عنوان الموضوع : روايه أسرار البنات
مقدم من طرف منتديات نساء الجزائر

روايه أسرار البنات






أســـــــرار البنـــــات

1. أم سلمان عمرها 50 سنه عندها ولد اسمه سلمان عمرها 24 يدرس في الجامعه آخر سنه ويشتغل في شركة خاله { طويل وأبيض على أمه وشعرها ناعم } ناديه عمرها 19تدرس آخر سنه في السكول لانها أرسبت في الاعدادي " المتوسطه " { لونها حنطي وطويله وتحب اتضحك وشعرها ناعم طويل لي آخر ظهرها }
أبوهم متوفي يوم كانوا صغار

2. أم سعود عمرها 45 .. عندها سعود عمره 22 يشتغل في شركة خاله وابوه متوفي وسبب له عقده نفسيه { مب طويل ولاقصير ابيض وعيونه عسليه } لولوه 18 مب مكمله مدرستها ماتحب تدرس ولاتقعد من الصبح ,عطيها نت وتلفزيون { دبدوبه وبيضه وشعرها كيرلي وعيونها عسليه }

3. أم نواف عمرها 40 عندها نواف عمرها 27 سنه متزوج وعنده محمد وفرح واسم زوجته منيره عمرها 25 طيبه ولكنها مب سنعه .. الهنوف عمرها 18تدرس اخر سنه{ وايد حلوه وطيبه وشعرها ناعم ولونه بني فاتح ودبدوبه شوي وايد حنونه } العنود عمرها 14 وشعرها بني فاتح لي آخر ظهرها وتحب ترقص وتضحك وابوهم هامل عياله ومرته ورايح يشتغل برع

4. ام مروه وعمرها 38 عندها بنت اسمها مروه وعمرها 15 لونها برونزي وشعرها اسود وطويل وتحب تكشخ وتعدل وابوها يحبها ومايرفض لها طلب وماتحب تسمع شي من امها

5. أم خليفه عمرها 46 واهي اتصير مرت اخوهم عندها خليفه عمرها 23 يدرس في الجامعه ويشتغل ساعات في شركة عمه { طويل واسمر وعيونه عسليه وشعره ناعم والبنات يدوخون عليه } دلال عمرها 17 { مب طويله ولا بقصيره وغرامها تقصص الشعر وتهتم في روحها وطيبه وعلى نياتها وساعات اتفهي ..

6. عيسى أخوهم الكبير 58 والشركه اللي يشتغلون فيها عيال اخته وولد اخوه شركته واهو مب متزوج وربعه محد يعرفهم من اهله وغامض ومايحب يسولف عن شغله


{أم سلمان وام نواف وام سعود وام خليفه وام مروى كلهم ساكنين في بيت واحد من يوم كانوا صغار وام خليفه تصير مرت اخوهم واهي تصير بنت خالهم }
{ لولوه والهنوف وناديه كلهم كبر بعض ودلال اصغر منهم بسنه واهم مثل الخوات .. والعنود ومروى خوات }

>>>>> ردود الأعضـــــــــــــــــــاء على الموضوع <<<<<
==================================


البارت الاول ..
الساعه 1.30 عند باب المدرسه , دلال : أووووووف وينه ذي ليش تأخر
الهنوف : يعني مايعرف ان الشمس حرقتنا
دلال : يبي له ناخذ واحدغيره
ناديه : صلوا على النبي احين بيي
الهنوف : ندووي باجر علينا امتحان كيم
ناديه : وععع الله يعنيج صج اكره هالماده ، دلال ... دلووووول .. دلال وصمخ
دلال : سكتواااا خربتوا علي الجو
الهنوف : نزلي عينج وستحي على ويهج

ركبوا السياره ,دلال : راجو ليش فيه تأخير
راجو : هازا ماما واجد فيه زهمه طريق
الهنوف : بس اسكت اسكت وطالع جدام
دلال : واااي اخيرا وصلنا البيت احين يبيله ماي وصابون وعقبها أرقد
الهنوف : تسبوحة العافيه مقدما
ركبت دلال الدري وجافتها ام سلمان قالت : دلووول وويعه خذت ابليس ’ اشله تدخلين وماتسلمين علينا
دلال : ماجفتكم
الهنوف وناديه : السلام عليكم ,, الكل : وعليكم السلام
أم مروى : يلا بنات قوموا نزلوا الغدا جاهز
نزلوا كل البنات وعلى الطاوله يتغدون الا لولوه : وين دلول ,وتنغزها الهنوف : دلول راقده .. الا خليفه يقول مره ثانيه : وين وين دلال ؟؟؟؟؟ وردت الهنوف بسرعه : تعبانه ورقدت ,خليفه قال في قلبه يا حلو هالصوت وتم يطالعها وسرح في ويها ’الهنوف انحرجت ونزلت راسها
{ خليفه يحب الهنوف وينطر الفرصه اللي يقولها ويصارحها باللي في قلبها }

