عنوان الموضوع : رمضان على الابواب .. تجهيزاتنا عشان نتفرغ للعباده. طبخ رمضاني
مقدم من طرف منتديات نساء الجزائر

رمضان على الابواب .. تجهيزاتنا عشان نتفرغ للعباده.



بسم الله الرحمن الرحيم

السلام عليكم ورحمة الله وبركاته ...

رمضان بارك الله لنا ولكم فيه وغفر ذنوبنا ... على الأبواب ..

سأختصر الكلام حتى يكون خفيف عليكم ...

انا بديت اجهز عشان يخف الشغل في رمضان علي ... كل يوم اجهز شيء ..

واجمده وبعدها احطه في علب .. وارجعه للفريزر ... وبتدعون لي يارب ...لابد

الواحد يرتاح ويتفرغ للعباده ..

الان أفكار لكم .. ومايمنع تشاركوني بأفكاركم كلنا خوات ونفيد بعض يارب ..
وابيلكم الفائده وكل ماسويت شيء بكتبه بهالموضوع متجدد انشاءالله

.. نبداء باسم الله ..

نجيب بطاط كميه تحديدنها حسب حاجتك ... ونسلقها الأفضل بقدر البخار كميه

كبيره .. ونهرسها ... ونحطها بأكياس بعد ماتصير دافيه .. وحسب حاجتك قدري

الكميه .. هذي للشوربات ... ياجميلات ... وأيضا نقدر نعمل قرع نفس الطريقه

القرع الأمريكي ... للشوربات ... لان القرع العادي يصير طعمه بعد التجميد

مثل المويه ...الفكره الثانيه ... السبرنق رول .. وافضل نوع اللي بالبيض انا حشيتها خضار

وطعمها روعه ... مكونات الخضار (بصل شرايح 10 حبات .. نحط عليه شويه

سمن او زيت زيتون .. ونقلبه نظيف له فلفل ابيض وشوي بهار مشكل

ونقلب حتى يذبل شوي مو مره وبعدها نحط ملفوف مقطع شرايح صغيره

ونقلب خمس دقايق ونظيف جزر مبشور ملاحظه لب الجزر مانبشره نرميه

عشان قاسي ومر غالبا ...ونقلبها اخر شيء نحط الملح وماجي .. وصوص صويا

بس طعم ... نطفي النار ونخليها تبرد ونقلبها عشان تبرد ونظيف بقدونس

وكزبره وفلفل اخضر حار اللي يناسبك مفرومه اخرشيء بعد ماتبرد ..

ونحشيء السبرنق رول وخلي عندك

بخاخ ماء دافي ورشيء خفيف على السبرنق عشان مايتكسر معاك عند اللف

رصيها بعلب بلاستك كل يوم بعلبه وبين كل طبقه وطبقه كيس لحمه عشان

ماتلصق في بعض .. وفرزنيها بنزل الصور اخر الموضوع كيف فرزنتها ..

واذا حضرتيها برمضان بعد القلي تعملين صوص تقدمينها معه صوص التمر الهندي

او زبادي وثوم وبقدونس مع لبنه


هذي الصور بعد الفرزنه



ابرجع لكم فاصل ونواصل ... ههههههههههههه

>>>>> ردود الأعضـــــــــــــــــــاء على الموضوع <<<<<
==================================


بارك الله فيك


__________________________________________________ __________

الله يبلغنا رمضان لا فاقدين ولا مفقودين

ما عمري فرزنت الاكل
احب الطازج
يعطيك العافيه


__________________________________________________ __________

رجعنا لكم ....

كرات البطاطس ... وفرزنتها ....

نجيب كميه بطاط انا استعملت كيس بطاط كامل ,,, سلقته في قدر البخار ..

جهزت كميه من الشبت او شبنت كل احد وتسميته .. وكزبره وثوم وفلفل بارد فرمتها ناعم ..

وبعد مانهرس البطاط نخلطهم كلهم مع بعض والاسهل تفرمينها بمفرمه اللحمه مره

وحده وحطي فلفل ابيض واسود .. وملح شوي لاتكثرين اعلمكم ليه بعد

مانخلص الوصفه ... واعجنيها وكوريها كور مثل صفار البيضه او اكبر

شوي ..انا اضفت للعجينه مجموعه اجبان مبشور تشدر موزاريلا

وزعيها بصينيه كبيره وحطيها بالفريزر بعد ماتجمد عبيها بعلب بلاستك وحطي

كل يوم علبه او بين كل طبقه وطبقه كيس عشان ماتلزق وخوذي حاجتك منها

كل يوم ومتى ماحبيتي ...

