عنوان الموضوع : متضااااايقه حيل ومدري وش اسوي
مقدم من طرف منتديات نساء الجزائر

متضااااايقه حيل ومدري وش اسوي



مرحبا ياحلوات انا عندي مشكله مضايقتني حيل وهي من اول زواجي بس انا الحين لي سنتين متزوجه وانا الحين عند اهلي وزوجي يدرس برا طبعا غاب عني 3شهور ورجع جلس معي 3اسابيع ورجع والحين كمان له3شهور غايب وراح يجي ان شاءالله بعد شهر تقريبا المشكله انه مايصرف علي ابدا والله يابنات انه عقدني وكل مااجيبله سيرت الفلوس يغير الموضوع او يسكت او يدور اي حجه بس عشان مايعطيني يعني والله عيب اكل واشرب من اهلي وهو مايسال والمشكله انا كنت طالبه وانتم تعرفون ان الجامعه يبغالها مصاريف لكن اهلي مايقصرون حتى المكافاه لما جاء اخذها مني غصبا عني والحين انا تركت الدراسه ومكافأت مافيه والمشكله انه جاي وانا محتاجه اغراض وملابس وانا احب البس واكشخ كنت عند اهلي مبسوطه من ناحية الماده بس يوم تزوجت تغير الوضع انتم اكيد راح تقولون مامعاه ادري بس انا قلتله اذا ما معك ابيع شي من ذهبي واصرف على روحي واشتري الي ناقصني بس هو رفض بشده يعني لاهو راضي يعطيني ولا هو راضي اتصرف من كيفي انا الحين ما ابغى اضغط عليه بسبب الفلوس ولا ابغى ازعله بس حتى هو مايقدرني وخصوصا اني حامل يعني مايقول زوجتي وش محتاجه ولا وش ناقصها مايحس ابدا والشي هذا مكرهني فيه لان ماعنده احساس بالمسؤليه والله تعبت وانا الحين مامعي ولا ريال وملابسي كلها ضاقت ونفسي اتسوق واطلع قدامه حلوه وخصوصا انه من زمان ماشافني بس احسه بخيل حيل ياربي حتى لو ماكان معاه فلوس المفروض يدبر باي طريقه وعلى فكره هو ابوه غني كثير ماشاءالله يعني بامكانه يطلب من ابوه بس هو مدري شفيه والله محتاره احيانا اقول ابغى اطنشه وابيع من ذهبي بدون مايدري بس اخاف يسبب لي مشكله كبيره وانا مو ناقصه هموم وانا والله ماقصرت معاه بشي حتى دراستي تركتها عشان اروح معاه للغربه شورو علي وانصحوني

>>>>> ردود الأعضـــــــــــــــــــاء على الموضوع <<<<<
==================================


بصراحه الله يعينك زوجك هذا شكله بخيل لاتقولي لي مامعاه وماادري ايش والله الرجال لما يشتهون يطلعون الريال بس ذا باين عليه انه بخيل وعلى اي اساس ياخذ مكافئتك المفروض انك ماتعوديه على كذا بدال مايقول لك خذيها شوفي طلباتك واصرفي على نفسك فيها يجي بكل وقاحه ياخذها والله لو اني منك مااحمل ذحين واورط نفسي معاه بكره تبتلشين بنفسك وباللي ببطنك بعد
هو يقول لك لاتتصرفين بذهبك عشان هو بعدين ياخذهمنك بالقوه ويبيعه مثل المكافاه 00 وقفيه عند حده وخذي موقف لاتستسلمين له اذا شافك جاااااااده بيعمل لك حساب اما اذا ضليتي كذا كل ماضغط عليك وافقتي عمره ماراح يتغير 00 قوليله بكل صرااحه انت متزوجني ومسؤؤل عني وانا انسانه حامل وعندي طلبات مو بس زوجه بالاسم على الاقل لو ميتين اذا كااان مرررررره مطفرررررر ومامعه لااااااااااااااااازم تاخذي موقف ازعلي لاتكلميه اهم شي تاخذي موقف حتى اذا جا ليش تتكشخي وتتلبسي له قابليه ببجامتك ولو سالك قولي ملابسي ضاقت علي وماعندي فلوس اشتري وضحي له انه مسؤؤل عنك بس بدون صراخ وزعل لا خذي موقف بكل هدوووووء بس خليك صااارمه وعند كلمتك واتفقي معه لااازم يخصص لك مصروف هذا بالله كيف بيفتح بيت ويكون عيله مااعتقد انه راح يقدر
الله يعينك ياقلبي


__________________________________________________ __________

اختي العزيزة
اذا كان زوجك حاله متوسط يعني مايقدر يوفرلك الي تريديه
لازم تصبرين معه ولا تطالبيه بشي
لانه في فتره دراسة ويكون محتاج للفلوس
وتقولين ماياخذ من ابوه
يمكن تكون عزة نفسه ماتسمحله يمد ايده ولو لابوه

واذا كان ميسور الحال ومايرضى يعطيكي
يعني بخيل فانتي حاولي تاخذين منه مصرووف شهري يكون الج وحدج
والله مدري وش هالحاله من البخل الي فيها الناس


__________________________________________________ __________

يعطيكم العافيه كلامكم صح بس هو من اول زواجي كذا يعني حتى وانا عروس مادلعني ولبى طلباتي والله مشكله الله يعيني بس


__________________________________________________ __________

الله يكون بعونك
انا لما اتزوجت كان زوجي طالب بالجامعه وكنت ما اطلب منه فلوس ( استحي ) وبعدين تعود على كذا ولولا نصيحة صديقتي كان ما تجرأت وطلبت ,,,,,,,, وانتي كمان لازم ماتسكتي على حقك هذا واجبه لا وكمان حامل يعني مسؤول عنكم انتو الاثنين......... دعواتي لكـ


__________________________________________________ __________

المفروض يتفهم للمسؤليه وانتي بعد داريه لأنه باقي طالب ..

بس على الأقل لو يوصل لك شعور لو بسيط انه مقصر لو معنويا ..

بيعي اي شي من ذهبك لو شي بسيط لو طقم صغير ودبري امورك ..

بس لا تتعودين تبيعين منه الأ للضروره ..

اهم شي بعد مايرجع ويجلس فتره وصلي له معناتك خصوصا انك حامل واحتياجاتك تختلف عن اول ..

ربي يوفقك ..