عنوان الموضوع : حركات البنات في المــنتدى اللي بتزعل لاتدخل هههه للفكاهة
مقدم من طرف منتديات نساء الجزائر

حركات البنات في المــنتدى اللي بتزعل لاتدخل هههه



حركات البنات في المــنتدى
-----------------

1- اذا كانت تبـي تبين انها دلوعه ورقيقه اتشوفها
حاطه وروود ودباديب و صور اطفال
او صور كرتونيه ( سالي وليدي) و دايم تكتب بالوان هاديه
(وردي و احمر) عايشه الدور والاحرف حرف الشين يصير ثاء مثال مشكوره تصير مثكوره دلوعه ماتنلام
طبعا هذا كله جذب لا تصدقون يا شباب ..

2- اذا الشباب حطوا موضوع يخوف والا مقزز
شوفوا الردود :

واااي اهئ اهئ / حرااام عليكم خوفتوني
لا لا لا ما اتحمـل ببجي ياربي/ماماتي لا لا ما
بنام بروحي اليوم بروح بنام عند مـــــامي / لا لا
مستحيـــــــــــــل ابي امي ابي ابوي ابي زوجي ,,,,
(يعني عاد خايفه و ما تتحمل )

مقزز مقرف
وييييع شنو هذا / لاعت جبدي
( وبينها وبين روحها تقول يم يم لذيذ )


3- اذا كانت مريضة تعالوا شوفوا الدلع فالردود:
واااي انا منشوله و خشمي مسكر ... واااي
ما اقدر اتنفس , الحقووا علي بموت ,,,, يا ويـــــــــــــلي
اهئ اهئ ... مابي اروح المستشفى اخاف من الابرة

ابي امي ابي ابوي ,,, لا مابي
اهئ اهئ ( توقف الدلع و تكح)
كـــــــــــــح كــــــــح كح
وما تخلي حد الا قالت له انها مريضه من خلال ردودها
( وآخر شي يبين ان ما فيها شي والدكتور يعطيها
حبت بندول ويقولها عن الدلع


4- عاد كله بصوب و الدراسه بصوب
اذا كانت تدرس في جامعة و لا كلية ولا معهد,,,
تبي تعلم كل اعضاء المنتدى انها جامعية (مو مصدقة) ...
و تقعد عاد تتكلم عن الدكتور الفلاني وعن كلاساتها
و اذا عليها Quize لازم كل الاعضاء يعرفون ومن خلال الردود انا مشغوله بالجامعه ما اقدر اشبك
واذا نزلت موضوع تلاقيه يطلـــــع :
امبيـــــه
والله خايفـــه من Quize باجر و مو قادره اذاكره----
والله ماله و جبديي لايعــة
يااااربي شكثر اعاني,,, شنو اسوي اهئ اهئ
( و تلقاها عليها امتحان علوم
هذا اذا ماكان اقتصاد بعد / ثاني متوسط لا و منازل بعد)




5- دايم تمثل دور البنت المدللـه اللي ما ينرفض
لها طلب
اذا تكلمـــوا عن الطبخ,,, قالت : ( وع انا مادش المطبخ
من صجكم.. اصلا احنا عندنا 3 طباخين )

(( كله جذب ,,, تلقى اهلها كارفينها كراف من غسل
المواعين والجدور..
حتي السيارات يمكن هي تغسلها واذا خلصت
الشغله يخلونها تغسل الفرش والزوالي ))



6- و اذا اطرحوا موضوووع
عن دوله (مشهوره) قالت : ايي انا رحت لها تهبل
انا كل صيف اروح لها و اصلا احنا عندنا
محلات و عقارات هناك
(( والله و لا راحت هالاماكن .. اصلا موقع
الدوله عالخريطة ماتدله... حدها مارينا مول ))


7-اذا تكلمــوا عن الماركات و المحلات الراقية
والغالية و الازياء و المصممين
شوفوا الرد عاد
( اصلا انا ساعاتي كلها من هالماركة و مكياجي
ما اشتريه الا من هالمحل و المصمم هذا اصمم
عنده (بيجاماتي) ولبس البيت وفساتين الاعراس.... الخ )





لا تزعلون مني

ترى اتغشمر وما اقصد احد بالموضوع ..

>>>>> ردود الأعضـــــــــــــــــــاء على الموضوع <<<<<
==================================


الله يعطيكي العافيه ضحكتيني من قلبي،بس ترى قصدي إني ضحكت لأن الموضوع عجبني و حلو مو ضحكت علييييه
مش تزعلي و كلامك و الله فيه منه


__________________________________________________ __________

الموضوع رائع وخفيف الظل مثل صاحبته كل الحلا بحرينيه هههههههههههه
موضوع مميز ويرسم الابتسامه لنا
حفظك الرحمن


__________________________________________________ __________

ههههههههههههههههه

موضوع حلو وضحكني

يسلمووووو كل الحلا يعطيك العافيه حبيبتي


__________________________________________________ __________

يسلموووووووووو الكل عالمرور
نورووووووتونا


__________________________________________________ __________

هههههههههههههههاااااي
موضوعك خفيف ظل مثلك
شكرا لك ـــــــــــــــــــــــــــ