......... : دلال
دلال : عيونها
خالد : فديت عيونها
دلال : هلا حبيبي آمر
خالد : مايامر عليج عدو حبيبتي .. تتذكرين اشلون تعرفت عليج اول مره
دلال : ههههههههه اي وهاليوم ينسي ؟
خالد : فديت هالضحكه والله يا دلول اليوم يوم جفتج وجفت ويهج البريئ تذكرت اللي صار قبل سنه يوم ألاحقج وانتي مب ماعطتني ويه تعبتيني شهر لو ماخليت اختي تكلمج وتقنعج جان للحين الاحقج هههههههههه يا عمري عليج والله
دلال : لتقول جي استحي
خالد : فديتهم , دلووعتي روحي تغدي
دلال : لا مابي حياتي كفايه سمعت صوتك
خالد : قومي يلا عشاني
دلال : باتغدى عقب ماقعد من النوم
خالد : ان شاءالله

وبعد ماتغدوا ناديه راحت اطالع تلفزيون والهنوف في الصاله اتذاكر ومن زود التعب نامت على الكرسي ، خليفه راح الصاله الأولى وحصل النسوان كلهم يسولفون ومر عليهم وتم يسولف مع نواف وسعود وسلمان عن الدوام ، خليفه : السموحه اخليكم الحين بروح ألبس الربع ينطروني برع .. طلع ومر على الصاله الثانيه عشان يركب الدري {الدرج} واهو يمشي جاف وحده نايمه خذ تايكه الكرسي وحذفها على الهنوف على باله اخته ويضحك ألا قامت الهنوف عين مفتوحه وعين مسكره وكشتها ولبسها شوي رايح فوق ، تفشلت من روحها وغطت ويها بيدها ، .. الهنوف آسف على بالي دلال ماحطيت بالي .. واهي من الاحراج دوريها ماتحصلينها ومشى عنها وقال في قلبه :: ياويل حاااالي ..


__________________________________________________ __________

الساعه 6.30 .. ميري : يلا قوم مدرسه دلوووه يلا قوم انت واجد في نوم ، دلال : إنزييييييييين روحي البنات .. قاموا البنات ونزلوا يتفطرون تحت ..
الهنوف : الله يستر من الاختبار
خليفه : أفتكوا اليوم يوم الخميس
ناديه : واخيرا بنرتاح
وخلصوا من الفطور وراحوا حق راجو يوصلهم .. سعود : يمه غريبه لولوه مانزلت
أم سعود : الله لا يبلانا سهرانه على النت
سعود سكت وتم يفكر شوي وقال لهم : عن أذنكم
وصل عند غرفتها وطق الباب ودخل الغرفه واهي طبعا ماحست لان حاطه سماعات وتسمع اغاني ومطوله عليه ألا جرب منها ولاحظ صفحة الشات واهي تضحك وتسولف مع الشباب ، واهو ثار من الغضب وماعرف شلون يتصرف وصرخ بصرخه وقف لولوه من الخوف ،وحطت يدها على فمها : سعووود ؟؟؟؟؟؟ .. وعطاها ذاك الكف اللي وصلها لي الارض ويطقها واهي تصرخ : تكفى سعووود خلاص ماعيدها والله تكفىىىى ومن صراخهم تجمعوا الاهل عندهم .. أم سعود : يايمه يا سعود صل على النبي ،ولولوه اغمى عليها من الطق .. وعقب ماصحت لولوه لمتها امها وتموا خالاتها ينصحونها عن الشات والبلاوي اللي فيه .. وام سعود : اول مايرجع من الدوام تروحين تبوسين راسه وتعتذرين منه .. لولوه : ان شاءالله ..

................ : وين الاغراض إللي شريتهم أمس ؟
منيره : مادري والله دورهم بروحك
نواف : أنتي متى بتعدلين من طبعج
منيره : شقصدك ؟
نواف : هاملتني وهامله أغراضي وليت مشغوله في شي سنع وحمودي كله عند أمي وماتدرين عنه وفرح كله عند المربيه ،فالحه تعقرين على خلق الله عند ربعج
منيره : ههههههههه أششش أسكت بعد المسلسل نتفاهم
نواف ماسك اعصابه : لاتلوميني إذا سويت شي وطلع وسكر الباب ورا
منيره أبتسمت وقالت في قلبها مادري شبيسوي ..

