عنوان الموضوع : عنايتي اليوميه ببشرتي -للعناية بالبشرة
مقدم من طرف منتديات نساء الجزائر

عنايتي اليوميه ببشرتي



بسم الله الرحمن الرحيم

حبوبات شلونكم .. اشتقت لكم و الله ..

المهم انا كتبت برنامجي اليومي للعنايه بالبشره قبل .. في موضوع عن التجارب الشخصيه للعضوات و كذا .. بس حبيت اخليه بموضوع مستقل علشان الفايده تعم اكثر .. و اذا واحده من الاخوات لها اي استفسار بشأن اي شي تسأل .. و اذا استعملوا واحد من هالمنتجات يحكولنا عن تجربتهم معاه و كذا ..

انا برنامج عنايتي بالبشره اليومي كالآتي ..

برجع من الجامعه بنظف البشره و اشيل المكياج عن طريق الاسكينول .. استعمل لوجهي اسكينول الخيار لأنه اخف على البشره من الانواع الثانيه ..
هذي صورته



هو الاول على اليمين .. مره حلو .. و الاول على الشمال هذا حق الليمون .. مره حلو للبشره بعد .. يجنن .. يفتح مررررره و ينظفها ..

بعدها اغسله بصابونة العسل من Pears .. مررره حلوه و تروق الوجه و تنفع مع كل انواع البشره .. اصلاً دلتني عليها اختي و سألت منها دكتورتي و نصحتني فيها و مرتاحه عليها مره .. و ابداً ما سمعت عنها اي شكاوي او اي واحده استعملتها و ما نفعت معاها ..



بعدين ابلل قطنه بماي الورد و امررها على وجهي و عيوني و شفايفي .. ترى يطول الرموش و يغذيها و يرطب الشفايف و يوردها .. و طبعاً كلنا نعرف اهميته و فوائده للبشره ..
بعدين بالليل احط تركيبة فايتمينات عطتني اياها دكتورتي على وجهي و انام فيها ..
اصحى الصبح اغسلها بصابونة العسل و بعدين اشطف وجهي بماء ورد الصبح ..

بالنسبه لجسمي قبل الحمام بساعه امسح كل جسمي من رقبتي لين اصابع رجولي بكريم جليسوليد الاحمر مع الليمون و ماي الورد .. بعدين ادخل اتحمم بشاور جيل من دوف .. مرررره يرطب الجسم و ينعمه .. و بعدين ريحته تثبت ..
بعدين اسوي صابون مغربي لمدة خمس دقائق فقط .. و ازيدها على الاماكن اللي تبي تفتيح .. يعني الركب .. الاكواع .. الايادي "الاماكن اللي تظهر للشمس و تسود" .. الرجول .. الابط .. كذا .. ازيد المده و اخليها اكثر ..
بعد ما اغسله اسوي ملح الحليب على الاماكن المسوده و اخليه ثلاث دقائق .. بعدين اشطفه و شوفي النعومه و البياااااض ما شاء الله


الخلطه اللي ما استغني عنها اببببببد و اموووت فيها و كل اللي يعرفوني يعرفونها و يستعملونها بعد ما شافوا تأثيرها علي .. الزبادي بالبندول .. حتى اكتبها في كل مواضيعي خخخخخخ .. يا بنات و الله العظيم مرررره حلوه و تأثيرها فوري .. جربوها و انتو تقروا الموضوع .. و الله تجنن ..
تطحني البندول .. تضيفي عليه زبادي و تخلطيها مرررره كويس .. بعدين تخليها عشر دقائق .. بعدها تسوينها على وجهك .. انا اتركها ساعه .. بس كل ما خليتيها اكثر كل ما كان تأثيرها اكثر ..
اول شي تبرد الوجه .. يعني حبوب الحراره الصغيره تشيلها .. و تخلي الوجه راااااااااايق .. و تنظفه .. و تفتحه فوري .. و تخليه منووور .. نفس الوجه لما تكونين صاحيه من النوم .. نفس الروقان و النور و التفتيح ما شاء الله ..

بعد استعمال الفتله او الحلاوه للوجه .. حلي كاسترد بماي .. و حطيه على وجهك و خليه ينشف و اغسليه .. يبرد آثار الفتله و يشيل احمرار الوجه و يتخلص من الجروح الصغيره اللي ممكن تسويها الفتله او الحلاوه .. و الحبوب الصغيره بعد انسيها .. و كمان تحسين وجهك مره منور ..

ادعولي حبوبات .. و شاركوني تجاربكم و برامجكم للعنايه اليوميه بالبشره .. حتى اذا كنتو بس تغسلون وجهكم بصابون و خلاص هههههه

>>>>> ردود الأعضـــــــــــــــــــاء على الموضوع <<<<<
==================================




,.
’,
جزاك الله خير على ذكر تجربتك
ومن ناحية الصابونه معروف العسل للبشره
غير النضاره طبعا تقيمي ياعسل نورتينا .
نعومه


__________________________________________________ __________

مشكووووره ع التقييم قلبو .. و اتمنى الموضوع يفيدكم


__________________________________________________ __________

حلوووووووو كثير ما شاء الله عليك


__________________________________________________ __________

اهم شي انه عجبك قلبو ..


__________________________________________________ __________

تسلمي يا حلوة

روعه كثير

تقبلي مروري