عنوان الموضوع : حبوب و التهابات ما بعد نزع الشعر لبشرة فاتحة
مقدم من طرف منتديات نساء الجزائر

حبوب و التهابات ما بعد نزع الشعر



يا بنات بجد انا كنت تعبت من المشكلة دى و كنت مش لاقية اى حلول
و المشكلة بدأت تأرقنى لما لقيت الوقت بيجرى و موعد فرحى قرب و لسة مش لاقية حلول
لفيت علي الدكاترة , اللى يدينى علاج يزود المشكلة و اللى يدينى حاجات تعمل اثار و غمقان في الجلد و اللى تقوللى انتى انتى مشكلتك مالهاش علاج و الحل ليكى هو (الليزر)!! و طبعا زى مانتو عارفين الليزر مكلف جدا و ف نفس الوقت صعب اوى ان بنت تقدر تنيم حيائها و تعرض نفسها لنزع الشعر بالليزر و خصوصا ان الاماكن اللى بنتكلم عنها مناطق حساسة ف جسم...
المهم مش هطول عليكم الموضوع فعلا محتاج اهتمام بالذات للمتزوجات او المقبلات علي الزواج, انا الدكتورة كتبت لى شوية مراهم و كريمات في حاجات جابت معايا نتيجة حلوة جدا و عن تجربة شخصية و في حاجات انا لسةة بستخدمها و نتيجتها بتاخد وقت بس انا قلت اقوللكم علي تجربتى علشان انا ممكن اكون معنديش وقت بعد كدا انى اكتب لكم و خصوصا انى بحضر لفرحىّ!

اكتبو معايا ...
1- كريم بانثينولPanthenol
2- كريم فيوتاسونFutason
3- مرهم فيوديرم هيدروكورتيززن Vioderm HydroCortyson
4- كريم سيلكى Silky Cream
5- كريم فولدكسFoldex

الطريقة بقا ؟؟؟؟
اولا طبعا بنغسل ايدينا كويس جدا و نشطف المنطقة اللى هنزيل منها الشعر بردو كويس جدا و ياريت لو بغاسول خفيفاى غسول خفيف للبشرة الحساسة .
ثانيا نبدأ باستخدام السويت و ياريت لو ايزى سويت للبشرة الحساسة ( و ممكن نستخدم سيلك ابيل لو نحب او نقدر ).
ملوحوظة 1 : اللى تكون بتحس بالام اثناء النزع او مش هتقدر علي الامها ممكن تستخدم اسبراي مخدر موضعى اسمه (ليدو كايين ) قبل النزع و دا مش بيسبب اى اثار جانية علي الاطلاق و فعلا بيقضى علي الاحساس بالالم.
ملحوظة 2: يستحسن ان النزع يكون بشكل خفيف و من غير احتكاكات جامد بالجلد او شد عنيف للجلد.
بعد كدا بنغسل المكان تانى بمياه و بسسسسسسسسس من غير اي صابون.
و نبدأ العلاج ...
1- نحط طبقة من كريم بانثينول علي الجلد و من غير اى تدليك
2- نحط عليه خليط من كريم فيوتازون و كريم فيو ديرم و بردو من غير تدليك خالص
و علي اخر اليوم نكرر الغسل و الكريمات بنفس الطريقة و بكد يبقا استخدمنا الكريمات دى مرتين يوم النزع و تتكرر العملية تانى يوم.
في تالت يوم الصبح بتغسل المنطقة بنفس الطريقة و نحط كريم سيلكى و بيستخدم مرتين يوميا لمدة 3 أيام فقط من كل اسبوع ( و دا بيعمل علي تقليل كمية الشعر في كل مرة و لو استمرينا عليه 3 شهور ممكن نوصل ان الشعر يكون خفييف جدا و بطئ الظهور يعنى بيطلع بعد مدة اطول بكتير)
و مع المواظبة علي سيلكى مرتين في اليوم لمدة 3 ايام اسبوعيا نستخدم كمان كريم فولدكس و دا كريم تفتيح رااااااااااائع و بردو بيستخدم مرتين ف اليوم و ليس له اى اعراض جانبية او اضرار خالص
للامانه منقول بس اعجبتني وحبيت تستفيدون منها ان شاء الله

>>>>> ردود الأعضـــــــــــــــــــاء على الموضوع <<<<<
==================================


يعطيك العاافية ..


__________________________________________________ __________

مشكوووورة حبيبتي
يعطيك العافية
تحياااتي


__________________________________________________ __________

يسلمو خيتوه
على الوصفة الرائعة لازم اجربها واشوف النتائج
تقبلي مروري


__________________________________________________ __________

مشكوره ياعمري


__________________________________________________ __________

تسلموووووووووووووووو