عنوان الموضوع : جمبرى مشوى بتتبيلتى الخاصة من وصفات ( شيماء سيف ) أكلة سهلة
مقدم من طرف منتديات نساء الجزائر

جمبرى مشوى بتتبيلتى الخاصة من وصفات ( شيماء سيف )



بسم الله الرحمن الرحيم

طريقتى فى عمل الجمبرى المشوى

لا احلل نقل وصفاتى الا بذكر المصدر


1- تغسلى الجمبرى وتفتحيه من الظهر بسكينه وتنظفيه من كيس الرمل
2- تجهزى خليط التتبيل
مسترده - ملح - فلفل اسود - رشه كمون - رشة كزبره ناشفة - رشه شطة - هوت صوص - عصير لمون- 2 فص توم مطحون ناعم جدااا - شبت حوالى معلقة كبيرة تقلبى الخليط كله مع بعض
3- قلبى الجمبرى فى الخليط وغطيه وحطيه فى التلاجة مش اقل من نص ساعة
4- على الجريل او فى طاسه تيفال تكون سخنه وفيها شويه زيت صغيريين
تنزلى بالجمبرى بس تحطيه من الناحيه المفتوحه اللى فيها اللحم بحيث اللحم يكون ملامس للجريل او الطاسه اول ما يبدأ يلون تقلبيه على الناحيه التانيه والطريقة دى مش حتخليه يقفل معاكى حيكون مفتوح وشكله احلى
5- الجمبرى مش بيقعد كتير على النار علشان مايشدش اول ما يلون تقلبيه وتطلعيه على طول فى طبق التقديم



اعتذر عن التصوير المرة دى نظرا لللاستعجال

لا احلل نقل وصفاتى الا بذكر المصدر

>>>>> ردود الأعضـــــــــــــــــــاء على الموضوع <<<<<
==================================


ماشاء الله وصفة ولا اروع
تسلم الايادي وياريت تتحفينا بوصفاتك اول باول
شهيتيني جمبري


__________________________________________________ __________

المشاركة الأصلية كتبت بواسطة ام رقة
ماشاء الله وصفة ولا اروع
تسلم الايادي وياريت تتحفينا بوصفاتك اول باول
شهيتيني جمبري

تسلمى يارب من كل شر

اتفضلى غاليتى الف هنا وشفا اجيبهولك لحد عندك


__________________________________________________ __________

يعطيكي العافيه


__________________________________________________ __________

المشاركة الأصلية كتبت بواسطة زهرة مدائنية
يعطيكي العافيه

يعافيكى اختى اشكرك


__________________________________________________ __________

يسلموا