توفت امه وكتب قصيده
عنوان الموضوع : توفت امه وكتب قصيده
مقدم من طرف منتديات نساء الجزائر
توفت امه وكتب قصيده
السلام عليكم ورحمة الله وبركاته
لم تكن ردت فعلي على ما قرأت إلا دموعي
فأحببت أن أنقل لكم ذلك
اقرءوا معي ما كتبه هذا الشاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي:
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
تحياتي لكم
>>>>> ردود الأعضـــــــــــــــــــاء على الموضوع <<<<<
==================================
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني يعطيك الف العافيه
__________________________________________________ __________
يعطيك العافيه اختي يسلمووو على هالنقل الاكثر من رائع بجد تبكي
الله يرحم جميع اموات المسلمين ولايحرمني من أمي
تقبلي مروري
__________________________________________________ __________
الله يرحم امه ويدخله فسيح جناته ويرحمنا ربي اذا رسرنا الى ما ساروا اليه
اللهم آمين
وبارك الله بصاحب الكلمات الرائعه التي يقف عليها الواحد بكل جوارحه وبصدقها
يعطيك العافيه على النقل الرائع
__________________________________________________ __________
ويعطيك العافيه
لا عدمناك يالغلاء
اختك الم
__________________________________________________ __________
سبق طرحه يالغلا ~ْ
رد مع اقتباس
