عنوان الموضوع : جدول سهل التنفيذ نعمله فى رمضان كلنا - الشريعة الاسلامية
مقدم من طرف منتديات نساء الجزائر

جدول سهل التنفيذ نعمله فى رمضان كلنا



ابتسامات
السلام عليكم

حضرتلكم الجدول وجايه اقوللكم عليه

اللهم بلغنا رمضان

وباركلنا فى اوقاتنا واعمرها بطاعتك ياكريم


ابتساماتنبدأ بوقت السحر

طبعا نتسحر ونستحضر نية أن الله وملا~كته يصلون على المتسحرين(( ومش عايزين ننسى ان النيه اهم شىء لقبول العمل)).
بعد كدة طبعا نتوضأ ونصلى ركعتين عالأقل ونجلس نستغفر حتى سماع آذان الفجر وندعى وياريت بالأدعيه الجامعى حكتبهالكم ان شاء الله قبل رمضان ونستحضر أن الله تعالى يتنزل الى السماء الدنيا ويقول هل من مستغفر فأغفر له هل من ساءل فأعطيه (وبالأسحار هم يستغفرون).

ابتساماتوقت صلاة الفجر:

الآن نردد مع المؤذن الآذان ونردد الدعاء بعد الآذان ليغفر لنا ماتقدم من ذنوبنا كما قال النبى صلى الله عليه وسلم.
بعد ذلك نصلى ركعتين فقط بين الآذان والإقامه وندعى حتى الإقامه _عايزاكم تحضروا كام دعاء انتوا عايزينه يتحقق والله صدقونى عن تجربه مش حييجى رمضان اللى جاى بإذن الله إلا ويتحقق _وبعدين نصلى الفجر ونقول أذكار بعد الصلاة وأذكار الصباح ومنقومش إلا لما نصلى ركعتين بعد الشروق وياريت نقرأ ربعين قرآن عشان نختم مرة واللى همتها أعلى يبقى يا سلام ربنا يكرمها ومتنسوش ان الحسنات تضاعف والله يضاعف لمن يشاء.



ابتساماتبعد الشروق:
ننام شويه مثلا 4 ساعات ونصحى 11 مننساش النيه دى اهم شىء ننوى إن احنا حننام عشان نتقوى بالنوم على الطاعة.

حنصحى نصلى ركعتين الضحى وطبعا الزيادة أولى إلى 8 ركعات ونقرأ ربعين قرآن وندعى ونستغفر الى أن يؤذن لصلاة الظهر.

ابتساماتوقت الظهر:

طبعا حنقول مع المؤذن والدعاء و نصلى أربع ركعات ونصلى الظهر ومننساش اذكار بعد الصلاه والدعاء طبعا اللى احنا محضرينه ونصلى ركعتين بعدها ثم نقرأربعين قرآن .

دلوقتى معانا حوالى 3 ساعات لحد وقت العصر حنقسمهم مع بعض:

اول ساعه نخلص البيت من ترويق لغسيل وهكذا(مننساش الذكر لا نغفل عن الذكر طوال اليوم ).

الساعة الثانيه حندخل على الموقع يعنى مثلا الساعة 2 او2:30 تمام حنشوف عملنا ايه ونظبط مع بعض واللى قصرت حنحاسبها احنا عايزين نبقى صحبه فى رمضان ونشجع بعض عشان همتنا تعلى كل يوم عن اليوم اللى قبله مهم جدا نقوى بعض.ابتسامات
الساعة الثالثه نمسك سبحة _انا عارفة انها فيها كلام بس فى شيوخ قالت لامانع طالما انك محافظه بيها على ذكرمعين وبعدد معين_المهم (نستغفر 500مرة ) (نصلى على الرسول 500مرة) (ونسبح ونهلل ونكبر ونحمد ربنا 500 مرة) مش عايزاكم تتخضوا من الأرقام بس المهم نستحضر قلوبنا والله الذكر بييحى القلب بطريقة لاتتخيلوها وانتو حتلاحظوا بنفسكم وياريت تبدأوا من اليومعشان لسانا يكون متعود على الذكر وكمان مش بياخد وقت خالص والله لما تجربوا حتندموا على الوقت اللى كان بيضيع بالساعات..


ابتساماتوقت العصر
طبعا بنعمل زى مابنعمل لكل صلاة ونصلى اربع ركعات قبل العصر ياريت نحافظ عليهم حتى بعد رمضان ونصلى العصر ونقرأ ربعين قرآن كدة يبقى خلصنا جزء الحمد لله ..



بين العصر والمغرب


احنا فين دلوقتى طبعا فى المطبخ
نشتغل فى المطبخ ونعمل الأكل

ونحتسب نيه افطار الصائمين معانا حوالى 3 ساعات

ان شاء الله حتكفى متقلقوش مجربه

المهم مننساش


الذكر


اوعوا تنسوا

بس نركز على:::
سبحان الله وبحمده. سبحان الله العظيم
ابتساماتوقت المغرب:

عايزة انبه على نقطه ::كلنا بننسى طبعا من الجوع والعطش نردد مع الآذان فى المغرب بس عايزين نتعاهد نبطل ونردد مع الآذان إن شاء الله

نفطر تمر وميه ونروح نصلى ونرجع نكمل الأكل ومننساش اذكار الصلاة



بعد المغرب احنا فين

طبعا فى المطبخ بنغسل المواعين

وده عشان ميكونش ورانا حاجة

ومننساش

الذكر
ابتساماتوقت العشااااااااااااااااء

طبعا احن فى المسجد حنصل العشاء والتراويح وحندعى بين الآذان والإقامه وبعد الصلاة ونصلى التراويح فى خشووووووووووووع ونستمع للإمام وقلوبنا تحلق تحت عرش الرحمن ربنا يتقبل منى ومنكم ياااااااااااارب


نروح ننام محتسبين نية النوم للتقووى على العبادة ونصحى ان شاء الله الساعه 2:30 نستكمل رحلة الطاعة والأوبه إلى الله بعد ان ندعوا الله ان من علينا ببلوغ هذا الشهر الفضيل
منقول للفائده

>>>>> ردود الأعضـــــــــــــــــــاء على الموضوع <<<<<
==================================


اللهم بلغنا رمضان ووفقنا لصيامه وقيامه إن شاءالله

جزاكِ الله خيرآ وبارك فيكِ لاعدمناكِ..


__________________________________________________ __________

اللهم اعنا على ذكرك وشكرك وحسن عبادتك
جزاكِ الله خيراااااااااا كثيراااااااااا


__________________________________________________ __________

مشكورررره *


__________________________________________________ __________



__________________________________________________ __________

جزاكى الله كل خير وكل عام وانتى بخير
خطه منظمه جدا