عنوان الموضوع : حابة تتعلمين معاي شلون تسوين علب التوزيعات .. عيل حياج .. ^_^ يدوي
مقدم من طرف منتديات نساء الجزائر

حابة تتعلمين معاي شلون تسوين علب التوزيعات .. عيل حياج .. ^_^



السلام عليكم الغاليات

اشحالكم ان شاء الله بخير,,,

تعرفون انا احب اسوي علب الهدايا او التوزيعات وبمعنى اصح هاي اصلا شغلتي وتجارتي ,, لكن مب معناته اني ما احاول اساعد غيري ف تعلم هالفن الحلوووووووو والمميز ما شاء الله ,,,

فحابة افتح هالموضوع لكل البنات اللي عندهم اي طلبات عن صناعة العلب بأشكالها وانواعها المختلفة ,, يعني لو مثلا وحدة تبا تسوي علبة على شكل قلب وما عندها الباترون الخاص في الشكل ومب عارفة وين تدور ,, ممكن تحط لي طلبها هنيه وانا بحاول اني اما اظهره لها من النت او اني ارسمه واحطه لها هنيه في الموضوع عسب هي تستفيد وغيرها بعد يستفيدون ,,,

ما اعرف لو الموضوع مفيد والا حلوو والا لا ,, بس عموما هذا مجرد اجتهاد ,, والسموحة منكم لو الموضوع مب مناسب

بس اكيد الموضوع للجميع لاني اكيد مب كل الاشكال اقدر اسويها يعني ممكن انا اساعد البنات في الباترونات او طريقة العمل وممكن الموهوبات المتميزات في هالفن بعد يساعدن البنات في طلباتهم ,,,

والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر


ملاحظة :

اتمنى من المشرفة الكريمة نقله الى قسم اعمال الاعضاء الخاصة لان الفيديوهات كلها شغلي الخاص

>>>>> ردود الأعضـــــــــــــــــــاء على الموضوع <<<<<
==================================


انا حابه ااتعلم من زمان ‏ ‏اب‏حا‏ ‏


__________________________________________________ __________

يسلموووووووووووو


__________________________________________________ __________

المشاركة الأصلية كتبت بواسطة جود المحبه
انا حابه ااتعلم من زمان ‏ ‏اب‏حا‏ ‏

السلام عليكم الغالية

اوكي في شكل معين تبين تتعلمينه والا بشكل عام لان ممكن احطي دروس ان شاء الله ومن خلال تقدرين تتعلمين بس لو تحبين تتعلمين شكل معين انا حاظرة قوليلي عنه وبحطلج درس عليه والله يوفق الجميع لما يحب ويرضى

@ اختكم في الله @

ام ناصر


__________________________________________________ __________

المشاركة الأصلية كتبت بواسطة الشركسيه
يسلموووووووووووو

الله يسلمج حبيبتي وييسر لج الخير دنيا واخره


__________________________________________________ __________

مثل ما قلت لكم اللي في خاطرها اي شكل تتعلمه انا ممكن اساعدها في رسم الباترون وطريقة العمل او اني احط لها الطريقة والباترون من النت