عنوان الموضوع : قصه اضحك وتموت من الضحك دخلوا وشوفوا ههههه
مقدم من طرف منتديات نساء الجزائر

قصه اضحك وتموت من الضحك دخلوا وشوفوا ههههه






هذا واحد توه معرس وخلصت الزفه والامور اللي بالقصر .. اخونا في الله {اخذ حرمته } وركبوا السياره .. ودعس للقصيم يعني اهل العروسه في الرياض وهو ساكن في القصيم والبنيه تستحي ومقررطه طول الطريق .. والرجال ماغير يسولف ويهذر والبنيه ساكته .. مااحولك احد الرجال يأس من البنت انها تتكلم .. وقال ياولد ماوراه هذره اشغل المسجل وامسك الخط .. في الوقت نفسه البنت كانت حسراانه ومتوهقه انها بس تتكلم عشان ماتقوله ابي الحمام الله يكرمكم عاد هي طمررت على المرتبه اللي ورا عشان تنسدح ويخف عليه الوجع الين يوصلون لمحطه المهم الرجال ماوعى الا وهاذيك محطه ويصفط عنده وينزل للبقاله ياخذ له كم كيس فصفص وكم علبة بيبسي للطريق هو كان وده ياخد له شريط يسليه بالطريق بس خبركم مايصلح يشغل شريط والافضل يخليها سواليف البنت على نزلت زوجها الا وتقز هاذيك الحمامات حقات الحريم اللي جنب المسجد اللي جنب البقاله قالت لنفسها يابنت يمديني اطمر واخلص وارجع قبل لايرجع هو من البقاله المهم المسكينه راحت واخذت وقتها احينا في هالوقت قد رجع للسياره وعلى باله مرته في المرتبه اللي ورا وخبركم عبايه سودا واخر الليل ماانتبه انه مو موجوده في السياره وهو شغل السياره ودعس البنيه المسكينه طلعت وهي مرتااااحه وتناظر يابنت وين السياره وتتلفت ماتشوف غير الهنود حق المحطه وابو يمن حق البقاله عاااد تخيلو الصدمه يوم عرفت ان زوجها دق سلف ومشى جالسه تتأمل المسكينه في نفسها يمكن راح منا ولا مناك وبيرجع شوي ماوعت الا ذاك الجمس المقبل يوم وقفووا عند البقالة اللي جنبها وتقز الحريم اللي في الجمس ... قالت زيين عائله وتروح وترمي نفسها على الحرمه اللي قدام وهي ام العائله وتقولها خالتي انا داخله على الله ثم عليك .. وهذي قصتي والعجوز تمسك راسها وتقولها .. يابنيتي انتي تعرفين سيارة زوجك ويعبون بانزين ويدعسون ورااااه {كانهم توم وجيري هههههه } نعود الان لصاحب الفصفص اخونا في الله مريح وما شي بعد مالقوه على بعد نص ساعه عاد تخيل عزيزي القارئ انك على طريق القصيم وفجأة وراك جمس يكبس بالنور بشكل مخيف يبيك توقف وش ردى فعلك اكيد بتموت من الخرعه ههههه المهم اكيد الرجال دعس قال ذولا مهابيل بيضربوني ومعي عروستي ويافشيله اذا انطقينا {حلو اسمه المسلسل معرس وعروس ينطقون ليله الزواج هههههه } المهم والجمس وراه داعس يحاول انه يوقفه المهم الذهين اللي يسوق الجمس عرف وش يسوي .. فقام يولع نور الجمس اللي داخل عشان يشوف انها عايله واخيراااااااا .. انتبه ووقف يبي يشوف وش عنده ونزل ويش تتوقعون رده فعله اكيد مممممممممممممعصب حدددده عاد من اللي متوهق في هالموقف ... راعي الجمس يقول في نفسه شلون اقوله ان مرته معانه يبي يجيبها باسلوب تدريجي عشان ماينصدم .. خبركم في مثل هالمواقف ويش بقول اهل العروسه اخذت بنتنا وضيعتها .. والله ان تلزق فيك السالفه طول عمرك والعالم يتمشون وما عندهم سالفه غيرك المهم راعي الجمس سلم وقال يااخوي ماكانك مضيع لك شي ... قاله المعرس لاوالله ماضيعت شي .. قال متاكد قال المعرس .. شلون قال راعي الجمس رح طل في سيارتك شف فيه شي ناقص لك العريس قام يوسوس حتي المشكله مرته ماجت على باله المهم راح ودخل سيارته وقال يامره فيه شي طاح واحنا ماندري في المحطه محد رد عليه ويوم لون وجهه بدل يميل للكرت الاحمر ... وين راحت المره ورجع لراعي الجمس وقال هات السالفه قال ياولد مرتك لقيناها في المحطه انا واهلي وقالت لنا انها نزلت للحمام وانت مشيت ولادريت عنها عااد العريس كل انواع النفضات نزلت عليه تلعثم ولاقدر يتكلم المهم راعي الجمس راح وقال للعروسه يلاا طسي عند زوجك شوفيه متصومع عليك المهم العروسه اركبت مع زوجها السياره وانطلق لسانها اللي كان مربوط وقامت تتعذر له .. وتقول لاتزعل مني انا كنت مستحيه اقولك اني ابي الحمام وانت ماشاء الله عليك ركبت السياره وانطلقت .. هههههه===< ياشين التمليح .توها تتميلح .. عاد انقلب الوضع صار العريس هو اللي مبرطم طول الطريق والعروسه هي اللي تبرر ماشاء الله عكست الاية هههه مابقي الا تسوق عشان اخينا في الله مرتاح من اللي حصل النهــــــــــــــــــــــــــــــــــــــــــــــ اية

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________