أتمنى يعجبكم البارت


__________________________________________________ __________

البارت الرابع ..

ناديه : أهم شي أستانسنا وغيرنا جو ، يوم الاحد بنبدي أمتحانات نهائي
لولوه : وتخرجون ان شاءالله وتدرسون جامعه
البنات : مب أكيد ،،،،
خليفه : السلام عليكم
البنات : وعليكم السلام
خليفه : يلا مشينا
دلال : لحظه تعال شوي ، (تغيرت ملامح الهنوف ) هنو نست بطاقتها وتبيك تدفع وبترجعهم لك
خليفه : تطلب من الدينا لي 1000 ( 10 ريال لي 10000 ريال )
دلال : ماتقصر فديتك - دفع خليفه الحساب

في السياره ،،

الهنوف : مشكور خليفه نقذتي من هالموقف
خليفه : حاضرين
الهنوف : في البيت أرجعهم لك
خليفه توا بيتكلم ألا ( راديو بحرين fm ) حطوا اغنيه ( يوسف العماني : والله احبك ويشهد الله علي )
وكان الهدوء سيد الموقف وخليفه مانزل عينه من المنظره ذووب الهنوف من نظراته ..

بعد أسبوعين مزحومين بالامتحانات والضغط على البنات .. ومحد يشوف الثاني وطلعت النتايج وكلهم ناجحين .. وبمناسبة النجاح سوا لهم حفله بسيطه ..

الهنوف " فستان فيروزي وذهبي بدون أكمام وطويل واكسسوارات ذهبيه وحاطه كحل فيروزي وروج وردي ناعم "
ناديه " فستان وردي وسلفر اليد صايره فيها حركه وحاطه ميك آب ناعم "
دلال " فستان فوشي وبرتقالي حركته غجريه وشعرها ويفي وحاطه ورده بشعرها فوشيه "
لولوه " فستان كحلي وأسود وصابغه شعرها أسود ومغيرها "
العنود " فستان بنفسجي ومسويه شعرها سيده وماشالله صايره حلوه "
مروى " فستان ابيض وفيه ورود درجات الوردي "
منيره زوجة نواف " فستان رصاصي وسماوي "

أم سعود : ماشالله عليكم الله يحفظكم من العين
أم سلمان : إن شاءالله نشوفكم أحلى عرايس
أم نواف : دامكم كلكم متجمعين حبيت أقول لكم أم راشد خطبت الهنوف حق ولدها راشد .. شرايكم ..

وبنفس الوقت تذكرت الهنوف نظرات سلمان


__________________________________________________ __________

يتبــــــــــــع

أم خليفه قالت في قلبها : ياحسرة قلبي عليك يا ولدي
ميري : بنات حطي شيله بابا سلمان وبابا هليفه وبابا نواف وبابا سئود في يدخل

قاموا البنات يلبسون العبايه والشيله ..
دلال ( من أيام الامتحانات لي يوم الحفله ماكلمت خالد الا 3 مرات لان كانت وااااايد مشغوله )
دلال بالقافه : خليفه هنو انخطبت اليوم
خليفه اخفى مشاعره بابتسامه
وقال حق مالت الدي جي تحط اغنيه ( راشد الماجد – هلي لا تحرموني منه )
الهنوف : ناديه ، انا شاكه ان خليفه يحبني
ناديه بغباء : شلون حسيتي
الهنوف : مادري نظراته على الاغنيه اللي طلبها يوم عرف اني بانخطب
ناديه : يابختج عندج معجبين
الهنوف : هههههههههه

راحت دلال تعدل الميك آب وأرفعت تلفونها واتصلت على خوخه :: يرن ومايرد وتتصل مره ثانيه يرن ومايرد وتتصل مره ثالثه وشافته ويتنغ  .. قلبها نغزها ونزلت تكمل الحفله بس اغلب الوقت سرحانه

دقت الساعه 12 .. ودايركت صارت اغنيه نجحنا والله وفقنا وبعدها الناجح يرفع أيدو والشباب (خليفه وسلمان وسعود ونواف ) مسوين كيكه من ليلو هديه للبنات 5 طبقات وكلها شوكولا وفوق بنت لابسه ثوب التخرج )

الهنوف ودلال : واااااااااااوووو
لولوه : ماشالله
ناديه : مشكورين
العنود ومروى : الفال لنا ان شاءالله

وسهروا كلهم والشباب راحوا ينامون عشان البنات ياخذون راحتهم وارقصوا وستانسوا لي الساعه 3 ومن التعب كلهم راحوا ينامون الا دلال ..

