قصيده لمبارك روووعه
عنوان الموضوع : قصيده لمبارك روووعه
مقدم من طرف منتديات نساء الجزائر
قصيده لمبارك روووعه
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
هاتفتكر مين وللا مين
في عيد ميلادك الكام وسبعين
بقول لك كلمتين
الأوله شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية ورتنا الويل
دا الخطوة في عهدك بقت ميل
والضحك بقى نواح وعويل
والكوسة عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
>>>>> ردود الأعضـــــــــــــــــــاء على الموضوع <<<<<
==================================
اللهم لا شماته
كان النهاردة فى القفص هو واولاده للمحاكمة
سبحان المعز المذل
تذكرت ايه فرعون التى يقول فيها ربنا جل وعلى انه على قدر علو فرعون وتكبره ذاق الذل الموت بعد الترف والكبر وبلعة البحر ايه
(ولنجعلك اية)
لعله يكون ايه لان الحكم لله جميعا
وانه لا يعلو على الله بشر
موضوع رائع يا حبيبتى وتسلمى
احلى تقييم لعيونك
__________________________________________________ __________
يارب يبارك بشباب الثوره
ويعينكم على تغير البلد للأحسن
ويارب تكون كلكم ايد وحده تبنو فيها مصر
ويارب الازدهار لمصر ولكل البلاد العربيه
بس اني بصراحه مستغربه من كل حكام العرب ليش ما اخذو عبره من صدام
يعني ما شافو صدام قبلهم شنو كانت نهاية تجبره وطغيانه هو و اولاده
ايضا قفص الاتهام
والان نوري المالكي متبع نفس سياسة صدام واتعس من سياسة
اتمنى اسأل حاكم عربي واعرف شنو الي يستفاد منه من ظلم وقهر شعبه وحرمانه من ابسطه حقوقه؟!!!
لكن ما لنا سوى رب العالمين
ونقول حسبنا الله ونعم الوكيل على كل ظالم
__________________________________________________ __________
المشاركة الأصلية كتبت بواسطة فجرالحياة 
يارب يبارك بشباب الثوره
ويعينكم على تغير البلد للأحسن
ويارب تكون كلكم ايد وحده تبنو فيها مصر
ويارب الازدهار لمصر ولكل البلاد العربيه
اللهم امين
__________________________________________________ __________
قولتى الى فى قلووبنا كلة ياقلبى احلى تقييم لان بصراحة احنا موجعووين فعلا ومستائين مما يحدث
__________________________________________________ __________
سبحان المعز المزل
رد مع اقتباس
