عنوان الموضوع : عجزت احبك -مجابة
مقدم من طرف منتديات نساء الجزائر

عجزت احبك






انا متزوجة من عشر سنوات وماقدرت احب زوجي حاولت وماقدرت ...والمشكله اني اجامله ومافيني جراءة اعترف له اني ماعمري حبيته ..ماانكر هو يحبني لدرجة تملك ...بس انا احس اني جالسه اخدعه بعدم اعترافي له .ومرات احس بتانيب ضمير . انا والله مااحد في قلبي عشان عجزت احبه بس مدري ليه ماقدرت حتى اليوم احبه . ..باقي الله مارزقنا عيال ..عمري 28 وعمره 32 ..انا كل يوم انظر لعيونه وهو يقول لي احبك ..وانا انتظر دقيقة وبعدها اقول له انا كمان ...مرات نفسي اقول له انا مااحبك ولاعمري حبيتك..مرات ابتسم واضحك مجامله ..مرات اضمه بدون مشاعر ولااحاسيس ..مرات يلمسني بدون ماتتحرك فيني شعره ..مرات احس اني مضطرة اتقرب منه عشان احمل وانشغل مع الطفل ....قبل ماتحكموا علي احب اقول لكم انا اكثر من مرة حاولت اطلب الانفصال بس كان يرفض يقول يحبني ..ومرات اشيل اغراضي وماعاد اتحمل الحياة واروح عند اهلي بس بعد شهر ارجع لانه يجبرني ارجع ..والله صعبه لما تعيش مع شخص بدون مشاعر ..ولما تجلس مع نفسك وتسال نفسك لمتى بعيش معه بدون مشاعر واذا ماجت المشاعر بعد عشر سنوات متى راح تجي ..والعمر يمشي وانا اسال نفسي كل يوم نفس السؤال متى احبك . واصحى كل يوم بدون جواب . ..انا ماقدرت احبه لانه ببداية زواجنا كانت بيننا مشاكل كثيرة وكان يضربني ويهينيني ويجرحني وبعدها سنوات انهدى الوضع بيننا وبعدها هو حس بمشاعر حب اتجاهي وسامحته وبديت معه حياة جديده بس حب من طرف واحد ...انا مش حقودة بس والله ماقدرت انسى الالم والجروح الي سببها لي بداية حياتنا ..بس تعايشت مع الوضع وقلت بنفسي هي حياة وبس ..المشكله انا رومنسيه وشاعريه كثير زيادة عن اللزوم .
.احب العشق والجنون احب الشخص لما يحاول يسعدني ويسوي كل شي مستحيل عشان احبه . انا متعلقه بقصص الرومنسيه ..واحس زوجي بوادي والرومنسيه بوادي ...كل الي يقدر يسويه انه يحبني بقلبه بدون مايقدم لي اشياء ..يعني لو اقول له ودني مطعم قال مش فاضي ..ودني البحر قال مش فاضي ..ودني السوق مش فاضي ..جيب لي وردة حمراء للعيد طيب بعدين ويمر العيد وانا انتظر الوردة . .وكل مرة يجيني يقول احبك واعشقك ..طيب ساعدني عشان اقدر احبك ..ساعدني عشان اقدر انسى جروحك الاولى ..جروحي مرت عليه تسع سنوات والا الان مانسيتها وهي حاجز بيني وبين اني احبه ..وكل هذا وهو مايدري اني ماعمري حبيته واني اجامله بكل لحظه اعيشها معه ..تصدقون البس له ملابس كلها اغراء واهتم بشعري وعطري وجسمي كل هذا عشان اسعده علىحساب نفسي ولانها حياة وبنعيشها ولانه قدري ونصيبي ولان ربي حطه بحياتي لحكمة من عنده .

>>>>> ردود الأعضـــــــــــــــــــاء على الموضوع <<<<<
==================================


في بداية زواجكم لما كان يضربك ويهينك كان المفروض تتركيه ولكن هلق وبعد تسع سنوات زواج عن تقولي ما بحبه مش مسموح انا ما عن لومك لانه الاسى ما بينتسى ولكن عن اطلب منك تكوني صريحة وواضحة معه


__________________________________________________ __________

انا تزوجت ابن عمي وكنت اكرهه بعد اربع سنوات زواج صرت ما اقدر اتخلى عنه
اختي ارقي نفسك لا تكوني مسحورة او فيك مس او شي يمنعك انك تشوفي محاسن زوجك ويحط حاجز بينك وبينه عشان ما تحبيه

وبالنسبة للاولاد انا لي اربع سنوات ماعندي اولاد اسال الله يرزقني ويرزقك


__________________________________________________ __________

انتي تحبي زوجك كل كلامك دليل على هذا الشي لكن الشيطان مصورلك هذا الشي ومرسخ في بالك المشاكل القديمه واغلاطه معك مع انه تاب وهذا الشي يستاهل انك تنسي كل شي وتعتبري نفسك تزوجتي جديد كل الي محتاجته انتي هو القرب من الله واكيد تاخر الحمل اثر على حالتك النفسيه بس هذا مومعناه تطلعيها في الحقد والكره لزوجك اعطيه الاعذار على مافات مثل ماسامح هو ونسا وخلي جنبك ورقه وقلم واكتبي حسناته وعيوبه هذا راح يساعدك تخرجي الحقد من قلبك وكل المتزوجين حتى المتزوجين عن حب يمرو بمشاكل كبيره بداية الزواج تصل الى الاهانه والظرب والتجريح خلي في بالك مهما كنتي متزوجه لاي واحد راح تشوفي نفس المشاكل لهذا اطلبي احتياجاتك منه واهم شيء تغلبي على الشيطان في الاول ولاتضعي فقط عيوب في زوجك انظري لحسناته وحاولي تعدلي عيوبه كل سبب الي انتي فيه هو الحقد مع انه تقولي انا موحقود لكنك حاقد حقد الدنيا عليه ومومعترفه بهذا الشي


__________________________________________________ __________

صحيح كلام الأخت حاولي ترقي نفسك
وبعد لما تطلبي منه حاجه أصري إنه يجيبها لا تأجلي الموضوع
اطلبي وكلك ثقه
اطلبي ع أساس يجيبها
ولا تتنازلي عن حقوقك
موفقه


__________________________________________________ __________

تعرفين ليش؟
لأنك ما فتحتي له قلبك
ما صارحتيه
كتمتي كل شئ في اعماقك