عنوان الموضوع : سلطة الكول سلو بس للرجيم ....جامدة جدا وانا جربتها
مقدم من طرف منتديات نساء الجزائر

سلطة الكول سلو بس للرجيم ....جامدة جدا وانا جربتها



اولا السلام عليكم ورحمة الله وبركاتة


انا جيبالك انهاردا سلطة الكول سلو اللى كلنا بنحبها بس بطريقة خفيفة جداااااااااااا وناكل منها لحد ما نشبع


اولا ... المقادير :
كرمبة صغيرة ( فى السوبر ماركت )
2 جزرة كبيرة
3 بصلة كبيرة
خل
ملح
ليمونة
ملعقة عسل نحل
ملعقة مايونيز نباتى ( ودا مفيهوش دهون خالص)
عصير برتقال من غير سكر (بيور) او اى نوع تانى


الطريقة :
اولا: هناخد البصل ونقطعة ترنشات صغيرة ونحطة فى طبق بلاستيك كبير ونحط علية ملح وخل ونقلبهم كويس ونسيبهم ساعة وبعدين نعصر البصل ونحط عصير البصل دا فى برطمان ونحط علية شوية زيت زيتون ونحطها فى التلاجة
واى وقت هنعمل السلاطة ناخد شوية من عصير البصل دا و كدا هيكون جاهز عندنا فى التلاجة

ثانيا : نقطع الكرمب او نبشرة ونبشر الجزر ونحط عليهم ملعقة العسل وملعقة المايونيز وشوية عصير برتقال من غير سكر وليمونة وشوية خل وشوية من مية البصل دول ونقلب كويس جدا


السلطة دى بجد جميلة جدااااااااااا انا عملتها انهاردا وكلتها تحفة جداااااااااا وخفيفة وتنفع للرجيم عشان تشبعى ومتاكليش حاجات كتير وكلى منها زيى ما انتى عايزة وعلى فكرة دكتورة الرجيم هى اللى قالتلى عليها


وانا حطتهلكوا للاستفادة وبجد لانى بحبكوا جدااااااا وبحب منتدى سيدتى جداااااااااااااااااااا


ارجوا الدعاء ليا بظهر الغيب وجزاكم الله كل خييييييييييير

>>>>> ردود الأعضـــــــــــــــــــاء على الموضوع <<<<<
==================================


جميله حبيبتي شكرا لك
انا بعملها برضه كرنب وجزر مبشورين مع مايونيز قليل الدسم مع ملح وفلفل وخل وملعقه سكر دايت ومعاهم زبادي قليل او خالي الدسم
النتيجه رائعه ومهما اكلتي اساسا تخسري سعرات مش تزيدي
روعه
بس عاوزة اسالكاجيب منين المايونيز النباتي ده وانواعه ايه


__________________________________________________ __________


__________________________________________________ __________


__________________________________________________ __________


__________________________________________________ __________