دلال تتصل الا تشوف مشغول وتتصل على اخته

دلال : آلو .. هلا مشاعل
مشاعل : هـ ـلا
دلال : سوري قعدتج من النوم
مشاعل : (احمم تعدل صوتها ) لا عادي .. آمري
دلال : مايامر عليج ظالم .. اتصل في خالد من مساعه لي ألحين ويتنغ ؟؟!! وقلبي ناغزني ومب قادره انام وقامت تصيح
مشاعل أسكتت : ماعرف شاقولج دلال وانا ماقدر افاتحج بالموضوع لي هديتي كلميني
دلال : لا لحظه خلج على الخط باغسل وجهي وبارجع

عقب دقيقتين

دلال : مشاعل كملي
مشاعل : دلال مابيج تزعلين مني ولا من خالد .. بس اخوي كلم وحده غيرج
دلال : متى وشلون وليش .. نسى من هي دلال ؟
من إللي خانت ثقة اهلها عشانه ، ليش يسوي فيني جذي ليييييييييش
مشاعل : دلال ماحبيت اقولج وانتي تعرفين معزتج عندي وحبيت اقولج عشان اخوي مايجذب عليج
دلال : اكلمج بعدين مشاعل
مشاعل : لتزعلين مني
دلال : لا مابزعل وانتي اختي ومشكوره قليل الناس اللي مثلج

دلال : صاحت وتذكرت الايام الحلوه وايام الزعل وايام الهواش وتاخذ تلفونها وتشغل اغنيه
أيام حلوه كانت أيام حبك

كنت في روحي تسري

كنت بجنون أحبك

قــــــاســـــــي القلب لكن كان قلبي بقلبك

وين موعد جمعنا وين ذاك المكان

وضحكنا اللي ضحكنا والوله والحنان

تقلب الكون كله لو تاخرت خطوة

ضعت مني بثواني والله دنيا

مـــــا تســـــــــــــــــوى)

وتتذكر يوم كانت في المدرسه في يوم الحب في هدة (تركيه) المدرسه توها بتركب سيارة السواق الا يمر خالد وياخذ منها الحلاوه المصاص اللي كانت تاكلها وكانت مستحيه منه وعقب يوم رجعت البيت هواشته قالت له احبها الحلاوه وثاني يوم عطى راجو واايد حلاوه وقاله عطى ماما دلال .. ومره كانت تبي تعصب فيه راحت المدرسه من غير شيله وطالعها بنظرات وماكلمها 3 ايام بس كانت من اصعب اللحظات لانها ماتدري عن اخباره ..وتتذكر ان كان غير عن كل الريايل كان مايحن عليها عشان تطلع معاه ولا مره مسك يدها ولامره قعدت معاه في مكان بروحهم ليش يسوي فيني جذي ؟ انا بس قصرت في حقه ايام الامتحانات واهو يعرف ظروفي ..الله يسامحك يا خالد وتدز له مسج :: حسافه عشرتي هانت وضيعت التعب كله


__________________________________________________ __________

البارت الخامس

مشاعل تطق باب غرفة خالد :
خالد : تفضل
مشاعل : نايم .. بس كنت بقولك عن دلال
خالد قام وفرك عيونها وبنبرة خوف : اشفيهااا
مشاعل : قلت لها انك تخونها ومسكينه تعبت من الصياح
خالد : انتي شتقولين .. ليش تدخلين بيني وبينها
مشاعل : ماقدرت اخش عنها شي وطلعت وسكرت الباب وراها
خالد مسك الفون يبي يدق عليها الا يقرى المسج وأنكسر خاطره

دلال تعبااااانه والنوم طار من عينها وتسمع اغنيه

اذا ناوي تروح ابفهم وين اروح
تخليني اعيش بعدك بألم و جروح
و اذا عني مشيت و اذا غيري لقيت
منو غيرك انا بلقى يا روح الروح
يعني ترضاها علي تترك ايدينك ايدي
تنسى من عايش عشانك ان كان ميت او حي
و اذا نويت تعشق تحب ثاني امانة لا تنساني
اني احبك موت .. طمني عليك إذا
حسيت بـ اي اذى بتلقاني مع قلبك اذا بكى
منو يحس فيني انا اذا ذقت العنا
منو يداري قلبي في يوم اذا شكى
يعني ما بشوفك بعد ولا اسمع صوتك ابد
و اذا ضاقت علي دنياي مالي غيرك اي احد
و اذا نويت تعشق تحب ثاني امانة لا تنساني
اني احبك موت .. تذكر هالمكان
انا وانت بزمان تذكر يوم تسقيني حب و حنان
اذا ناوي الغياب أبرضى بالعذاب
ابرضى و انا في قلبي ألم و احزان
خلاص روح الله معاك و بخليك انا بهواك
واذا خايف انا انساك انسى روحي ما انساك
اذا نويت تعشق تحب ثاني امانة لا تنساني
اني احبك موت

