البطانه
عنوان الموضوع : البطانه
مقدم من طرف منتديات نساء الجزائر
البطانه
بالطبع في كل مجتمع يكون هناك بعض من المشاكل واعتقد أنه لابد من الافصاح عنها كل في مجاله
الكاتب والشاعر والصحفي والمعلم والعاطل وغيرهم الكثير لتحل هذه المشكله من جذورهاوهنا كانت هذه القصيده المليئه بالصدق والشفافيه في طرحها للشاعر الكبير الصادق
للشاعر / نايف بن عرويل العتيبي
الشقاء عذب قلوب الناس واسـرف فـي ألمهـا
والدموع الي على اوجـان الفقـارى مستهانـة
يستشفـون السعـادة والامانـي مـن عدمهـا
والضمير الي حكولـه ماتحـرك مـن مكانـة
دوروا حل المشاكـل والمشاكـل وش رسمهـا
غير تغييب الضمير وغيـر تضييـع الامانـة
مشكلتنـا فالبطالـة قالهـا الــي مافهمـهـا
لا وربـي الـي خلقنـا مشكلتنـا فالبطـانـة
بالقصـور وبالتغاضـي والتهـاون نتهمـهـا
من طيوف الشعـب كلـه يستحقـون الادانـة
ناس عاشت فـالنعيم وربـي بفضلـه كرمهـا
بالوسايط والرشـاوي وصلـوا ذيـك المكانـة
غيبوا شمس الحقيقـة وابدلونـا فـي وهمهـا
وصارت احلام السعادة في عيون النـاس دانـة
قل حال الناس زاد وقـام ينهـش فـي لحمهـا
ومجلس الشورى يناقش كيف تخفيف الاعانـة
والاعانة وش تسوي وش تسوي لـو خصمهـا
لو خصمها وش تسوي افهمو يا اهـل الفطانـة
يا الـي تحـط المبـادي والمبـادي تحترمهـا
اسئلـك بالله ليـه الضلـم هــذا والخيـانـة
ياخي ناضر فـالألوف الي جنابـك يستلمهـا
ليش مايخصم معاشك او على فلوسك حصانة!!؟
حط حيلك فالضعوف وصد عينك عـن قممهـا
وانت تاكل وآنا آكل واترك السـارق وشانـه
قاعده عمت علينا خاب حـض الـي نضمهـا
وخاب حض الي تبعها وارتضى درب اللعانـة
ذي بلدنا ذي بلدنـا كيـف بيدينـا نهدمهـا؟؟
كيف نرضى بالفساد وكيف نرضى بالأهانـة؟
اشتكـوا خـل الحقيقـة ترفـع يديكـم علمهـا
زلزلوا من عاث فيهـا زلزلـوا كامـل كيانـه
والأمـل بعـد الله بليـثٍ تولاهـا وحكمـهـا
ذاك ابو متعب عسى الله ينصرة ويعـز شانـه
قالـه الـي مابدتلـه كلمـة الحـق وكتمـهـا
شاعر ٍ لأصعب قضايـا امتـه سخـر لسانـه
وانا داري هالقصيدة الف واحـد مـا هضمهـا
لكـن الباقـيـن قـالـوا الله يسـلـم بنـانـة
مشكلتنـا فالبطانـة مشكلتنـا فــي قيمـهـا
بـس ماهـو كلبوهـم فيـه قـلـة للأمـانـة
ومن يقول بغير ذالك الـه نضـرة واحترمهـا
المهم الي بقولـه صـار واضـح فـي بيانـه
والمشاعر لو تخير كـان هجـت مـن قلمهـا
وكان ماقالـت قصيـدة فالحريـم وفالبطانـة
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
