عنوان الموضوع : شفني باطراف المدينه / اشعل افواه السجاير قصائد
مقدم من طرف منتديات نساء الجزائر

شفني باطراف المدينه / اشعل افواه السجاير



مـــــدخــــــل :
هناك كنت ولازلت أبحث عن ذاتي ،،، بين جرح الغياب وأرصفة الشوارع


شفني باطراف المدينه / اشعل افواه السجاير
طفل يتسكع حنين / ويحتظن صمت المدينه !

شايل بيده رساله / تحتري صوت [ البشاير ]
بعد ماذاق الهوان . . . وبعد ماذاق الغبينه !

يرتشف [ جرح الغياب ] / وعينه تهل العباير
قلّب اوجاعه / فراق وهزت الذكرى .. حنينه

فوق ارصفة الشوارع / يلمح بعينه [ مناير ]
يبتسم مرات لكن : تجرحه ذكرى . . . دفينه

يامناير من غيابك : يسكن الحزن / الضماير
يامناير ضاع بعدك / [ طفل كنتي تحتوينه ] !

العبت فيه المواجع . . عاش وقته في خساير
ماحسب جور الزمان وصارت افراحه حزينه

يا مناير من رحلتي : صارت ذنوبه / كباير !!
يلعن الوقت ورداه . . . ويلعن البعد وسنينه

يسأل الليل / ببرآءه : هو انا وشلون صاير ؟
وليه انا لأوجاع وقتي صرت ياليلي / رهينه !

يحتضن صمت المباني / وينضر لوجه العماير
يحتري [ نور النوافذ ] تبعث .. بقلبه سكينه !

يمشي بدرب المدينه في حرا : عابر / وزاير
خطوته صيحة غريقِ يلمح بعينه . . . . سفينه

كان في قربك بـ آمان وصار من غيبتك ثاير !
حالته صارت غريبه / مو مثل [ ماتعرفينه ]

[ يرسم الحلم ] بيديه : وينكسر والحلم / باير !
كان يحلم كل ليله . . . في [ امل انك تجينه ] !

الغياب أرهق شعوره / ظالم غيابك . . . وجاير
يكسر بعزم الهقاوي / وكسرة الهقوه .. لعينه

تاه من ظلم الليالي / دار في صمت . . الدواير
بعثر [ الوقت بحياته ] . . . ولا له الا الله يعينه

يمشي بخطوات خوف .. وجاهلا دربه / وحاير
يستظل بعز ليله . . . تحت [ غصن الياسمينه ]

يكسر [ الغصن بيمينه ] ويرسم قلوب ودواير
والثرا يحظن دموعه . . قبل تمسحها / يمينه !

اختنق صدره وفك / لخنقته كل . . . الزراير !!
ياعسى الضيقه / تفارق صدر كانت له سجينه

يرتعش شوق وحنين / وخافقه بالدم .. فاير !
صاح من حر الفراق وهز هالشارع / ونينه !

وسار باطراف المدينه / يشعل افواه السجاير
طفل ضايع بالمدينه / كان يبحث عن مدينه !!


مــــخــــرج ،،،،
هناك وجدت نفسي حيث اهتز الشارع أنيناً
شموخ الغامدي تتمنى لكو وقتاً سعيداً

>>>>> ردود الأعضـــــــــــــــــــاء على الموضوع <<<<<
==================================


أبيات رائعة لـ " شُآآعُرْ مُدهُشْ فِيْ حُضؤرهْ .. مآهُـرْ العـــآيدْ ".
المبدعة شموخ الغامدي سلمتِ على منقولتكِ المميزهـ.
دمتِ بخير


__________________________________________________ __________

ابيات رائعه جدااااااا


__________________________________________________ __________

فائق الشكر والتقدير لكن ولوجودكن


__________________________________________________ __________

شمـــــــــــــــــــــــــوخه ابيات تجنن
مبدعه حتى في اختيرتك

الله يعطيك العافية


__________________________________________________ __________

شموخ كعآدتك تنيري همس القوآفي بجمآل ذائقتك~


قصيده معبره للغآيه ..رآآق لي صدق كلمآتهآ


تقيم


بإنتظار جديدك..


كل الشكر والتقدير لكٍ عزيزتي ..