عنوان الموضوع : الحل واحد..يا مماته..يا مماتي..! -خواطر
مقدم من طرف منتديات نساء الجزائر

الحل واحد..يا مماته..يا مماتي..!






الحبيب اللي من أول كان أجمل ذكرياتي..
صار أبشع ذاكره في داخل أعماقي دفينه..


ضيق الدنيا بعيني صدق..واحترت بجهاتي..
كنت أشبه ما أكون بحال قبطان السفينه..



لا ارتفع موج البحر والريح هبت والتفاتي
كان عكس الإتجاه اللي يحسس بالسكينه..

راكبين اثنين عرض البحر والمركب مؤاتي..
للغرق..أو..واحد منا يضحي عن ضنينه..



يعني كان الحل واحد..يا مماته..يا مماتي..!
البلى في ناتج الحلين..أموت من الغبينه..


قال:وش الحل؟قلت: التضحيه من واجباتي..!
لازم أضحي عشان أعطيك الطمأنينه..



قال: إفرض لو خذاك البحر..قلت:إعلن وفاتي..
قول: مات فلان لجل أعيش..!والمولى يعينه..

قال: طيب..لا رحلت شلون بتهنى بحياتي؟
قلت: فكر في رجوعي بس..وانطرني لحينه..



وانتبه تنسى..تكفى كل شي إلا وصاتي..
إنتبه للقلب تكفى..قال:في أيدي أمينه..

قمت أودعه بسكات ودمعتي تشرح سكاتي..
وما ذبحني الدمع إلا يوم أنا أقبل جبينه..



وأرمي نفسي للبحر..واختل في موجه ثباتي..
والبحر لبعيد أخذني..وصرت لأمواجه رهينه..


لكن الله مد في عمري..ونجاني بصلاتي..
ما وعيت إلا وأنا مابين شط..وبين طينه..



والحبيب اللي نجى ماكان متوقع نجاتي..
جيت من بعد الغياااب المر..أدور عن حنينه..


ما لقيته في المدينه..!! وانشغل بالي وأحاتي..!
ورحت من خوفي عليه أسأل الجيران وييينه؟!..



قيل:سافر مع حبيبه!..وهو بخير..لا تحاتي..
جاه غيرك ياخذه من قبل يومين بيدينه..!


وقتها..دنقت راسي حزن..حسيت بشتاتي..
وقتها حسيت نفسي طفل..أهله بايعينه..!



ذا وأنا لجل عينه ما بخلت بتضحياتي..!
والقهر..أكبر قهر..ما بين بعينه..!

دام حتى ما حفظ لي عشرتي وأحسن جزاتي..
وش برجي منه؟ لابو عشرته..لابو سنينه..



رحت بيتي..ما معاي إلا أقلب ذكرياتي..
مع اللي(كنت)أحبه قبل تذبحني طعنة من يمينه..!








رومنسيه باحضان القمر

>>>>> ردود الأعضـــــــــــــــــــاء على الموضوع <<<<<
==================================


دام حتى ما حفظ لي عشرتي وأحسن جزاتي..
وش برجي منه؟ لابو عشرته..لابو سنينه..

سلمت يداك

ابيات رووعه


__________________________________________________ __________

يسلم الانامل والكلام الجميل


ابــــــــــــــــــــــــــــــــــــــــــــــــ ـــــــــــــــــــــــــــــــــــــــــــداع رائع


هذي الدنيا تضحين الاخير يصدويعطيك ظهرة


تسلمين رومنسية بأحضان القمر


__________________________________________________ __________

المشاركة الأصلية كتبت بواسطة ام عبدالهادي
دام حتى ما حفظ لي عشرتي وأحسن جزاتي..
وش برجي منه؟ لابو عشرته..لابو سنينه..

سلمت يداك

ابيات رووعه




الروعه بتواجدك يالغالية ..
منوووووووووووورة الصفحه ..

بانتظار مرورك القادم


__________________________________________________ __________

رحت بيتي..ما معاي إلا أقلب ذكرياتي..
مع اللي(كنت)أحبه قبل تذبحني طعنة من يمينه..!

والله كثير اثرت فيني .....مشكورة يالغالية ابدعتي كالعادة


__________________________________________________ __________

قال:وش الحل؟قلت: التضحيه من واجباتي..!
لازم أضحي عشان أعطيك الطمأنينه..



قال: إفرض لو خذاك البحر..قلت:إعلن وفاتي..
قول: مات فلان لجل أعيش..!والمولى يعينه..

قال: طيب..لا رحلت شلون بتهنى بحياتي؟
قلت: فكر في رجوعي بس..وانطرني لحينه..



وانتبه تنسى..تكفى كل شي إلا وصاتي..
إنتبه للقلب تكفى..قال:في أيدي أمينه..

قمت أودعه بسكات ودمعتي تشرح سكاتي..
وما ذبحني الدمع إلا يوم أنا أقبل جبينه..



وأرمي نفسي للبحر..واختل في موجه ثباتي..
والبحر لبعيد أخذني..وصرت لأمواجه رهينه..

رووووووووووووووووعه
رووووووووووووووووووعه
رووووووووووووووووووووووعه
روووووووووووووووووووووووووعه
روووووووووووووووووووووووووووووعه
رووووووووووووووووووووووووووووووعه
وربي قمة في الروووووووووووووعه << خلاص صدقناج ههههههههههههه

يعطيج الف عافيه ..
ننتظر المزيد من الابداعات ..