طريقتها برمضان .. تقطعين بصل شرايح وصدور دجاج شرايح مثل الشورما .. وفلفل

بارد حطي شويت زيت وقلبي الدجاج لما يقرب يتحمر حطي فلفل ابيض

وقرفه مطحونه وشوية هيل مطحون يادوب ريحه بس وقرنفل شوي ..

وحطي البصل والفلفل وقلبيها لحد ماتستوي اخر شيء شوية كزبره وحطيها

بصينيه ورصي كرات البطاط فوقها .. وصبي عليها باشميل ويفضل ماتكثرينه

ودخليها الفرن وقبل ماتطلعينها رشيها بجبن مبشور كرافت مع موزاريلا ..

وبالعافيه ..انا قللت الملح في البطاط لان الحشوة اللي تحته فيها ملح

والباشميل بعد .. والاجبان اللي خلطتها معه في الأول

هذي الصوره قبل ماحطها بالعلبه



برجع لكم ...فاصل ونواصل ...


__________________________________________________ __________

بسم الله الرحمن الرحيم

أوراق الخريف ربي يسعدك ...

عسوله بس الأشياء اللي ماتفقد طعمها تفرزن .. لكن مثل الفطاير اعملها فرش السلطات الصوصات العصايرههههههههههه الشوربات ... بعض الصواني .. الخضار مثلا ووووووو

هذي أشياء بسيطه تساعدنا ... فقط ... بعضهم ماعنده شغاله او عيله كبيره او موظفه او تتعب برمضان وماتتفرغ الا للطبخ وتترك الدعاء وتتأخر بصلاتها .. يعني فيها فائده وانا اختك .. والا الفرش الطازج اكيد احسن ....


__________________________________________________ __________

رجعنا لكم ...

الان أروع طبق الكل عندنا يحبونه برمضان وخصوصا رجالنا هههه .. يحبون

اللحم .. لحم مفروم خلي اللحام يعملك خلطة كفته اطلبيها يعملها لك او

اشتريها جاهزه بخلطتها بكل شيء .. كوريها ورصيها بصينيه بالفريزر واذا

جمدت فككيها وحطيها بعلبه وبين كل طبقه وطبقه كيس لاتلزق وراعي حجم

الكوره لانك اذا قليتيها بتصغر ..

الطريقه .. قطعي بصل وثوم وفلفل حار حسب ذوقك واحمسيها بشوية

سمن او اختيارك واذا قرب يذبل حطي بهاراتك وحطي كورات الكفته معاه

وقلبيها لحد ماتقرب تستوي واضيفي صلصة طماطم .. عليها وقلبي

طفي النار .. تكونين مجهزه لبن زبادي مع ثوم ولبنه وكزبره مفرومه ونعناع

شوي مفروم للطعم ..ونخليه على جنب .. نجيب تورتيلا نقطعها صغير ونقليها

ونحطها بصينيه نص كميتها ونحط الكورات فوقها وبعدها الزبادي ونرجع على

الوجه نضيف باقي التورتيلا وكثريها .. عشان تقرمش .. واضيفي صنوبر

مقلي..على الوجه .. اختياري وبالعافيه ...

الطريقه الثانيه .. نكشن بصل وثوم وحطي بهاراتك ونحطها عليه صلصه

طماطم وبعدها نجيب كم حبة طماط مطحونه ونحطها ونخليها لين تصير

الصلصه حمراء وبعدها الكور اللحم .. ونقلب ... ونقدمها مع الرز ...

الطريقه الثالثه .. نقدمها بدل الرز بسندوتشات كودو نقطعها من فوق زي

القارب كذا تكون مفتوحه نحشيها كور اللحم ونحط على الوجه جبنه شدر

وموزريلا .. وندخلها فرن يادوب تذوب ونقدمها ...مع سلطه مع بطاط مقلي
الطريقه الرابعه نحطها مع مكرونه ....

هذي صورتها بالعلبه بعد الفرزنه



فاصل ونواصل