عنوان الموضوع : قصة حلا.قصه مؤثره وواقعيه تستحق القرأءه. -قصة قصيرة
مقدم من طرف منتديات نساء الجزائر

قصة حلا.قصه مؤثره وواقعيه تستحق القرأءه.






.بسم الله الرحمن الرحيم.
ملاحظه ..
بعد مرور مايقارب الثلاث سنوات على هاذا الحدث
قررت اني اضع بين صفحات المنتدى قصه حدثت لي
وارجو من خلفها الأجر لا اكثر ..
واسمح بنقلها لاي مكان وعسئ الله ان ينفع بما طرحته اليووم لكم خالص لوجه الله سبحانه وتعالئ ..
الجزء الاول..
..الراصد..
قد تستغربون من هاذا العنوان الغريب ..
لأن هذه الكلمه توحي بشي من الخوف والقلق لاكن بالنسبة لي الراصد هو بداية قصتي لنجاه وحياه اخرئ لي تعرفونها مع سردي للاحداث المقبله..
ماهو الراصد ؟ ومن المرصود؟ وما المقصود فيهما؟وما الذي غير مجرئ حياتي؟
اسمعي اخيه هاذه القصه !!
فى يوم من الايام وكان هاذا اليوم الاحد استيقضت كالعاده زوجه مدلله كسوله لا اهتم بشئ الا بما يجلب
لي الراحه والاسترخاء والسعاده طوال اليوووم ..
للأسف فى ذالك اليوم قصرت فى واجباتي الدينيه وخرجت
فيه لتنزهه بصحبة ابنتي وزوجي وكانت نزهه رائعه. وعدنا الى البيت ليلا. ذهب زوجي ليخلد فى سبات عميق
واخذت انا طفلتي وجلست معها حتى نامت..
رحت الغرفه الثانيه واخذت الريموت كنترول اقلب فيه هاذه القنوات
ابحث عن المسلسلات والبرامج والشيطان يقول لي نقلي فؤادك حيث شئتي .
وبينما انا اعبث واقلب فى القنوات استقرت يدي بالصدفه على قناة ال....
وكان فيه شئ جذبني على طوول اني اشووفه ..خلاص وقفت التقليب وركزت نظري عليه ونسجمت معه .!
ياترئ ماذا وقعت عليه يدي ؟ومالذي كان يعرض فى هاذه القناه ؟
يتبع فى الجزء القادم

>>>>> ردود الأعضـــــــــــــــــــاء على الموضوع <<<<<
==================================