والا يرن تلفونها أغنيه ماجد المهندس (

خلاص ببعد عنك خلاص ابرحل
خلاص ماجاءالقلب منك يكفيه
حب من طرف واحد لابد يذبل
وشلون وردي يعيش من دون ساقيه
يالي وصالك مر هجرانك أجمل
ان قلت احبك قلت ها الحب ماأبيه
القلب قال الي من اول تحول
منت هذاك الي انا كنت أغليه
لا تظن انا في يوم منك ابزعل
لاصرت قلبي خاينه وأنت غاليه
الحين ابرحل عنك وبعد ولاأسأل
قلبي تعب من قلب مات الغلا فيه ( خارج البارت .. بنات اكتب لكم وقلبي معورني الاغاني الحزينه تأثر فيني ,وايد )

وطبعا رن التلفون وكان مكتوب خالد وماشالته واتصل مره ثانيه وعطته مشغول ودز لها مسج ( تكفين دلال ردي على الفون خلينا انتفاهم ) ويتصل مره ثانيه وماتشيله ويدز مسج ( دلال بس ردي علي وانا افهمج ) واتصل
دلال بصوت مبحوح وتعبانه : نعـم
خالد بتوتر : دلال سامحيني
دلال : خير انت داق اتفاهم على شنو ؟ لانك خنتني وجذبت علي لانك قلت دلال مسكينه قلبها طيب وبترجع لي دلال اللي تموت فيني بتغفر لي
خالد : الشيطان قص علي
دلال : خالد خلااااص مابي اسمع ، لتبرر لي موقفك لان للحين ماعرفت من هي دلال ، صج انك جرحتني بس اللي يطيح من عيني مستحيييييييييل يرجع .. الله يوفقك معاها
خالد : دلال سمعيـ....
دلال : مع السلامه ..

دلال دخلت في دوامه من الصيياح والنووح وكانت لولوه طالعه من غرفتها تشرب ماي وسمعت دلال ودخلت غرفتها الا دلال تضم لولوه وتصيييح

لولوه : بسم الله عليج دلول اشفيج
دلال : خالد يا لولوه
لولوه : خالد اشفيه
دلال : خااانييييي
لولوه : روحي غسلي ويهج وذكري الله وهذي الله يحبج لان كشفه على حقيقته قبل لا يصير أي شي وادري ان اول حب وصعب تنسينه بس حاولي واللي يبيعج بيعيه
دلال : ـــــــــــــــــــــــ
لولوه : يلا حبيبتي امشي الحمام اغسل ويهج ( عزكم الله )

بنفس الوقت ..

العنود شابكه على الماسنجر وتكلم بنت عمتها ( الامارتيه )
حمده : شحالج العنود
العنود : بخير وانتي
حمده : دوووم .. انا بخير
حمده : العنود ترى عرس اخوي بعد اسبوع وابي اشوفج وله ترى بزعل
العنود : انتي ماقلتي عقب شهر
حمده : أي .. بس لان اخوي بيسافر وقال بيجدم عرسه
العنود : ان شاءالله بحاول
حمده : أي حاولي ويلا انا بقوم انام وايد سهرت اليوم .. تصبحين على خير
العنود : نوم العوافي وانتي من اهله

العنود تشوف اللسته اللي في المسن وتشوف مروى شابكه جان تنط العنود وتروح غرفة مروى وتشوفها حدها بيزي على القيمزر ومندمجه وترد على اسئلة العنود بجاوب بسيط
العنود : مروىىىىىى قهرتيني ردي علي كل ماقولج شي ( أي ، لا ، مادري ) وويعه تاخذ العدو
مروى : ـــــــــــــــ
العنود : وانا اللي قلت بتسلى معاج ، وفتحت كافي موجود على الطاوله وكلته
العنود : مروا بصراحه انا شاكه فيج انج تحبين ، ضعفتي وايد وكله سرحانه في الحفله وكل ساعه تنطين تفتحين الايميل
مروى : بعدين اقولج
العنود : الله يستر ، يلا باي .. القعده معاج تيب الهم