السلام عليكم و رحمة الله و بركاته .. كيفكم ان شاء الله بخير ...
انا جايتكم و ابي افتح قلبي المهموم لكم , و انا مالي احد اشكي له من بعد الله غيركم انتوا ي خواتي
انا بنت عمري 23 انخطبت من ولد خالتي و اخذنا بعض عن حب , وكاتبة الكتاب بس لسه ماتزوجنا ,
خطيبي قبل م يتقدم لي بسنتين كان مبتعث ف بولندا و قدر الله أن م يكمل بسبب ظروف ورجع البلد وبعدها تقدم تقدم لي و تملكنا و عشنا ايام الخطوبة الي هي 11 شهر لنا الحين بحلوها ومرها و مشاكلها و ضحكها ك عادة اي علاقه ..كان خطيبي من النوع الي يصارحني بكل شي من ماضيه وحاضرة و انا كنت بصدر رحب اتقبل كل شي و اقول هذا ماضي و الي راح راح و احنا بنعيش المستقبل , و قبل 5 شهور خطيبي سافر لبريطانيا يكمل دراسته الي م كملها و كنا مخططين بس يرجع راح نعمل الزواج , و هالشهور مرت وكنا نكلم ونشتاق لبعض و منتظرين اليوم الي نلتقي فيه ع احر من جمر , الين م جت فترة تقريبا 3 اسابيع صار م يكلمني كثير و دايما يسالني انتي تحبيني , متمسكه فيني .. و كنت اجاوب بكل عفويه وحب ومدري وش الي مستخبي ... بعدها بعد وقت قصير قال لي انا م تعودت اخبي عليك شيء و انتي تعرفين بس فيه حاجه ماقدرت اصارحك فيها تبقى بعقلي و شاغله تفكيري حتى لو تناسيتها , و انا ودي اصارحك فيها و ابيك تسمعين هالشي مني ولا تسمعينه من غيري !!
وقتها بعد المقدمات الي قالها لي صدمني بشي ما كان بالحسبان ابد , واااااااه من هالشي
.. قالي انا عندي ولد !!
اه ياربي وقتها رجلي م شالتني من الصدمه وجهي بلا مشاعر قلبي زاد عن دقاته الطبيعيه جسمي يرجف ليه مدري , انا بحلم ولا علم انا اقرء قصه صح ! مستحيل ذا الشي الي اسمعه حقيقه .. بعدها ضليت ساكته لساعات و رجعت كلمتها بعد ما استعدت قواي و انا قلبي ينزف الم والله , جيت كلمته و انا امثل القوة عندها وداخلي كلي حطام , قلت له كيف صار دا الشي و متى وليش .. بعدها بدى يسرد لي الي صار , و بالمختصر قال ان وقتها كان ع ايام طيش و شباب و عشان م يبي يوقع بالحرام تزوج زواج عرفي او شي زي كذا و بعدها رجع البلد و قبل شهر وهو ببريطانا جاى له ايميل من ام ولده تقوله ان ماتبي ولدها يكبر بدون م يعرف أبوه او يشوفه و شرح لها اني متزوج الحين و انا مو قدر المسؤولية و لاعندي فلوس , قالت له لا انا مابي هذا كله كل الي ابيه ان الولد يكبر و هو يعرف ابوه مو جاهلنه ,.. و مر يوم يومين ثلاثه , انا لا ليلي ليل ولا نهاري نهار وهو ضل يكلمني يقول انا مو عارف ايش اسوي عطيني حل شوري علي بالصح و الغلط انا مو عارف ايش اسوي ... و مرت الايام و انا مو شاغل تفكيري الا هالموضوع , كرهت خطيبي و حقدت عليه و شمئزيت منه بس يبقى في شي معلقني فيه , و الولد مره افكر و اقول ايش صار لو ضل بدون ابو حاله حال غيره من الي بمجتمعهم الله مكثر الملاجأ هناك و لاهي فرقت عندهم .. وشوي ثانية أقول بس هو ماله ذنب ايش ذنبه بغلطة هو مارتكبها حرام ان ينحرم من ابوه وهو عايش ...