عنوان الموضوع : أثر كل الحب لـذه والفـراق أكبـر عيوبـه .. قوافي
مقدم من طرف منتديات نساء الجزائر

أثر كل الحب لـذه والفـراق أكبـر عيوبـه ..





والله انى كنت ألوم اللى يضيق أن غـاب خلـه=لين جربت المحبـه والفـراق وقلـت توبـه..
لعنبو جـد المفـارق فيـه هـم وفيـه ذلـه=أثر كل الحب لـذه والفـراق أكبـر عيوبـه ..
امس فارقت الغـلا ومفـارق الخـلان علـه=والعلاج الوصل لا تبلش طبيـب ولا حبوبـه ..
الزعل هو سبـه الفرقـا يهـز الحـب كلـه=ليتنى طولت بالـى قبـل لا يعلـن غروبـه..
وآهني اللى وسيع الصدر.. صدره وسع فلـه=غلطه الصاحب تجى وتروح ماهى بمحسوبه ..
عارفً قدره.. وقدر اللـى يحبـه فـى محلـه=ذاك نفسه لا حشا ماهى على الحب مغصوبه ..
ليش تحسب غلطه الصاحب على الصاحب مذله=ليش ماتحسب ميانه لو تجى عشرين نوبـه ..
لا وربى.. كنت أحبـه حيـل مـادورت زلـه=لا تشكك فى غلاه ولا تساعد فـى هروبـه..
لايمـى قبلـك تعبـت ألـوم شعـار المجلـه=وكنت مؤمن فى مقوله اعذب الشعر الكذوبه..
وأثر كلن فى حياتـه لـه تجـارب مستقلـه=وانت لا تشره على مثلى وتبلا لـك بحوبـه ..
كان جابتك.. الحميه روح لـه تكفـى وقلـه=لا يخلينـى واذا وده يخفـف مـن ذنوبـه ..
يستخير ولـه غـلا قلـب صـدوق مايملـه=فدوة له كل قلبي من شمالـه لـى جنوبـه..
يوم قفى والخفوق يفـوح عقبـه فـوح دلـه=وسط وقدرة واحد عز الشتاء والسهر دوبه ..
لا تقهوى بـارده مـن بـرد فنجالـه وزلـه=ثم قربها على جال الجمر وأرهـى شبوبـه..
ويـن يدلـه هالخفـوق وكـل مايدلـه يتلـه=طاري اللى ياكثر ماأتعبت رجلى فى دروبـه..
لا طرى جريـت ونـه مـن بـلاده مستحلـه=مثل ماراحت بلادى مع شعـارات العروبـه
كل هاجوس يجيبه جعـل شعـرى فـدوة لـه=وأعذابى كل ماجبـت لـى الجبلـه هبوبـه..
مشغلن قلبي يحبـه دون خلـق الله مـن الله=هيه ياللى ممتلكنى حسن وأسلوب وعذوبـه..
ماسمعت ان الخوي له بالخوي تسعيـن زلـه=وانت طوف زلتـى ياعـل تفـداك اللعوبـه ..
صاحبي سيف الهجر لا صرت تقدر لا تسله=ماتظن ان العفو عند المقدره اكبـر عقوبـه ..
ايه انا اللى كنت ألوم اللى يضيق ان غاب خله= لين جربت المحبـه والفـراق وقلـت توبـه

الشاعر /حمد السعيد

>>>>> ردود الأعضـــــــــــــــــــاء على الموضوع <<<<<
==================================





وآهني اللى وسيع الصدر .. صدره وسع فلـه
.................................... غلطه الصاحب تجى وتروح ماهى بمحسوبه


سلمتِ نوكيَاا ، ولااا هانت يَمينك




__________________________________________________ __________

روووووووووووووووووووووعة


__________________________________________________ __________


__________________________________________________ __________


__________________________________________________ __________