حقوق المرأة السعوديه!!
عنوان الموضوع : حقوق المرأة السعوديه!!
مقدم من طرف منتديات نساء الجزائر
حقوق المرأة السعوديه!!
حقوق المرأة السعوديه!!
الدكتورة :ليلى صالح عزوز
باللهجه الحجازيه
ما يرفع ضغط شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه مانشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختيريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.
طيب قولوالوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلسالبلدي و نتخذ قرارات مهمة .. وأترك لكم جوابها .. إيشيكون
أما عن حقوق المرأة في السعودية .. فيا سيدي الست هنا لها حقوق وواجبات ما تتنازل عنها. مثلا: فيبلدان كثير عربيه وأوروبيه تلاقي شحط طويل عريض جالس في الباص ...وقدامه وحده فيالشهر التاسع واقفه على رجولها وشايله طفل تاني على كتفها ... الشحط يتحرك؟ .. أبدا... الثور يحس؟ .......لايمكن. لكن هل يمكن يحصل هادا في السعودية ؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين الليآخِد حقُّو ب الكامل وزياده؟ وهل عندنا المرأة متساوية مع الرجل .. والا هي أحسنمِنُّو؟
قالحقوقالمرأة .. قال.
منظرعام
رجالمحترمين زي الورد واقفين أمام صراف في بنك .. وتِجي أختنا فيالله (اللي يقولو إنها مهضومة الحقوق) تتقدم للصراف مباشرة ولا على بالها من اللي واقفين من ساعات .. وبعضهم مستأذنين من عملهم. طيب ليه ما توقِّفت ِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي تردعليه وتقول: لا، معليش. المرأة زَيّ الرجال .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدرأحد ... يقول إنه من ظهرأبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذهحرمة...إنت ماعندك أهل!)) ...ويضطرالراجل إنُّه ينكتم ويسكت .. بل إن المرأة تشفع لزوجهاعشان يتقدم على الرجال الباقين. في المطار .. مثلا .. ما تشوفهم يطلِّعوااللي معاهم حريم .. وبعدين بقية الركاب؟
قال حقوق المرأة ... هه!
اقتصاديا
شوف الراجل.. السبع..ر.. ..له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ،الخ. والمرأةبسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صبغ روج والاعلبة بودرة تساوي قيمة جوال جوزها .. وكمان ازيدك من الشعر قصر .. مو بيت .. من حقوقها فستان لكل فرح. و مكياج. و كوفيرة..وجزمة...وشنطه. وكمان خُدوا هادي .. سابع بنت عمي. ملكةأخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيو يزي كده.
قال إيه! حقوق المرأة.
نفسيا
الزوج مطالب يكون أربعة وعشرين ساعة رومنسي ومبتسم ..ويعني إيه عنده مشاكل في العمل؟! والأقساط متأخره؟! والفواتير؟! والمقاضي مايعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... ... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ...لازم يبقى رومانسي.
بينما هي وبكل سهولة تصحى بسلامتها في الظهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هوإللي نسي ويقول بكل شجاعة ..... طيب.
وفوق هذاكله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْأوروبا... يا عيني علينا احنا اللي نتدلع
واحنا شكينا لكم اصلا؟؟؟
ندرس في احسن الجامعات..نتوظف احسن وظايف..طلباتنا مجابه..خدم وحشم..
مين احسن مننا!!!
بالمختصر..فكرة حقوق المرأه هي عشان يطلعوننا من ديننا بس.........
منقووول...
>>>>> ردود الأعضـــــــــــــــــــاء على الموضوع <<<<<
==================================
كلام سليم 100%
انا معاها بكل حرف قالته
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
