عنوان الموضوع : (* انا سميتك الدنيا وانت وش تسميني *)
مقدم من طرف منتديات نساء الجزائر

(* انا سميتك الدنيا وانت وش تسميني *)






أنا سميتك الدنيا وانت وش تسميني ؟؟؟
فديتكـ ياهوى نفسي مع الشدات مخاويني
فديتك لا قسى وقتي علي وناحت أشجاني
أبيك في لحظة الفزعة تحط يديك بيديني
وابيك ليا شكيت اليأس تكون بساحة أوطاني
ابيك البلسم لجرحي وابيك النوم في عيني
طلبتك يابـــــعد ذاتي بــــالله لا تخلينـــــي
ترى لو رحـــت أبقى ضحية كيد عدوانـــي
سألتك بالله الوالي سألتك لا تجافينــــي
لأني أموت بغيابك ياروحي وجثمانــــي
معي واصل مشاويرك أواسيك وتواسيني
معي إبقى مثل ظلي حذاري لا تعداااني
أبي منك الوعد أنك على غيري تبديني
وأنا هذا وعد مني ما أبيعك واشري الثاني
وإذا بلسانك الصادق نطقت وقلت تغليني
أنا بأعلن خبر عاااجل تعالوا إقروا إعلاني
أبكتب داخل إعلاني إلى من صار يغليني
إلى قلبي إلى عمري إلى من صار يهواني
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
وابكتب داخل الإعلان وصية كان شاريني
معي بالطيب عاملني ولا تجرح بهجراني
ومهما تقسى الدنيا علي لا تعاديني
ولا تسعى أبد في يوم في عنادي وعصياني
وأبي لا كفت أبصاري تكون النور لأعياني
وأبي لا فاضت أنفاسي تكون أول معزيني
وأبيك بيدينك الثنتين تلف الجسم بأكفاني
وبعد ما أكون في قبري تذكرني وتبكيني
وأكون حزن على بالك ما تغفل وتنساني
أبي لا قالوا العذال وش إللي بينك وبيني
تبسم وتدمع عيونك من الحسرة بفقداني
وتجاوبهم إني حي وبالأضلاع تخفيني
وإني سلوة لخاطرك معك لا صرت وحداني
أبيك تقول هو ما مات أحاكيه ويحاكيني
أبيك تقول هو موجود وخبيته بوجداني
أبيك تقول هو دمي إللي في شراييني
لأنك دمي إللي كان يضخة عرق شرياني
وأبـــي لا زادت جرااح تخليني وتنـــاااااديني
وتفتش داخل شعورك وتهمسلي وتلقاني
وإذا طال السفر إقرا كتاباتي ودواويني
وقل ياكثر ما خلي كتب لي شعر وأهداني
ترى لو للقصيد عيون والله ما ينافسني
لأني للقصيد عيون وأسمك رمز ديواني
وترى لو للحروف أهداب تعجز لا تغطيني
لأني للحروف إيحاء ووحيك سر لإذعاني
تداركت الزمن يمك ألا ياااااليت يمديني
أخاف أجيك متأخر وسيف الوقت يلطاني
نسيت من أجلك الصادق إللي الروح يعطيني
ونسيت الأول والآخر والقاصي والداني
وجاري المسح للباقي وانت إللي تكفيني
حرام أحط معك غيرك وأظلم الثاني
كفاااااية إنت في دنياي أمل باقي يسليني
أمل صوتك إذا ضاع الأمل ألقاه بأركاني
كفاية همسك الحاني إذا جاني يدفيني
ويبدد وحشة ظروفي وتشرق فرحة أكواني
تراك بعالمي شمعة تبدد ظلمة سنيني
وتراك بدنيتي دنيا لها لون وشكل ثاني
ودنيا ما بها حسك ما أبيها وعمرنا فاني
أنا سميتك الدنيا وانت وش تسميني ؟؟

>>>>> ردود الأعضـــــــــــــــــــاء على الموضوع <<<<<
==================================


كلام رائع وجميل يسلموووووووووووووو


__________________________________________________ __________

نورتي الصفحه بمرورك


__________________________________________________ __________

رائعة كروعتك
ياريوووووووووومه


__________________________________________________ __________

مكرر يالغلا


انتظر جديدك


__________________________________________________ __________