الجزء الثاني.
كانت القناه هي قناة المجد والبرنامج اسمه الراصد والحلقه اسمها الفريضه المنسيه وهي صلاة الفجر .
كانت حلقه مؤثره للغايه اثرت فيني كثير بل والله انها ابكتني بكاء ندم وحسره وحسيت اني ولا شي فى الدنيا تمنيت اني ماجيت على وجه الارض
آآآآآآآآآه يا كثر تقصيري فى حقك ياربي .
انتهت الحلقه .المفروض اروح اصلي ركعتين واستغفرواقراء القرآن لان صلاة
الفجر لم يبقئ عليها الا ساعات قليله.
رحت لغرفتي وانا ابكي وافكر فى حالي حطيت راسي على مخدتي .
مر شريط حياتي يعصف امام عيني .
لا صلاه لا قرآن لاذكر مقصره فيها كثير استغفرت ووعد الله ان افتح من الآن صفحه جديده .صفحه بيضاء مليئه بالطاعه والعباده خلاص قررت اغير حياتي .
قررت من اليوم اصلي الفجر فى وقتها وكل الفروض ونويت ان اصوم غدا الاثنين اصومه فى سبيل الله .
ولكن هيهات نمت عن صلاة الفجر ايضا وراح علي وقتها .ولم استيقظ الا على صوت رنين الهاتف.
نظرت لساعه وجدتها10صباحا.فكرت على طول فى صلاة الفجر وحسره كنت احس فيها ذاك الوقت عشان ماصليتهاعلى وقتها.
رحت بسرعه لتلفون رفعت السماعه كان المتصل زوجي.
آآلووو,,
انا.هلا .
هو.السلام عليكم.
انا.وعليكم السلام .
هو.انا بتآخر ماني جآي !وكان صوته مختلف ومتغير وحزين مثل صوت اللي يبكي .
قلبي تسارع دقاته وخفت وحسيت ان فيه شي وشي مو بسيط.
انا.ليش؟ وش فيه ؟فيه شي ؟قووووووول .
هو.بكئ على طول وقال ..ر..تووووووفت .
انا.انصدمت !!كيف ؟ومتى؟وش السبب؟
ماقلت انا لله وانا اليه راجعون .ولاقلت لاحول ولاقوة الا بالله.
قال والله مدري مثلك اناماني عارف الحين رايح المستشفئ .
واعرف كل شي هناك.
وانتي خليك جاهزه اول ماطلع من المستشفئ اجي واخذكم ونروح لبيتهم .
قلت خلاص انا انتظرك.
ر.اللي توفت بنت اخت زوجي وعمرها ثلاث سنوات.
بكيت ورحت على طول وضيت وصليت الفجر اللي راح وقتها .
ورجعت اسوي اتصالاتي مع اللي اعرفهم اسألهم عن السبب .طلع كلهم مايدرون اصلا انها توووفت .وانصدمووا مثلي لان ماكانت مريضه او فيها شي ؟وكان اول سؤال يسئلونه وش السبب؟ متناسين انا وهم ان الموت مايعرف صغير اوكبير.
صليت الضهر وجلست انتظر متى يجي او يتصل .
سمعت صوت قفل الباب انفتح عرفت انه وصل .اخذنا ورحنا لبيتهم وصلنا شفت اختي وزوجها هناك عند بابهم طالعين من بيت اخت زوجي اللي هي ام البنت اللي توفت .جت اختى عند باب السياره وقالت عطيني بنتك اخذها معي وانتي خليك معاهم .قلت خلا ص .واخذتها وراحت.
جيت ابنزل من السياره عشان ادخل البيت شفت اخت زوجي ام البنت طالعه وجايه عند سيارتنا .انا استغربت المفروض انا اللي ادخل البيت .وهي ليش طالعه ؟
قلت لزوجي ليش ماانزل واختك جايه وين بنروح؟
قال.معد فيه وقت بنروح مغسلة الاموات ؟يغسلونها عشان بنصلي عليها صلاة العصر ويدفنونها .
قلت طيب انا مابغئ اروح معهم ماحب ذاك المكان اخاف يصيرلي شي .
قال ماعليه روحي عشان تدخلين معها هي لوحدها وقفي معها وصبريها .ومولازم تدخلين غرفة التغسيل انتظري معها فى صالة الانتظار .وافقت بشرط اني ما ادخل غرفة التغسيل
بس انتظر فى الصاله لين ينتهوون .
رحنا مغسلة الاموات وقلبي يدق بسرعه وخايفه .
وكل مانقرب اكثر وشفت اللوحه مكتوب عليها.مغسلة الاموات .احس بيغمئ علي من الخوف.
نزلنا من السياره وطقينا باب المغسله.فتحت لنا الباب امراءه يوحي شكلها انها فى العقد الثالث من عمرها.عليها علامات الالتزام والتدين.
قالت انتم اهل الطفله اللي داخل عندنا.قلنا لها ايوه .
قالت ادخلووا.
