مسابقة بلمتنا ينور مطبخنا المرحلة 1*حلى بيتزا غصير* (كروب مريومة 28 ) -على طريقتي
عنوان الموضوع : مسابقة بلمتنا ينور مطبخنا المرحلة 1*حلى بيتزا غصير* (كروب مريومة 28 ) -على طريقتي
مقدم من طرف منتديات نساء الجزائر
مسابقة بلمتنا ينور مطبخنا المرحلة 1*حلى بيتزا غصير* (كروب مريومة 28 )
كيفكن يا احلى سيدات
عدت لكن من جديد مع
البيتزا دايت وحلى الهيطلية اللذيذ وعصير الرمان
* البيتزا *
مقادير العجينة
~~~~~~
كوب ونصف دقيق القمح
كوب وربع دقيق ابيض
ملعقة كبيرة خميرة قورية
نصف ملعقة صغيرة بكمبودر
اربع ملاعق كبار زيت
نصف ملعقة صغيرة ملح
رشة اوريجانو
ملعقة صغيرة سكر
نصف كوب ماء ومتلن حليب مخلوطين مع بعض دافئين واذا لزم العجينة اضيفي اكتر
نضع الحليب والخميرة مع بعض ونتركهن يتخمروا 5 دقائق
والمقادير الجافة مع بعض بعدين منخلطهن كلن ونعجن جيدا 5 دقائق ونتركها تتخمر ساعة
هي شكلها قبل التخمر وبعد
الصلصة
~~~~
(2 بندورة مفرومة ناااعم , حبة فلفل اخضر, قطع لحمة ناعمة متبلة , اوريجانو ,بهار ,ملح, فطر ,ملعقة معجون طماطم ومتلها كاتشب ,بصلة مفرومة ناعم , فص ثوم مدقوق )
نحمس البصلة واللحمة والتوم والفطر بعدين نضيف البندورة والفلفل الاخضر والبهارات نتركهن شوي بعدين منضيف معجون الطماطم
الصور بتوضح
الصلصة جااهزة
نرق العجينة دائرة انا استعملت قالب التشيز كيك
ونحشي دوائر العجين بلحمة او جبن ونمد الصلصة
بهالشكل
بعدين نبشر جبن قليل الدسم
وتزين بالطماطم والفلفل والزيتون ندخلها فرن محمى مسبقا
وهي شكلها لما طلعتا من الفرن
يمكن طريقتا ماهي غريبة عليكن لكن هي اول مرة بنزل بيتزا من مطبخي العجينة متل القطن
يارب تكون عجبتكن وصحة وهنا
*عصير الرمان *
الصبايا نزلوه لكن ما كنت بعرقف كنت غيرتو هلا لحتى انتبهت
عصارتي المتواضعة ههههه
هاد شكله النهائي كلنا منعرف اديش مفيد لمرضى السكري
بالهنا والشفا
انتظروني مع الحلى
>>>>> ردود الأعضـــــــــــــــــــاء على الموضوع <<<<<
==================================
وااااااااااااااااااااو يا ام جنى مبدعه اتمنى لك التوفيق؟
يلا استنى الحلى؟
واحلى تقييم لعيونك يالغلا؟
__________________________________________________ __________
عدناااا
حلى *الهيطلية * مشهور كتير بسوريا وخاصة بحلب وادلب كتير لذيذة
مقاديها كتير بسيطة حتى شغلها سهل كتير
كيلو ونصف حليب قليل الدسم
5 ملاعق نشاء الذرة
كوب حليب مخلوط مع ملعقو كبيرة ماء ورد هاد نخليه بالتلاجة
الطريقة نحط النشاء مع الحليب ع البارد بعدين ع النار مع الاستمرار بالتحريك لحتى نحصل علة قوام سميك نوعا ما متل المهلبية
نشيلو من ع النار ونسكبه بالبايريكس او اي صينية عندك
بعتذر منكن ماصورت الحليب وهو ع النار الكاميرا ابدا ما ساعدتني
منتركها بالمطبخ 10 دقائق بعدين مناخد كاس ماء بااارد ونصبو فوقها مع وضع ايدك بشكل 5 يعني تصبي الماء البارد فوق ايدك ما تخليه ينزل مباشرة عليها هالحركة منشان وجها يجعد يمكن مايبين بالصورة بس بيطلع شكلها حلو انا ما جعدت معي كتير لانو تاخرت بصب المي
ندخلها البراد 4 ساعات اقل شي بعدين نقطعها بالطول وناخد زبادي ونقطع مربعات صغيرة (زبادي يعني صحون مو لبن هههههه)
وكاس الحليب الي تركنا بالتلاجة ناخدو ونصب القليل فوق المربعات
بالصحن
لمرضى السكري نزينها بالتلج المبروش اما انا زينتها شكلين تلج مبروش وايس كريم والحليب بدون سكر والهيطلية كمان مطبوخة بلاسكر هي هيك اصولها بس كاس الحليب فيكي تتحكمي بحلاوته
بس ماصورت صحن الايس لانو فضي شحن الكاميرا افففف رح ارميها يبعتلا حتفة
وهي صورت الطبق
جربوها لذيذة كتيييير وطعمة ماء الورد مع الحليب الباارد يمي يمي منعشة انا حليت الحليب زيادة لانو ماعندي مرضى سكر الحمدلله
الله يشفي كل مريض سكر ويعافيه يارب
انشاء الله تكون اطباقي نالت اعجابكن
__________________________________________________ __________
اهلين سحورتي شو شايفتك عنا مشتاقتلك كتييير
تسلميلي يارب كلك زوء ويسلمو ع التقييم ياقمر
__________________________________________________ __________
اطباق مميزة حبيبتي هبة
اتحفتينا
عجبتني كثير البيتزا البيضاء مثل القطن
حبيبتي لك منى احلى تقييم
اختك الهام
__________________________________________________ __________
شكرا لحضورك لهومتي ولكلامك اللطيف متلك
ويسلمو ع التقييم ياقمر
رد مع اقتباس
