عنوان الموضوع : { نـفــس المڪــان ../ "صوتيه" ~ قوافي
مقدم من طرف منتديات نساء الجزائر

{ نـفــس المڪــان ../ "صوتيه" ~



السلام عليكم ورحمة الله وبركاته ،



أتمنى أن تصل لـ إحسـآسكم ..

نفس المكـان / ..

صوتيّه



بْـ نفس المكان اللي أجيه ويجيـني ،
يـوم إن علـى ماقيـل.. كنّـا حبيبين


مرّيـت ، وأقدامـي جبرهــا حنينـي ،

تفـرض من أطـلاله لـ دربي عنـاوين


هذا المكان اللي / يبثّ اكسجيني
وهذا المكان اللي / جمعنا على البين


جيته على الموعد بعد هـ السّنيني
وشفته قبل موعد لقانا على شين ..!!


ذكرى على بالي / وصوره بـ عيني
عادت ،،، ولكنـها تضمّ إختـلافين :

1- قالت أبيـه ،، وقبـل كـانـت تبيني ..!!
2- وصار الجمـل طايح وكـثرت سكــاكين


بس الملامح نفسها في ضنيني :
نظره، وبسمه تهمس لـ "شبك الإيدين" !


من بعد ما كـان الوهـم يهتـويني ،
نفس المكان / اللي ثبتلي براهين


ذاك المكان : اللي أجيه ويجيني ..!!
صار المكان : اللـي تجمّع به أثنين


ماني بقول الله يجــــازيك فيني ..!!
ولاّ عسى ربي يعنّيــك، آميــن ،،


آنا دمـوعي تختصر كلمتـيني
هي كلمتين وحطّها بين قوسين !!


تدري وش مصبّر بقايا حنيني ..؟؟
( قول النّبي: لا يغلب العسر يسرين)

>>>>> ردود الأعضـــــــــــــــــــاء على الموضوع <<<<<
==================================


حلوة حبيبتي بس وين الصوت


__________________________________________________ __________

رووووووووووعه حيل غلاتي,,,,

بس ماكو صوت ع العموم يسلمووو


__________________________________________________ __________

كلمات رائعه سلمتي اختيار موفق


__________________________________________________ __________

كلماات رااائعه ..

بس لايوووجد راابط الصـــــوت ..


__________________________________________________ __________