فى ذي اللحظه مااقدر اوصف لكم شكل ام البنت بكاء وانهيار ودمووووووووع ماتوقف وحزن وانا احاول اني ماابكي مثلها عشان اصبرها واذكرها بأجرالصابرين وانها بتكون شفيعه لها يوم القيامه بأذن الله.
والمغسله اللي تغسل نفس الشي تصبرها لين ماهدت وارتاحت شوي.
دخلت المغسله داخل وغابت عنا شوي ورجعت .قالت انا ماعندي احد يساعدني فى التغسيل لازم وحده منكم تجئ وتساعدني فى تغسيلها .ام البنت انهارت مره ثانيه وقالت انا ماقدر اشوف ذا المنظر بنتي ميته قدامي وجلست تبكي .
قالت المغسله انتي تعالي ساعديني.
قلت انا لالا دخيلك ماقدر صراحه واخاف وماني متعوده اشوف ذا المنظر وماعرف اصلا طريقة التغسيل.كنت احسب انها بتقول خلاص وتتركني وتشوف شغلها بس جلست تقنعني
وتقول اصبري كلنا على ذا الطريق وربي بيكتب لك اجر تغسيلها وقالت لي كلام شجعني حسيت اني اقوئ انسانه على وجه الارض ووافقت اني اساعدها فى تغسيل الجنازه..
قالت خلاص فكي عباتك وعطتني لبس مثل لبس الدكاتره وقفاز وقالت تعالي وراي .سبقتني هي للغرفه
وانا جلست شوي رجع لي الخوف مره ثانيه وتمنيت اني ما وافقت اني اساعدها فى التغسيل .
طلعت لي قالت تعالي بسرعه مافيه وقت .رحت الغرفه ودخلت اول شي راسي من عند الباب اقلب نظري فى الغرفه . الغرفه بارده كثير وانا اقلب نظري فيها وقعت عيوني على منظر لم اتوقع فى يوم اني اشوفه بل والله اني اسمع عنه ولكن يمر مثل اي شي ليس له معنئ فى الحياه.
تدرون وشو ذا المنظر ؟؟هوالجنااااااااااازه قدامك .وما بينك وبينها الا مسافه بسيطه.
الجنازه حطوها على مكان مرتفع يشبه السرير ومغطئ بشرشف ابيض من فوق لتحت .قالت لي المغسله تعالي قربي وكانت مجهزه كل الادوات والاشياء اللي تستعملها فى التغسيل .واخذت المقص وقصت الشرشف لانه كان رابطينه فى المستشفئ وفتحت عن الجثه .
آآآآآآآآه من ذاك المنظر يوم ابعدت الغطاء عن وجه الجنازه طفله بريئه جثه هامده لاحراك فيها عيونها وكانها تنظر لشي فوق .
سمينا بالله والمغسله اغمت عيون الطفله وبدينا فى التغسيل والمغسله سبحان الله لا يفتر لسانها عن التسبيح والاستغفار والدعاء .
وحنا نغسلها احاول ما اركز نظري للجنازه اشغل نفسي بالتسبيح والاستغفار .
وقتها اسمع صوت فى داخلي يناديني يقولي ناظري ..ناظري الجنازه اللي قدامك تعبت نفسيتي من الصوت واحاول اني مااركز مع الصوت ولا فى النظر للجنازه .
زاد الصوت فى داخلي وهو يقول ناظري.ناظري
نظرت بتركيز للجنازه وشفت نفسي مكانها والمغسلات مجتمعين حولي يغسلوني .وقتها تمنيت الارض تنشق وتبلعني .كنت بطيح حسيت بدوخه انتبهت لي المغسله قالت فيه شي ؟قلت لابس تعبانه شوي .فيه مويه هنا اشربي وتعالي
قلت لها اني صايمه.
بديت اصرخ فى داخلي واحاسب نفسي وش اللي خلاني ابعد عن ربي ؟وليه ماازود نفسي من اليوم بزاد النجاه قبل القئ الله؟وان اعمل لذا الموقف ؟
تدرون وش اللي يلهيني ويلهي كثير مثلي ؟هي والله الغفله
والتعلق بادنيا ونسيان القبر والاخره.
تذكرت الايه.{ كلا إذا بلغت التراقي وقيل من راق }وظن انه الفراق)والتفت الساق بالساق)
هل بعد ذي الايه الميت يرجع؟لاوالله وقفت كثير عند الايه الكريمه وتذكرت قوله سبحانه وتعالى.الى ربك يومئذ المساق)
وكل ماكنا نغسل اتذكر قصيدة ليس الغريب غريب الشام واليمن ان الغريب غريب اللحد والكفن.
انتهت مرحلة التغسيل والتكفين .
نادت المغسله ام البنت عشان تشوف بنتهاوتودعهاالوادع الاخير .
مشهد الوداع الاخير ونهايه قصتي يتبع فى الجزء الاخير.


