضيناها وناس يجو لعنا بس ما طلعنا لحالنا قليل كتير شي مشورا رومانسي ما حسيت اني عروس كنا دائما نطلعمع الناس وحياتنا كانت ودع واستقبل نخلص من ضيوف يرجع يجينا ضيوف ولي ينام عنا ايه شي بيقهر بعدين انا صار يجيني احساس بالندم ع زواجي صار هل الشعور يعذبني كتير وانو بعدني صغيرة شو عملت بهالي وصرت ابكي كتير بس ما حسست جوزي بشي وعل فكرة جوزي كتير منيح ومعاملته كتير منيحةمعي

>>>>> ردود الأعضـــــــــــــــــــاء على الموضوع <<<<<
==================================


عزيزتي
انصحك نصيحة لوجه الله
اسمعي مني

اذا زوجك اكابر و مرتب و عيلتو منيحة و هوي منيح معك فاصبري

لان دائما اول سنة زواج بتكون جحيم
اسألي مجرب ولا تسألي حكيم

اول سنة كتير صعبة بعكس ما يتخيل البعض انها لح تكون عسل بعسل

و اما قضية وفاة الطفل فهي من الله
و اما قضية الضيوف فهي عاداتنا و مجتمعاتنا هيك
فلا تعملي من الحبة قبة و اصبري
انت لسا صغيرة و مع الوقت بتفهمي الحياة اكتر

اما ان زوجك بارد فالغالبية هيك

انت حاولي تحركيه و حاولي تقليلو امنياتك وشو جاية عبالك
يمكن يتغير

اتمنى لك الحياة السعيدة المتفاهمة


__________________________________________________ __________

ميرسي الك وشكرا ع المسج بس ما قدراني رد عليكي لان قانون المنتدى بيقول لازم يكون عندي 50 مشاركة لاقدر ابعت مسج يا ريت تحكيلي قصتك بكون مشكورة وانا بحب اسمع نصائح الاكبر مني ولعندون خبرة بالحياة
صح انا سوريا وعارفة انو شغلة بسيطة بالنسبة لمشاكل الغير واكيد الحياة الزوجية مانها سهلة وما على طول سعادة وانبساط اكيد بتجي فترات صعبة وظروف بعرف هل الشي بس لي دايقني ان اول حياتي الزوجية ما عشتها انا وهولحالنا ماكنا نطلع مع بعض لحالنا نحكي ما كنا نروح مشاوير لحالنا تخيلي كل العالم فترة شهر العسل بيتصور العرسان مع بعض نحنا ما عنا صور لحالنا لي هي احلى فترة بحياة العروس ما عشتها لا ما تفكري اني بكره الاقارب والناس بالعكس بس حبيت تكون فترة لحالنا شهر عسل بدل لي راح المهم لا كان في شهر عسل ولا بصل


__________________________________________________ __________

وانا بضم صوتي لصوت اوشين,اول 3 سنين تكون تعارف وبعدين اذا تحملتي بتتعودي وبتلتهي بالاولاد وما بعود ييجيكي هيك افكار,انا اول ما تزوجت كنت اشكي لزوجي انه ليش مش رومانسي لكن هلأ عرفت انه يحبني بطريقته بدون ما يحكي.فاصبري وكل الامور رح تكون منيحة ان شاء الله وحبيبتي عمرك بحياتك ما تخجلي من زوجك ,هيك بصير في حواجز بينكم,احكي اللي بدك اياه بحرية هيك بيتعود عليكي اكتر وناغشي زوجك وانكشيه.
بالتوفيق ان شاء الله.


__________________________________________________ __________

اهلين اماني و شكرا لردك الرائع - اول مرة اشوفك هنا
فعلا اول 3 سنين بيضل في تعارف
للان اكتشف اشياء جديدة في زوجي
و كما قلتي كل واحد له طريقته بالتعبير عن حبه

اما يا عزيزتي الربيع الاصفر
فسوف اراسلك انا


__________________________________________________ __________

عليكي بالصبر والدعاء والاستغفار لانه يجلب الفرج

وان شاء الله البنات مابقصرو بالنصائح والتجارب .

الله يوفقك