يالله ارحمني تعبت راح اجن ... المهم اكمل لكم قبل امس كنت اكلم خطيبي و اساله ايش سويت و قام يشرح لي معاناته و تفكيره وكيف مو عارف ان يركز بدراسته ولا يفكر كيف مايخسرني ولا يفكر بالولد .. قلت انا مدري والله تعبت خلاص مادري ايش انت ودك تسوي .. قال انا احبك و الله العظيم و مابي اخسرك تعرفين اني كنت احبك من يوم احنا صغار و انا شاريك و ادور راحتك و كل الي اسويه عشانك .. بس أنا عندي ولد و صعب اقول اني بتركه (( اااه بعد هالجمله تمنيت الموت ما عدت احس بنفسي , كنت متوقعه ذا الشي يقوله بس كان عندي امل ان يتركه )
وربي كسرني حطمني بهدلني ... ورواني صورة ولده بطلب مني انا .. انكسر قلبي اكثر من ماهو من كسر مدري وش بقى فيه .. اه ي غصة الحزن .. تمنيت هالولد مني انا و تمنيت فرحته بأول ولد مني انا , بعدها اجزمت ان من جد حرام ينترك هالطفل المسكين و اجزمت ان قلبه م بيقدر يتركه و ينساه هذا ولده هذا ضناه .. ع كثر مابكيت بالايام الي راحت مابكيت كثر من بعد ماشفت صورة ولده ايه ولده الي مادري ارحمه و انتظر ربي يعوضني , ولا الي احقد عليه لآن بيفرقنا ... انا مادري ايش ممكن .. اخرتها قال صدقيني ي بنت الحلال و ي بنت خالتي قبل لا تكوني خطيبتي و زوجة وشريكة حياتي , انا م بغيت هالشي يصير بس هو صار و استوى و اعرفي ان احبك بس الماضي صعب ينسى , ابيك معاي و ابيك تكوني زوجتي الاولى و الاخيره و انا مابي اخسرك والله العظيم , و والله اني اعزك و اغليك بسسس ( انا لي ولد الحين ولازم اوقف معه ) , و الخيار لكم الحين اختاري الي يريحك لآن مابي اظلمك معاي و انا ادور راحتك ....
يااالله امسح ع قلبي و عطني من الصبر اكثر و اكثر ... قولي لي ايش اسوي الحين مو عارفه تعبت من التفكير ابقى معاه و اصبر لآن ماادري ان الله ايش كاتب و مقدر من خير .. و لا اتركه بس قلبي ينكسر اذا فكرت ب هشئ لآن والله اني احبه ومابي اخسره .. انا احترت مادري ايش الصح و ايش الغلط صعب علي اتخيل نفسي مع احد غيره صعبه والله العظيم , و بنفس الوقت اخاف اندم بالمستقبل اني بقيت معاه . و اكثر من مره استخرت و مارتحت و استخرت لان مابي اخسره و سبحان الله تطلع لي الخيره (نهي ) و ان الانفصال مو زين و بما معناه ... يالله اكتب و قدر الي فيه الخير ...
ابي مشورتكم ابي دعائكم لي ان الله يفرج همي و يفرج كربي والله تعبت خلاص عيني ماذاقت النوم من ايام والله اني اضعف من اني اتحمل ذا الشي كله بعدي صغيره ع هالهم يالله بس الحمد الله ع كل يارب \
قولوا لي ايش الصح و ايش الغلط والله اني اكتب وعيني تملاها هالدموع الي مافارقتني ...
و اسمحوا لي ع الاطاله .. و لاتنسوني من دعائكم الصادق الي محتاجته تكفون يا اخواتي .
خطيبي عنده ولد ! -لحياة سعيدة
رد مع اقتباس