__________________________________________________ __________


النهايه.
دخلت امها تمشئ بخطوات ثقيله تناظر بنتها وهي مكفنه بس كان الغطاء مكشوف عن وجه البنت وقربت الام من بنتها حبتها على خدهاوبكت وتقولها ر نايمه صح يله قومي كلميني قومي حبيبتي انتي مو ميته يكذبون علي صح يلا قومي ابوديك الملاهي والسوق اخذ لك العاب اللي تحبينها واخوك ينتظرك تلعبين معه. ر ردي عليه ماما كلميني انا امك
بعدين صارت تبكي بقوه وانهارت وتقول آآآآآآآه كل اللي احبهم راحو امي وبنتي ما بقئ لي احد فى الدنيا اغلا الناس راحومني وتمسك بنتها وتضمها بقوه وتسلم عليهامن راسها لرجليها وهي تبكي .
عمري ما شفت احد يبكي كذا.مسكت دموعي عشان نهدييها بس كانت تبعدنا عنها وترجع تضم بنتها وتكلمها كأن بنتها مو ميته .
مهما حاولت اوصف لكم المنظر ماراح اوصله بالشكل اللي شفته انا.
ناظرت انا فى وجهه المغسله لقيتها تبكي من المنظر المؤثر. انا بكيت بكيت بكيت الين طلعت كل اللي فيني من الدموع والحزن اللي كتمتها من اول .حسيت اني ارتحت لما بكيت كذا من الضيقه اللي كانت فى صدري .
قالت المغسله خلاص لازم نطلع الحين من الغرفه عشان الرجال بيدخلون يأخذون الجنازه وبيصلون عليها ويدفنونها.
طلعنا من الغرفه .ام البنت طلعت من المغسله منهاره وتبكي.
انا رحت البس عباتي والمغسله واقفه معي وتشكرني وتقول جزاك الله خير انك ساعدتيني فى التغسيل والله يكتب لك اجرها. قلت آمين.
بعدين قلت لها انتي لوحدك هنا فى المغسله ؟
قالت.نعم لوحدي هنا بس احيان يجون متطوعات يساعدوني فى التغسيل واحيان اللي يجون مع الجنازه يساعدوني ..
كنت انا بقولها ابغئ اتطوع واجي هنا عشان اساعدكم فى التغسيل.بس حسيت شي بداخلي منعني يمكن نفسي الاماره بالسوء!!
لكن ولله الحمد انا الحين انسانه ثانيه توبت لله والله يفرح بتوبة العبد.صرت اعيش حياه ما احس بسعاد ه او لذه الا بالقرب من الله سبحانه وتعالئ .اروع اللحظات اعيشها مع رب العباد .
الله الراصد والمرصود هو عملي واعمالكم انتم وبيسألنا عنها يوم القيامه .
واوصيكم ونفسي المقصره با الصلاه الصلاه الصلاه هي والله السعاده الحقيقيه وتلاوة كتاب الله وتدبر آياته .
أسال الله ان يقبلني فى قوافل العائدات اليه ويثبتني على طاعته ومرضاته ويختم بالصالحات اعمالي انه على ذالك لقدير.
تمت بحمدالله.
دعواتكم لي .
اختكم حلا.


__________________________________________________ __________

يسلمك ربي يا حلا الكوووووووون
ومننحرم من جديدك
وتقبلي مروري

وانه أليه الرجعوووووون


__________________________________________________ __________

مجزيه خير غلاتي والله يصبر امها ويجعلها شفيعه لها

ويثبتك يارب على القول الثابت


__________________________________________________ __________

The Veronicas
مشكوره ياقلبي عل مرورك الكريم
منوره يالغلا.